完整藏文原文 · 德格版页 当前仅加载第 81 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་པས་རབ་ཏུ་དཔྱོད་པས་སྒྲུབ་པར་བྱེད་པ་ནི་བྱ་བའི་རྒྱུད་ལ་བཞུགས་སོ། །སྔགས་དང་། སྨན་དང་། སྦྱིན་སྲེག་དང་། ཕྱེ་མ་དང་། མིག་སྨན་དང་། རྐང་མགྱོགས་ལ་སོགས་པ་དངོས་གྲུབ་ཆེན་པོ་བརྒྱད་རབ་ཏུ་དཔྱད་པ་སྒྲུབ་པར་བྱེད་པ་ནི་རྟོག་པའི་རྒྱུད་ལ་
D447.081.0285b01.01བཞུགས་སོ། །བྱང་ཆུབ་སེམས་དཔའ་ཆེན་པོ་རྣམས་ཀྱིས་གསོལ་པ། བཅོམ་ལྡན་འདས་རྒྱན་རྣམ་པ་བདུན་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། གླེང་བསླང་བ་རྣམ་པ་ལྔ་དང་མཐའ་དྲུག་གིས་བཤད་པ་དང་། རིགས་པ་རྣམ་པ་བཞི་
D447.081.0285b02.01དང་། བཤད་པ་རྣམ་པ་བཞི་དང་། དབྱེ་བ་རྣམ་པ་གཉིས་དང་། གང་ཟག་རྣམ་པ་ལྔའི་སློབ་མ་བརྟག་པ་དང་། བདེན་པ་རྣམ་པ་གཉིས་ཀྱི་དགོངས་པ་རྣམས་སོ། །གླེང་བ་བསླང་བ་རྣམ་པ་ལྔ་ནི་འདི་ལྟ་སྟེ། མིང་དང་། གང་གི་དོན་དུ་བྱས་པ་དང་། བྱེད་
D447.081.0285b03.01པ་པོ་དང་། ཚད་དང་། དགོས་པ་རྣམས་སོ། །མཐའ་དྲུག་ཏུ་བཤད་པ་ནི་འདི་ལྟ་སྟེ། དགོངས་པས་བཤད་པ་དང་། དགོངས་པ་མ་ཡིན་པས་བཤད་པ་དང་། དྲང་བའི་དོན་དང་། ངེས་བའི་དོན་དང་། སྒྲ་ཇི་བཞིན་པ་དང་། སྒྲ་ཇི་བཞིན་
D447.081.0285b04.01པ་མ་ཡིན་པ་རྣམས་སོ། །རིགས་པ་རྣམ་པ་བཞི་ནི། རྒྱུད་དང་། གླེང་གཞི་དང་། ངེས་ཚིག་དང་། རྒྱུ་རྣམས་སོ། །བཤད་པ་རྣམ་པ་བཞི་ནི། ཡི་གེའི་དོན་དང་། སྤྱིའི་དོན་དང་། སྦས་པ་དང་། མཐར་ཐུག་པ་རྣམས་སོ། །དབྱེ་བ་རྣམ་པ་
D447.081.0285b05.01གཉིས་ནི་འདི་ལྟ་སྟེ། ཚོགས་ལ་བཤད་པ་དང་། སློབ་མ་ལ་བཤད་པའོ། །གང་ཟག་རྣམ་པ་ལྔའི་སློབ་མ་བརྟག་པ་ནི་འདི་ལྟ་སྟེ། རིན་པོ་ཆེ་དང་། ཙནྡན་དང་། པདྨ་དང་། པདྨ་དཀར་པོ་དང་། ཨུཏྤལ་རྣམས་སོ། །བདེན་པ་རྣམ་པ་གཉིས་
D447.081.0285b06.01ཀྱི་དགོངས་པ་ནི་འདི་ལྟ་སྟེ། ཀུན་རྫོབ་ཀྱི་བདེན་པ་དང་། དོན་དམ་པའི་བདེན་པའོ། །རིགས་ཀྱི་བུ་ཀུན་རྫོབ་ནི་མི་བརྟན་པ་དང་གཡོ་བའོ། །དེའི་བདེན་པ་ནི་ཆུ་ཟླ་ལྟ་བུའོ། །དོན་དམ་པའི་བདེན་པ་ནི་སྟོང་པ་ཆེན་པོ་{བཅྭ་,བཅོ་}བརྒྱད་དོ། །དེའི་མཐའ་ནི་གནས་སོ། །
D447.081.0285b07.01