完整藏文原文 · 德格版页 当前仅加载第 81 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་གར་སྐད་དུ། བཛྲ་ཛྙཱ་ན་ས་མུཙྪ་ཡ་ནཱ་མ་ཏནྟྲ། བོད་སྐད་དུ། ཡེ་ཤེས་རྡོ་རྗེ་ཀུན་ལས་བཏུས་པ་ཞེས་བྱ་བའི་རྒྱུད། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །ཇི་སྐད་དུ། བཅོམ་ལྡན་འདས་ཀྱིས་ཡེ་ཤེས་
D447.081.0282a01.01རྡོ་རྗེ་ཀུན་ལས་བཏུས་པའི་རྒྱུད་ལས་ཇི་ལྟ་བ་བཞིན་དུ་གསུངས་པའོ། །བྱམས་པ་ལ་སོགས་པ་བྱང་ཆུབ་སེམས་དཔའ་དྲུག་སྟོང་གིས་བཅོམ་ལྡན་འདས་ལ་ཞུས་པ། བཅོམ་ལྡན་འདས་མ་རིག་པ་དང་། སེམས་ལས་བྱུང་བ་དང་། སེམས་ཞེས་བགྱི་བ་ཅི་ལགས།
D447.081.0282a02.01བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེས་བཀའ་སྩལ་པ། རིགས་ཀྱི་བུ་ཉོན་ཅིག །ཡེ་ཤེས་གསུམ་རྡོ་རྗེ་ལས་ཡང་དག་པར་བྱུང་བ་དེའི་ཕྱིར་ཡེ་ཤེས་གསུམ་རྡོ་རྗེའི་རང་བཞིན་ནོ། །བྱམས་པས་གསོལ་
D447.081.0282a03.01བ། བཅོམ་ལྡན་འདས་ཡེ་ཤེས་གསུམ་རྡོ་རྗེའི་ངོ་བོ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཡང་དག་པའི་མཐའ་ཟབ་བ། འགག་པ་མེད་པ། སྐྱེ་བ་མེད་པ། དེའི་རྐྱེན་གྱིས་མ་རིག་པ་སྟེ། མ་རིག་པ་ཞེས་བྱ་བ་དང་། སྣང་
D447.081.0282a04.01བ་ཉེ་བར་ཐོབ་པ་དང་། སྟོང་པ་ཆེན་པོའོ། །དེ་ཡང་རྟོགས་པར་དཀའ་བའོ། །འོན་ཀྱང་སྣང་བ་དང་བཅས་པར་བརྗོད་པར་བྱའོ། །མ་རིག་པའི་རྐྱེན་གྱིས་སེམས་ལས་བྱུང་བ་སྟེ། དེ་ནི་སྣང་བ་མཆེད་པ་དང་ཤིན་ཏུ་སྟོང་པ་ཞེས་གསུངས་སོ། །སེམས་ལས་བྱུང་བའི་
D447.081.0282a05.01རྐྱེན་གྱིས་སེམས་ཏེ། དེ་ནི་སྣང་བ་དང་སྟོང་པ་སྟེ། སེམས་དང་སེམས་ལས་བྱུང་བ་དང་། མ་རིག་པའི་རང་བཞིན་བདག་མེད་པའོ། །གསུམ་པོ་དེ་དང་དེ་འོད་གསལ་བ་ལས་བྱུང་བས་རྡོ་རྗེའི་རང་བཞིན་ནོ། །དེ་ནས་བྱམས་པ་ལ་སོགས་པ་བྱང་ཆུབ་སེམས་དཔའ་
D447.081.0282a06.01དེ་དག་ཐམས་ཅད་ངོ་མཚར་དུ་གྱུར་པས་ཅང་མི་སྨྲ་བར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེས་བྱང་ཆུབ་སེམས་དཔའ་ཆེན་པོ་དེ་རྣམས་ཅང་མི་སྨྲ་བར་འདུག་པ་མཐོང་ནས་བཀའ་སྩལ་པ། རིགས་
D447.081.0282a07.01