dpal gdan bzhi pa'i rnam par bshad pa'i rgyud kyi rgyal po zhes bya ba/
当前为德格木刻版 303b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 303b
- 可引用原文
- 7 行
- 全文规模
- 全经 621 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 80 函 · 德格 303b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཡིས་ཀུན་ནས་གདན་དུ་ནི། །བདག་ཉིད་རྐང་པས་མནན་པར་བྱ། །རྡོ་རྗེའི་ས་བོན་རེ་ཕ་ལ། །ལྕགས་ཀྱུའི་ཡི་གེས་སྦྱར་ནས་ནི། །མཐའ་རུ་འཇོམས་པའི་ཡི་གེ་ནི། །འབུམ་ཕྲག་གཅིག་གིས་འགྲུབ་པར་འགྱུར། །གསང་བའི་གདན་གྱི་ལེའུ་གསུམ་པ་ཞེས་བྱ་བའོ།། །།ཇི་ལྟར་ལུས་ལས་བྱུང་བ་ཡི་ནི་པདྨ་ལ། །བུང་བ་གཉིས་ཀྱིས་བདུད་རྩི་ཟ་བའི་སེམས་དང་ཡང་། །ཡང་དག་སྦྱོར་བས་བྱང་ཆུབ་ཡན་ལག་ལྡན་པ་ཡི། །མཆོག་གི་ཆོས་གསུམ་ཕ་རོལ་ཕྱིན་ལ་ཕྱག་འཚལ་ལོ། །སྲིན་མོ་དང་ནི་རོ་ལངས་མ། །མི་མེད་དུར་ཁྲོད་གནས་སུ་ནི། །{ཡི་དགས་,ཡི་དྭགས་}ཚེས་དང་སྐར་མ་ལ། །བརྟན་པའི་སེམས་ཀྱིས་བསྒྲུབ་པར་བྱ། །ར་ནག་པོ་ཡི་པགས་པ་བླང་། །མཚོན་གྱིས་མ་བསྣུན་སྦྱར་བར་བྱ། །
རས་ནི་བརྐྱང་ལ་ཐིག་གིས་གདབ། །རྫས་ལྔ་དང་ནི་ཡང་དག་ལྡན། །གཉིས་མེད་གཏོར་མ་བྱིན་གྱིས་བརླབ། །ལྕགས་ཀྱུ་ལྔ་དང་ལྡན་པ་ཡི། །སྔོན་དུ་གསུངས་བཞིན་དབུལ་བར་བྱ། །མཁའ་འགྲོའི་གཏོར་མ་བྱིན་བརླབས་ནས། །དེ་ཡི་ར་ཡི་ཤ་ཡིས་ནི། །སྦྱིན་སྲེག་བརྒྱ་རྩ་བརྒྱད་དུ་བྱ། །བྲིས་སྐུ་གནས་སུ་གཟུང་བྱས་ལ། །གཏོར་མས་མཆོད་ལ་བྲི་བར་བྱ། །ཁ་དོག་ནག་པོ་འཇིགས་ཆེན་པོ། །རོལ་བའི་འཕེན་པས་ཡང་དག་གནས། །ཡན་ལག་བརྒྱད་དུ་ཀུན་གྱིས་བརྒྱན། །སྐྲ་ནི་དགྱེས་པས་རྣམ་པར་བརྒྱན། །སྤྱན་གསུམ་ཁྲོ་
བོ་མཆེ་བ་ཅན། །ཕྱག་བཞི་ཡིས་ནི་རྣམ་པར་སྤྲས། །ཁ་ཊྭཱྃ་ག་དང་རྡོ་རྗེའི་ལག །དེ་བཞིན་རལ་གྲི་ཐོད་པ་དང་། །གླང་པོའི་པགས་པས་མངོན་པར་བགོས། །སྟག་གི་པགས་པའི་ཤམ་ཐབས་ཅན། །དེ་ལྟར་སྲིན་མོ་རོ་ལངས་མ། །རྣལ་འབྱོར་མཆོག་ཏུ་བརྩོན་པས་བྲི། །ཀུན་ནས་གཏོར་མ་ཡང་དག་ལྡན། །མི་མེད་དུར་ཁྲོད་གནས་སུ་ནི། །ནག་པོའི་ར་ཡི་ཤ་དང་ནི། །ཞོ་དང་མར་དུ་མངོན་པར་སྦྱར། །བརྒྱ་རྩ་བརྒྱད་དུ་བསྲེག་བྱས་པས། །ཕོ་ཉ་རོ་ལངས་མ་རབ་འགྲུབ། །མགོ་ལ་ཧཱུྃ། སྤྱི་བོར་ཧ།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D430
- 德格版页
- 303b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0430 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。