完整藏文原文 · 德格版页 当前仅加载第 80 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་མོ་སྒྲོལ་མ་འདི། །བྱང་དུ་ལྷ་མོ་སངས་རྒྱས་སྤྱན། །ནུབ་ཏུ་བསམ་པ་གོས་དཀར་མོ། །དེ་བཞིན་ལྷོ་རུ་མཱ་མ་ཀཱི། །འོད་ཟེར་འབར་བ་རྣམ་མང་པོར། །འཇིགས་པ་མེད་པར་བསྒོམ་པར་བྱ། །རྡོ་རྗེ་ལས་ནི་ལྷ་ཡི་ལུས། །བཞུགས་
D430.080.0263a01.01བ་རུ་ནི་རྣམ་པར་བསམ། །སྤྱན་གསུམ་ཕྱག་ནི་དྲུག་པའོ། །ཁ་དོག་སྔོན་པོ་རབ་ཏུ་མཛེས། །རྡོ་རྗེ་ཡི་ནི་ཅོད་པན་ཅན། །དར་གྱིས་བཅིངས་ཤིང་རྣམ་པར་འཕྱང་། །རྒོད་ཅིང་ཁྲོ་དང་སྒེག་པ་དང་། །སེམས་དཔའི་སྐྱིལ་མོ་ཀྲུང་གིས་བཞུགས། །སྟེང་དུ་
D430.080.0263a02.01རལ་གྲི་འཕྱར་བ་དང་། །གཉིས་པ་ལ་ནི་དེ་བཞིན་གཞུ། །གསུམ་པར་རྡོ་རྗེ་གདེངས་པ་གསོར། །གཡོན་པའི་སྟེང་དུ་ཁ་ཊྭཱྃ་དང་། །གཉིས་པས་ལྷ་མོའི་ནུ་མ་འཚིར། །གསུམ་པས་དྲིལ་བུའི་སྒྲ་སྒྲོགས་ཤིང་། །རབ་ཏུ་མཛེས་པའི་ན་བཟའ་མནབས། །སྟག་
D430.080.0263a03.01གི་པགས་པའི་ཤམ་ཐབས་ཅན། །རྒྱན་ཀུན་ཕུན་སུམ་ཚོགས་པ་དང་། །མེ་ཏོག་ཕྲེང་བས་རབ་ཏུ་བརྒྱན། །གཡོན་དུ་ལྷ་མོ་སྒྲོལ་མ་ནི། །ཕྱག་གཅིག་གིས་ནི་འཁྱུད་པ་དང་། །གཅིག་གི་ཕྱག་ན་ཐོང་པ་ནི། །བདུད་རྩིའི་ཆུ་དང་ཡང་དག་ལྡན། །མཱ་མ་
D430.080.0263a04.01ཀཱི་ཡང་དེ་བཞིན་དུ། །གཅིག་གི་ཕྱག་གིས་མངོན་པར་འཁྱུད། །གཅིག་གི་ཕྱག་གི་ཐོད་པ་ན། །ཁྲག་དང་ཤ་ཡིས་གང་བའོ། །སྤྱན་མ་རྒྱབ་ཏུ་ཀུན་ནས་བསམ། །ཕྲེང་པས་ཕྱག་ནི་བརྒྱན་པ་དང་། །གཏོར་མ་སྤྱངས་པའི་ཕྱག་གཉིས་པ། །མདུན་དུ་སྣོད་ལ་རྣམ་པར་བལྟ། །དེ་ལྟར་
D430.080.0263a05.01བདག་ཉིད་ལྔ་ཡི་ལུས། །ལུས་ལ་ཀུན་ནས་ཡང་དག་གནས། །ཤར་དུ་ལྷ་མོ་མེ་ཏོག་མ། །ལྷོ་རུ་སྤོས་དང་ཡང་དག་ལྡན། །ནུབ་ཏུ་མར་མེའི་ལག་པ་མ། །བྱང་དུ་དྲི་ཡི་ལྷ་མོའོ། །དབང་ལྡན་དུ་ནི་སྒེག་མོ་ཉིད། །དེ་བཞིན་མེ་ཕྱོགས་ཕྲེང་བ་མ། །བདེན་བྲལ་
D430.080.0263a06.01ཕྱོགས་སུ་དབྱངས་མ་དང་། །རླུང་དུ་གར་མ་བརྒྱད་པའོ། །ཉི་མ་བྱེ་བ་བརྒྱ་སྟོང་གི། །འོད་ཟེར་རྣམ་པ་མང་པོའི་མདོག །སངས་རྒྱས་སྤྲིན་ལྟར་འཕྲོ་བ་ནི། །སེམས་ཅན་སྒྲོལ་ལ་མཆོག་ཏུ་བརྩོན། །བདག་ཉིད་ལྷ་དང་ལྷ་གཞན་ནི། །བདག་ཉིད་ལྷ་ནི་
D430.080.0263a07.01