完整藏文原文 · 德格版页 当前仅加载第 79 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་ཀུན་གྱི་ཡུམ། །སྲས་རྣམས་ཐུན་མོང་མ་ཡིན་བསྐྱེད། །ཏིང་ངེ་འཛིན་གྱི་ཁྱད་པར་རོ། །འདི་ཡི་ཁྱད་པར་མ་དཔགས་པར། །ཟབ་པའི་དོན་ནི་ཡོད་མ་ཡིན། །དབང་བསྐུར་བ་ཡི་སྔོན་དུ་ཡང་། །གདམས་ངག་སྦྱིན་པར་གསུངས་པ་ཡིན། །
D388.079.0207a01.01གདམས་ངག་དེ་ཡིས་དབང་ཐོབ་འགྱུར། །ཤེས་རབ་མ་ལ་བརྟེན་ནས་སུ། །བདེ་བའི་ཡེ་ཤེས་བསྐྱེད་པས་ན། །ཤེས་རབ་ཡེ་ཤེས་དབང་དུ་གསུངས། །སིཧླ་ག་པུར་ཤེས་རབ་སྟེ། །དེ་ཡི་བདེ་བ་ཡེ་ཤེས་ཡིན། །སིཧླ་ཤེས་རབ་ཅེས་བྱ་སྟེ། །ག་པུར་ཡེ་ཤེས་སུ་ནི་བཤད། །རྩ་གསུམ་
D388.079.0207a02.01འདུས་པ་ཤེས་རབ་སྟེ། །དེ་ཡི་ཐིག་ལེ་ཡེ་ཤེས་ཡིན། །ལ་ལ་ནཱ་ནི་ཡེ་ཤེས་སོ། །ར་ས་ནཱ་ནི་ཤེས་རབ་སྟེ། །རྩ་ནི་ཤེས་རབ་ཞེས་བྱ་སྟེ། །བྱང་ཆུབ་སེམས་ནི་ཡེ་ཤེས་སོ། །མཁའ་འགྲོ་མ་ནི་ཤེས་རབ་སྟེ། །དཔའ་བོ་ཡེ་ཤེས་སུ་ནི་བཤད། །དགའ་བ་གསུམ་ནི་ཡེ་ཤེས་ཏེ། །རང་
D388.079.0207a03.01བཞིན་དགའ་བ་ཤེས་རབ་ཡིན། །འོག་ནི་ཤེས་རབ་ཅེས་བྱ་སྟེ། །སྟེང་ལ་ཡེ་ཤེས་སུ་ཡང་བཤང་། །གཡོན་པ་ཤེས་རབ་ཅེས་བྱ་སྟེ། །གཡས་པ་ཡེ་ཤེས་སུ་ཡང་བཤད། །ཆོས་དབྱིངས་ཤེས་རབ་ཅེས་བྱ་སྟེ། །ཡེ་ཤེས་བཞི་ནི་ཡེ་ཤེས་ཡིན། །ཕྱག་མཚན་མིང་དང་ཡི་གེ་རྣམས། །
D388.079.0207a04.01གཞན་ཡང་བྱེ་བྲག་ཤེས་པར་བྱ། །ཤེས་རབ་ཡེ་ཤེས་ལ་ཡང་གསུམ། །ཚིག་ལ་བསླབ་པའང་གནང་བ་ཡིན། །གཟུགས་བརྙན་ལ་ནི་བཤད་པ་སྟེ། །མངོན་པར་རྟོགས་པས་བསྒོམ་པ་གསུངས། །ཨེ་ཝྃ་མ་ཡཱའི་རྣམ་པ་བཞི། །ཨེ་ནི་ས་སྟེ་ཝྃ་ནི་ཆུ། །མ་ནི་མེ་སྟེ་ཡཱ་ནི་རླུང་། །
D388.079.0207a05.01ཨེ་ནི་སྙིང་རྗེ་ཝྃ་ནི་བྱམས། །མ་ནི་དགའ་བ་ཡཱ་བཏང་སྙོམས། །ཨེ་ནི་སྤྱན་ཝྃ་མཱམ་ཀཱི། །མ་ནི་གོས་དཀར་ཡཱ་སྒྲོལ་མ། །ཨེ་ནི་སྦྱིན་པ་ཝྃ་ཚུལ་ཁྲིམས། །མ་ནི་བཟོད་པ་ཡཱ་བསམ་གཏན། །ཨེ་ནི་ཕྱག་རྒྱ་ཆེན་པོ་སྟེ། །ཝྃ་ནི་དམ་ཚིག་ཕྱག་རྒྱ་ཡིན། །མ་ནི་ཆོས་ཀྱི་ཕྱག་རྒྱ་སྟེ། །ཡཱ་ནི་
D388.079.0207a06.01ཤེས་རབ་ཕྱག་རྒྱའོ། །ཨེ་ནི་ཤར་ཏེ་ཝྃ་ལྷོ་ཕྱོགས། །མ་ནི་ནུབ་ཕྱོགས་ཡཱ་བྱང་ཕྱོགས། །ཨེ་ནི་སྐུ་ཡི་ཐིག་ལེ་སྟེ། །ཝྃ་ནི་གསུང་ལ་མ་ནི་ཐུགས། །ཡཱ་ནི་ཡེ་ཤེས་ཐིག་ལེའོ། །ཨེ་ནི་སྔོན་པོ་ཝྃ་ལྗང་ཀུ། །མ་ནི་དམར་པོ་ཡཱ་སེར་པོ། །ཨེ་ནི་མཁའ་འགྲོ་ཝྃ་ལཱ་མ། །མ་ནི་དུམ་སྐྱེས་ཡཱ་
D388.079.0207a07.01