dpal sku gsung thugs kyi rgyud kyi rgyal po/
当前为德格木刻版 203b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 203b
- 可引用原文
- 7 行
- 全文规模
- 全经 71 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 79 函 · 德格 203b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文༄༅༅། །རྒྱ་གར་སྐད་དུ། ཤྲཱི་ཀཱ་ཡ་བཱཀྩིཏྟ་ཏནྟྲ་རཱ་ཛ།བོད་སྐད་དུ། དཔལ་སྐུ་གསུང་ཐུགས་ཀྱི་རྒྱུད་ཀྱི་རྒྱལ་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་འདོད་ཆགས་ཆེ། །མཆོག་གྱུར་འདི་ལ་ཡང་དག་གནས། །མགོན་པོ་ཐུགས་རྗེ་ཆེ་ལྡན་པ། །ཁྱོད་ཀྱིས་བདག་ལ་བཤད་དུ་གསོལ། །རྡོ་རྗེ་འཛིན་པས་བཀའ་སྩལ་པ། །སྐུ་ནི་བུམ་པའི་ངོ་བོ་སྟེ། །གསུང་ནི་གསང་བའི་ངོ་བོ་འདོད། །ཐུགས་ཀྱང་ཤེས་རབ་ཡེ་ཤེས་ཏེ། །སངས་རྒྱས་སྤྱན་དང་མཱ་མ་ཀཱི། །དམ་ཚིག་སྒྲོལ་མ་གོས་དཀར་མོ། །རྡོ་རྗེ་འཛིན་ལ་འདི་སྐད་གསོལ། །རྒྱུད་ཀྱི་དོན་ལ་རབ་གོམས་ཤིང་། །སྨྲ་བའི་ཚིག་གིས་མ་
རྨོངས་ལ། །གཞན་གྱི་རྩོད་པས་མི་རྫི་ཡང་། །དབང་དང་མན་ངག་མ་ཐོབ་པར། །དབང་བསྐུར་རབ་གནས་སྦྱིན་སྲེག་སོགས། །སྔགས་སྤྱོད་ངལ་བ་དོན་མེད་ཡིན། །ཤི་ནས་སེམས་ཅན་དམྱལ་བར་སྐྱེ། །དེ་ཕྱིར་གཙོ་བོས་དབང་བསྐུར་གྱི། །མན་ངག་ཡང་དག་བཤད་དུ་གསོལ། །རྡོ་རྗེ་འཛིན་པས་བཀའ་སྩལ་པ། །དང་པོར་བུམ་དབང་རིམ་པ་ཡང་། །གནས་ནི་ཤིན་ཏུ་བསྔགས་པ་བཙལ། །བཀྲ་ཤིས་ཡིད་དགའ་ཤིན་ཏུ་སྣུམ། །བཀྲ་ཤིས་བྱ་རྣམས་སྙན་པར་སྒྲོགས། །དཔག་བསམ་ཤིང་རྒྱས་ཡོད་པར་འདོད། །གཞན་ཡང་དུར་ཁྲོད་ཤིང་གཅིག་གམ། །
ཆུ་ངོགས་དག་ལ་སོགས་པ་རུ། །ས་བདག་ས་ཡི་ལྷ་མོ་ལ། །གཏོར་མ་སྦྱིན་སྲེག་མཆོད་ཡོན་གྱིས། །ས་བསླང་ཕྱིར་ནི་མཐོ་རྣམས་གཟུགས། །དེ་ནས་དང་པོ་བསྙེན་པ་དབུལ། །བསྙེན་པ་གསུམ་ནི་རབ་འབྲིང་ཐ། །མཚན་མ་གྲངས་དང་དུས་སུ་གསུངས། །རེ་རེ་ལ་ཡང་གསུམ་གསུམ་སྟེ། །མཚན་མ་གཟུགས་དང་འོད་དང་སྒྲ། །གྲངས་ནི་སྟོང་དང་ཁྲི་དང་འབུམ། །དུས་ནི་{བཅྭ་,བཅོ་}ལྔ་བཅུ་གསུམ་དང་། །བདུན་དུ་བསྙེན་པ་རྫོགས་པ་དང་། །ལྷ་རྣམས་བསྙེན་པས་མཉེས་བྱས་ནས། །ལྷ་དང་སློབ་མ་རྫས་རྣམས་ཀུན། །ལྷག་པར་གནས་པ་ཚུལ་བཞིན་བྱ། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D388
- 德格版页
- 203b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0388 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。