完整藏文原文 · 德格版页 当前仅加载第 79 函德格 203a 版页；藏文 NFD、目录标记与异常页序保留在来源切片中，重复版页行以稳定序号区分。
རང་སེམས་ཉོན་མོངས་ཉོན་མོངས་བདུད། །འཁོར་བར་ལྟུང་བས་སྐྱེ་བ་སྟེ། །སྐྱེ་བ་ལས་བྱུང་འཆི་བདག་བདུད། །རྣམ་པར་རྟོག་པ་སྐྱེ་བས་སོ། །འདོད་ཆགས་ཀྱིས་ནི་འཆི་བདག་བདུད། །མ་སྤངས་སུམ་ཅུ་དྲུག་གཉིས་དང་། །ངེས་པ་སུམ་ཅུ་རྩ་དྲུག་གི། །
D387.079.0203a01.01ལམ་བསྟེན་བླ་མས་ལྷ་བདུད་བཅོམ། །དགའ་བཞི་སྒྱུ་མ་རང་བཞིན་མེད། །བདེ་ཆེན་རོར་འགྱུར་ཕུང་པོ་བཅོམ། །འབྲས་བུ་རང་རིག་ཡེ་ཤེས་སྦྱིན། །རང་སེམས་ཉོན་མོངས་སྡུག་བསྔལ་བྲལ། །ཉོན་མོངས་པ་ཡི་བདུད་བཅོམ་མོ། །དེ་ཡིས་འཆི་བ་དང་བྲལ་བས། །དེ་ཉིད་འཆི་
D387.079.0203a02.01བདག་བདུད་བཅོམ་མོ། །འོག་གི་ལམ་གྱི་བདུད་བཞི་ཡི། །དམན་པའི་སྟོབས་ཀྱིས་ཟིན་པ་སྟེ། །རྒྱལ་པོ་དམངས་སུ་བབས་པ་བཞིན། །དེ་ཉིད་ལམ་གྱི་བདུད་ཀྱིས་ཟིན། །རྒྱལ་པོ་རྒྱལ་ས་ཤོར་བ་བཞིན། །བཞི་པ་དང་འབྲེལ་བདུད་བཞི་ནི། །གསུམ་པའི་སྣོད་དང་ལྡན་པ་ལ། །
D387.079.0203a03.01བཞི་པའི་ལམ་སྟོན་བླ་མ་ནི། །ལྷ་ཡི་བུ་ཡི་བདུད་ཡིན་ཏེ། །བདུད་གསུམ་བླ་མའི་ཞལ་ནས་ཤེས། །སྣོད་མིན་གསང་བ་སྒྲོགས་པ་དང་། །མར་དང་ཁ་ར་ལ་སོགས་པ། །འཐུངས་ཏེ་མ་ཞུ་དུག་འགྱུར་བཞིན། །ཁྱད་པར་བདུད་ཀྱིས་ཟིན་པ་སྟེ། །རིགས་ངན་རྒྱལ་ས་འཛིན་
D387.079.0203a04.01པ་འདྲ། །དབང་དང་གདམས་ངག་འབྲེལ་བཅས་པའི། །བདུད་འཇོམས་ལམ་གྱི་སྟོབས་དང་ལྡན། །ཡེ་ཤེས་ལྔ་འམ་ཡོན་ཏན་དྲུག །ལྡན་པ་དག་ཏུ་རབ་ཏུ་གྲགས། །བླ་མ་གཅིག་ལ་སྣོད་བཅུད་གཉིས། །ཐོབ་ན་དེ་ཉིད་དམ་པ་སྟེ། །བླ་མ་གཅིག་ལ་དབང་ཐོབ་ནས། །
D387.079.0203a05.01བླ་མ་གཅིག་ལ་མཉན་པར་བྱ། །བླ་མ་རྣམ་པ་གཉིས་སུ་གསུངས། །ཕྱི་ཡི་བླ་མ་དེ་ཉིད་དེ། །ནང་གི་བླ་མ་བདག་པོའི་ལྷ། །བདུད་དང་དགྲ་ཡི་སྡེ་རྣམས་ཀུན། །ཐམས་ཅད་འཇིགས་ཤིང་སྐྲག་བྱེད་པས། །འཇིགས་པ་ཞེས་ནི་གསུངས་པ་སྟེ། །དགྲ་དང་བདུད་ཀྱི་གཡུལ་
D387.079.0203a06.01ལས་རྒྱལ། །དམིགས་པ་ལྷ་སོགས་བདུན་དང་ལྡན། །དེ་ཕྱིར་ཆེན་པོ་ཞེས་ནི་གསུངས། །དེའི་ཚེ་འཁོར་འདུས་པ་དེ་དག་དང་། བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོ་དང་། ཐམས་ཅད་རྒྱུད་ལ་དགའ་ཞིང་མགུ་ནས་རྗེས་སུ་ཡི་རང་བར་གྱུར་ཏེ། །དཔལ་ནམ་མཁའ་
D387.079.0203a07.01