完整藏文原文 · 德格版页 当前仅加载第 79 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་ཟད་པས། །འདི་དག་འཆི་བ་དག་བདུད་ཡིན་ཏེ། །ཚེ་ལོ་སྟོང་སོགས་ཐུབ་པ་ཡི། །ཚེ་ཡི་འཆི་བདག་བདུད་བཅོམ་མོ། །གཞན་ཡང་བདུད་འཇོམས་བྱེ་བྲག་ནི། །ཕྱི་ཡི་ཚེ་ཡི་བཅུད་ཀྱིས་ལེན། །གྲུབ་ན་འཆི་བདག་བདུད་འཇོམས་སོ། །དེ་བཞིན་ལུས་ཀྱི་ཕུང་པོ་སྟེ། །
D387.079.0202b01.01ལོངས་སྤྱོད་ཀྱིས་ནི་ཉོན་མོངས་འཇོམས། །སེམས་ཀྱིས་ལྷ་ཡི་བདུད་བཅོམ་སྟེ། །རྟེན་དང་བརྟེན་ནི་སྒྱུ་མར་ལྡན། །དེ་ནས་གསང་དབང་བདུད་བཞི་ཡང་། །ཕྱག་མཚན་ཁྲོ་ཚུལ་གར་ལ་སོགས། །ཕྱི་རུ་དུ་མ་ཕུང་པོའི་བདུད། །རགས་པས་ཡིད་ནི་ཉོན་མོངས་པས། །
D387.079.0202b02.01ཉོན་མོངས་པ་ཡི་བདུད་ཡིན་ནོ། །དམན་པའི་ལམ་གང་སྟོན་པ་ཡི། །བླ་མ་ལྷ་ཡི་བུ་ཡི་བདུད། །ཕྱི་ཡི་ཚེ་ཡི་བཅུད་ཀྱིས་ལེན། །དེ་ཉིད་འཆི་བདག་བདུད་ཡིན་ནོ། །གཞན་ཡང་བདུད་ཀྱི་བྱེ་བྲག་ནི། །སྒོ་གསུམ་འཁྲུལ་པར་གང་སྟོན་པ། །བླ་མ་ལྷ་ཡི་བུ་ཡི་བདུད། །སྒོ་
D387.079.0202b03.01གསུམ་ལས་ནི་དུ་མའི་ཆ། །དེ་ཉིད་མ་ཤེས་ཕུང་པོའི་བདུད། །དེ་ཉིད་འབད་དེ་བསྒྲུབས་བྱས་ཀྱང་། །འབྲས་བུ་མི་འབྱུང་སེམས་ཉོན་མོངས། །ཉོན་མོངས་པ་ཡི་བདུད་ཡིན་ཏེ། །དེ་ཡིས་ཚེ་ཡི་བར་ཆད་བྱེད། །དེ་ཉིད་འཆི་བདག་བདུད་ཡིན་ནོ། །རླུང་སོགས་གནས་པའི་ཚུལ་ཤེས་
D387.079.0202b04.01པས། །ལྷ་ཡི་བུ་ཡི་བདུད་བཅོམ་མོ། །དེ་ཉིད་སྒྱུ་མར་ཤེས་པར་བྱ། །དེ་ཉིད་ཤེས་པས་ཕུང་པོ་དང་། །ཉོན་མོངས་པ་ཡི་བདུད་བཅོམ་མོ། །དངོས་པོའི་མཐར་ལྷུང་སྐྱེ་བས་འཆི། །རྒྱུ་མེད་ལས་སྐྱེ་འཆི་བ་སྟེ། །རྒྱུ་རྐྱེན་མ་བསྐྱེད་རང་བཞིན་གནས། །སྒྱུ་མས་འཆི་བདག་བདུད་
D387.079.0202b05.01བཅོམ་མོ། །ཚེ་ལ་དབང་སྒྱུར་མ་ལྟ་བུ། །གཉེན་པོའི་སྟོབས་དང་ལྡན་པའོ། །ཤེས་རབ་ཡེ་ཤེས་བདུད་བཞི་ཡང་། །རྩ་དང་ཤུ་ཀྲ་ལ་སོགས་པའི། །དམན་པའི་ལམ་སྟོན་ལྷ་ཡི་བདུད། །དེ་ཉིད་དུ་མ་ཕུང་པོའི་བདུད། །དེ་སྒོམ་རང་བཞིན་ཉོན་མོངས་པས། །ཉོན་མོངས་པ་ཡི་
D387.079.0202b06.01བདུད་ཡིན་ནོ། །ཁ་དོག་དབྱིབས་ནི་སྐྱེས་པས་འཇིག། །དེ་ཉིད་འཆི་བདག་བདུད་ཡིན་ནོ། །གཞན་ཡང་བདུད་ཀྱི་བྱེ་བྲག་ཀྱང་། །འདོད་ཆགས་ཆེན་པོའི་ལམ་སྟོན་པའི། །བླ་མ་ལྷ་ཡི་བུ་ཡི་བདུད། །དགའ་བ་བཞི་ནི་དུ་མ་སྟེ། །རྒྱུད་ལ་སྤུངས་པས་ཕུང་པོའི་བདུད། །
D387.079.0202b07.01