dpal 'khor lo sdom pa gsang ba bsam gyis mi khyab pa'i rgyud kyi rgyal po/
当前为德格木刻版 199a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 199a
- 可引用原文
- 7 行
- 全文规模
- 全经 49 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 79 函 · 德格 199a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རིག་བསམ་མི་ཁྱབ་པ་ལ། །སྦྱིན་དང་བྱམས་སོགས་དགོངས་པ་ཅི། །སྐུ་གཉིས་གཞན་དོན་གང་ལས་བྱུང་། །བསམ་མི་ཁྱབ་ལ་ལེགས་གནས་པས། །དེ་ཉིད་ཅི་ལགས་ཕྱི་རུ་ཅི། །བཅོམ་ལྡན་འདས་ཀྱིས་བཀའ་སྩལ་པ། །སྦྱིན་དང་བྱམས་པ་ལ་སོགས་པས། །གཞན་རིག་རྣམ་རྟོག་འགགས་པ་དང་། །སྐུ་གཉིས་སེམས་ཅན་དོན་མཛད་པའི། །སེམས་ཅན་རྣམས་ནི་སངས་རྒྱས་སུ། །འབྱུང་བའི་རྐྱེན་དུ་ངེས་པས་ན། །བསམ་མི་ཁྱབ་ལ་མི་གནས་ཀྱང་། །སྦྱིན་སོགས་འབད་དེ་བསླབ་པར་བྱ། །དེ་ལ་བསམ་མི་
ཁྱབ་པ་འབྱུང་། །སྐུ་གཉིས་སྟོབས་དང་མི་འཇིགས་དང་། །གཟུངས་དང་ཏིང་འཛིན་ལས་རྣམས་ཀུན། །སྦྱིན་ལ་སོགས་པ་སྦྱིན་བྱས་ནས། །བསམ་མི་ཁྱབ་པ་འབྱུང་བར་ངེས། །དེ་ཉིད་རྟོགས་ན་བསམ་མི་ཁྱབ། །དེ་ཉིད་མ་རྟོགས་འཁོར་བའི་ཆོས། །དབུལ་པོས་ནོར་བུའི་བྱི་དོར་བཞིན། །བསམ་མི་ཁྱབ་ལ་སེམས་གཞག་ཀྱང་། །བསྐྱེད་རྫོགས་རིམ་པས་སེམས་གནས་ནས། །དེ་ནི་སྔོན་སྦྱངས་འཕྲོ་ཅན་ཏེ། །སེམས་ཀྱི་ཡིག་མགོ་གཅད་པ་གཅེས། །རང་སེམས་ལས་སུ་རུང་བ་ན། །དེ་ནི་ཕྱི་རྟགས་ནང་དུ་སྟེ། །དེ་ཉིད་ནང་རྟགས་ཕྱི་རུ་འབྱུང་། །
ལུས་ལ་དྲི་མེད་སྲིན་བུ་མེད། །སྐྲ་དཀར་གཉེར་མ་སོགས་མེད་པ། །བསྐྱེད་དང་རྫོགས་པའི་རྟགས་ཡིན་ནོ། །འཁོར་བ་སྒྱུ་མར་སྣང་བ་དང་། །སྤྲིན་མེད་མཁའ་ལྟར་གང་སྣང་བ། །བསམ་མི་ཁྱབ་པའི་རྟགས་ཡིན་ནོ། །དེ་ནས་འཁོར་འདུས་པ་དེ་དག་ཐམས་ཅད་ཆོས་ཐམས་ཅད་ཀྱི་རང་བཞིན་དེ་ཁོ་ན་ཉིད་བསམ་གྱིས་མི་ཁྱབ་པ་ལ་རྗེས་སུ་ཡི་རང་བར་གྱུར་ཏོ།། །།དཔལ་འཁོར་ལོ་སྡོམ་པའི་གསང་བ་བསམ་གྱིས་མི་ཁྱབ་པའི་རྒྱུད་ཀྱི་རྒྱལ་པོ་བཅོམ་ལྡན་འདས་ཀྱིས་གསུངས་པ་རྫོགས་སོ།། །།པཎྜི་ཏ་ག་ཡ་དྷ་ར་དང་། ལོཙྪ་བ་ཤཱཀྱ་ཡེ་
ཤེས་ཀྱིས་བསྒྱུར་བའོ།། །།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D385
- 德格版页
- 199a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0385 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。