完整藏文原文 · 德格版页 当前仅加载第 79 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུ་བོ་སྟེ། །རྒྱལ་སྲས་ཀུན་གྱི་ནང་ན་མཆོག །རྡོ་རྗེ་འཛིན་པས་བྱིན་རློབ་ཅིང་། །མཁའ་འགྲོ་ཀུན་གྱི་མཆོད་པའི་གནས། །རིག་འཛིན་ས་ལ་འཇུག་པ་སྟེ། །དེས་ཀྱང་མཉམ་གཞག་འབད་དེ་བསླབ། །རིག་འཛིན་ས་ལ་གནས་པར་བྱ། །རིག་འཛིན་
D385.079.0198a01.01ས་ལ་གནས་ནས་ཀྱང་། །རྡོ་རྗེ་འཛིན་པའི་ས་ལ་འཇུག །རྡོ་རྗེ་འཛིན་པའི་སར་གནས་ཏེ། །{བཅྭ་,བཅོ་}ལྔ་ས་ཡི་བདག་ཉིད་ལས། །སྐུ་གཉིས་གཞན་གྱི་དོན་མཛད་པ། །གཞན་གྱི་ལས་དང་སྨོན་ལམ་སྟོབས། །དེ་ཡི་སྟོབས་ཀྱིས་སྣང་བ་ལས། །ཡང་དག་ཉིད་ལ་སྣང་རྒྱུ་མེད། །
D385.079.0198a02.01རིམ་པ་རྣམ་པ་གཉིས་ཡིན་ཏེ། །དང་པོ་བླ་མའི་གདམས་ངག་དང་། །རིག་འཛིན་ས་ལ་གནས་པའི་བར། །རང་རིག་སྤྱི་ཡི་རྣམ་པ་སྟེ། །ཆོས་ཉིད་ཡུལ་དུ་བྱས་པའོ། །རྡོ་རྗེ་འཛིན་པའི་སར་གྱུར་ཏེ། །རང་རིག་རང་གི་མཚན་ཉིད་ནི། །ཡུལ་དང་ཡུལ་ཅན་ལ་སོགས་པའི། །
D385.079.0198a03.01རྟོག་མེད་མཁའ་ལྟར་སྣང་བ་ཡིས། །ཁམས་གསུམ་བརྟན་དང་གཡོ་བཅས་པའི། །བདག་ཉིད་དེ་ཉིད་ཚུལ་གྱིས་ནི། །མཉམ་གཞག་རྗེས་ཐོབ་ཀུན་སྤངས་ཏེ། །སྒྱུ་མའི་ཚུལ་དུ་གང་གནས་པ། །སྣང་བ་མཐར་ཕྱིན་པ་ཡི་ཚད། །ཐུན་དང་འཕོ་བ་ཆུ་ཚོད་དང་། །དབྱུ་གུ་སྐད་ཅིག་
D385.079.0198a04.01རིམ་པ་ལ། །སེམས་ཀྱི་བྱིང་རྒོད་ལ་སོགས་སྐྱོན། །བྲལ་ཏེ་དབེན་པར་གནས་པ་ནི། །སྣང་མེད་མཐར་ཕྱིན་ཚད་ཡིན་ཏེ། །རང་རིག་ཕྱི་ཡི་ཚད་བསྟན་ཏོ། །སྣང་བ་མེད་ཅིང་སྒྱུ་མ་མེད། །བྱ་བ་ཙལ་མེད་ཅིང་བགྲོད་པ་མེད། །རང་བྱུང་ལྷུན་གྱིས་གྲུབ་པ་རུ། །རྟག་ཏུ་མི་འགྱུར་གང་
D385.079.0198a05.01གནས་པ། །རང་རིག་པ་ཡི་མཚན་ཉིད་ལ། །མཐར་ཕྱིན་པ་ཡི་ཚད་ཡིན་ནོ། །འདོད་ཆགས་རོ་ཡིས་མྱོས་པ་དང་། །སེམས་བསྐྱེད་སྡོམ་འཛིན་དབང་བསྐུར་དང་། །ཚོགས་ཀྱི་འཁོར་ལོ་འདུས་པའི་དུས། །བསམ་གྱིས་མི་ཁྱབ་རྒྱུ་ཡི་དུས། །ཁྱད་པར་ཅན་དུ་གསུངས་པའོ། །གཞན་
D385.079.0198a06.01ཡང་རྟོག་པའི་སེམས་དང་ཡང་། །རྟོག་མེད་སེམས་དང་འདྲེས་པ་ཡི། །གཟུགས་ལ་བརྟེན་པའི་མིག་ཉིད་ཀྱིས། །རྟོག་པའི་རྒྱུན་ཆད་སེམས་དེ་ཉིད། །སེམས་ཀྱི་རྒྱུན་བྲལ་རྒྱུ་དེ་ཉིད། །བསམ་གྱིས་མི་ཁྱབ་རྒྱུ་ཡི་དུས། །སྒྲ་ལ་སོགས་པའི་དེ་བཞིན་ནོ། །འདོད་ཆགས་ཞེ་སྡང་གཏི་མུག་
D385.079.0198a07.01