完整藏文原文 · 德格版页 当前仅加载第 79 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱི་ཡི་སྟོང་ཕྲག་བདུན་ཅུ་གཉིས། །ཤ་ལ་གནས་ནས་ཚིལ་བུ་སྐྱེད། །ནང་གི་བརྒྱ་དང་ཉི་ཤུ་ནི། །ཚིལ་ལ་གནས་ནས་རྐང་སྐྱེད་པའོ། །གསང་བ་སུམ་ཅུ་རྩ་གཉིས་ནི། །རུས་པར་གནས་ཤིང་ག་པུར་སྐྱེད། །དེ་ཁོ་ན་ཡི་རྩ་གསུམ་ནི། །
D384.079.0192a01.01གསང་བར་གནས་ཤིང་བདེ་བ་བསྐྱེད། །ཁང་པ་སྟོང་ཕྲག་བདུན་ཅུ་གཉིས། །ཁང་པ་རེ་ལ་ཁང་པ་འབུམ། །ཁང་པ་དེར་གནས་སྲིན་བུའི་རིགས། །སྟོང་ཕྲག་བདུན་ཅུ་རྩ་གཉིས་ཏེ། །གྲངས་ནི་འབུམ་དུ་ཤེས་པར་བྱ། །ནང་དང་གསང་བའི་རྩ་ལ་ཡང་། །
D384.079.0192a02.01སྲིན་བུའི་རིགས་ནི་གྲངས་སུ་གསུངས། །དེ་ཁོ་ན་ཡི་རྩ་གསུམ་ལས། །འདོད་ཆགས་སྐྱེད་པའི་སྲིན་བུ་དགུ། །ཉིན་དང་མཚན་མོ་མཚམས་དང་གསུམ། །དགུ་རུ་མཁས་པས་ཤེས་པར་བྱ། །རྩ་དེར་གནས་པའི་ག་བུར་ཡང་། །བདུད་རྩི་སྦྱོར་བ་ལས་བྱུང་བ། །
D384.079.0192a03.01བདུད་རྩི་ལ་སོགས་གོང་དུ་གསུངས། །ཡྃ་ལས་རླུང་གི་དཀྱིལ་འཁོར་དང་། །རྃ་ལས་མེའི་དཀྱིལ་འཁོར་བསམ། །དེ་སྟེང་ཨ་ལས་ཀ་པཱ་ལ། །པྃ་ལས་པདྨ་འདབ་བརྒྱད་བསམ། །ནང་དུ་ཟླ་བའི་དཀྱིལ་འཁོར་བསམ། །དེ་རུ་ཤ་ལ་སོགས་པ་དགོད། །
D384.079.0192a04.01གཙོ་བོའི་སྟེང་དུ་སོར་བཞི་འམ། །མཐོ་གང་ཙམ་དུ་བསམ་པ་ནི། །ཡི་གེ་གོ་བཟློག་བསམ་པར་བྱ། །སྔོན་པོ་དམར་པོ་དཀར་པོ་སྟེ། །ཧཱུྃ་ལས་གྱུར་པའི་རྡོ་རྗེ་བསམ། །དེ་སྟེངས་ཡི་གེ་མྃ་བསམ་ལ། །ཉི་མའི་དཀྱིལ་འཁོར་སྟེང་དུ་བསམ། །འདི་ནི་བདུད་
D384.079.0192a05.01རྩིའི་ཁ་སྦྱོར་རོ། །ཤ་ལྔ་ལས་ནི་གདན་ལྔར་གྱུར། །ལྕགས་ཀྱུ་བདུད་རྩི་ལྔ་རུ་འགྱུར། །ལས་ཀྱི་རླུང་གིས་མེ་བུས་ཏེ། །ཟླ་བ་གཙོ་བོ་ལ་སོགས་ཞུ། །ཐ་མལ་པ་ཡི་བདུད་རྩི་ཡིན། །ཡི་གེ་གསུམ་དང་ཉི་མ་ཞུ། །ལྷ་ཡི་བདུད་རྩི་ཞེས་ནི་བྱ། །འོད་
D384.079.0192a06.01ཟེར་གྱིས་བཀུག་ཡེ་ཤེས་ཀྱི། །བདུད་རྩི་ཡིན་པ་རང་ཡིས་གསུངས། །ལན་གསུམ་བསྐོར་བ་སྐུ་གསུང་ཐུགས། །འདི་ནི་བྱིན་བརླབས་རྣལ་འབྱོར་རོ། །དེ་ནས་བདུད་རྩི་མྱང་དང་མཆོད། །མཆོད་པའི་རྣལ་འབྱོར་ཞེས་ནི་གསུངས། །དེ་ནས་རོལ་པའི་རྣལ་
D384.079.0192a07.01