完整藏文原文 · 德格版页 当前仅加载第 79 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་ལས་གཡས་གཡོན་ཆ་གཉིས་ཆ། །བཅུ་དྲུག་གྲངས་སུ་སྦས་པ་ཡིན། །བརྒྱད་ལས་གཡས་གཡོན་སྟེང་འོག་བཞི། །སུམ་ཅུ་རྩ་གཉིས་གྲངས་སུ་སྦས། །བརྒྱད་ལས་གཡས་གཡོན་སྟེང་འོག་བཞི། །མཚམས་བཞི་དང་ནི་བརྒྱད་ཀྱི་ཆ། །དྲུག་ཅུ་རྩ་
D384.079.0191b01.01བཞི་གྲངས་སུ་སྦས། །ཚངས་མདོའི་མེ་ནི་མེ་ལ་སྦས། །སྙིང་ག་ཆོས་ཀྱི་འཁོར་ལོ་རུ། །ཆོས་ཀུན་རིག་པས་རིག་པ་སྦས། །དྲུག་ཅུ་རྩ་བཞི་ལས་ནི་ཟུང་། །སུམ་ཅུ་རྩ་གཉིས་གྲངས་སུ་སྦས། །དྲུག་ཅུ་རྩ་བཞི་ལས་ནི་བཞི། །བཅུ་དྲུག་གྲངས་སུ་སྦས་པ་ཡིན། །
D384.079.0191b02.01དྲུག་ཅུ་རྩ་བཞི་ལས་ནི་བརྒྱད། །བརྒྱད་ཀྱི་གྲངས་སུ་སྦས་པའོ། །གཞང་ཁ་རླུང་ནི་རླུང་ལས་སྦས། །གསང་བའི་གཏུམ་མོ་གཏུམ་མོར་སྦས། །འཁོར་ལོ་རེ་ལ་འཁོར་ལོ་བཞི། །ཕྱི་རུ་སྲོག་གི་རྣམ་པར་འཁྱུད། །ཆུ་དང་ཆུ་བྲན་ཆུ་བོ་རྣམས། །སྣ་ཚོགས་དུ་མར་འབབ་
D384.079.0191b03.01བྱེད་ཀྱང་། །རྒྱ་མཚོ་ཆེན་པོར་རོ་གཅིག་འགྱུར། །ལྟེ་བར་རོལ་པ་བདེ་ཆེན་སྐུ། །རྣམ་པར་ཐར་དང་སྟོང་པ་དང་། །དེ་བཞིན་མཚན་དང་དཔེ་བྱད་ལྡན། །སྙིང་ག་ཆོས་ཀྱི་སྐུ་ཡིན་ཏེ། །རྣམ་ཐར་ལ་སོགས་དེ་བཞིན་ནོ། །མགྲིན་པ་ལོངས་སྤྱོད་དེ་དང་འདྲ། །བདེ་
D384.079.0191b04.01ཆེན་སྤྲུལ་བའང་དེ་བཞིན་ནོ། །མཚན་རྣམས་སྟེང་ལ་སྟོང་པ་འོག །དང་པོའི་བདེ་ཆེན་ཁ་སྦྱོར་ཡིན། །རྣམ་ཐར་སྟེང་ལ་དཔེ་བྱད་འོག །བདེ་ཆེན་ཁ་སྦྱོར་གཉིས་པ་ཡིན། །གཞན་ནི་ཞལ་ལས་ཤེས་པར་བྱ། །སྟོབས་བཅུ་རྣམ་དག་ཁ་སྦྱོར་བཅུ། །རླུང་ནི་སྒྲོལ་མའི་
D384.079.0191b05.01ངོ་བོ་སྟེ། །རྩ་དྲུག་དབུགས་ཀྱི་རང་བཞིན་གང་། །མེ་ནི་གོས་དཀར་རང་བཞིན་ཏེ། །ཟུར་རྩ་གསུམ་ནི་དྲོད་ཀྱིས་གང་། །རང་བཞིན་གྱིས་ནི་གནས་པ་ལ། །བརྒྱད་དང་ལྔ་ཡི་མཚན་ཉིད་ལ། །བརྒྱད་ལ་དབྱངས་ཀྱི་དང་པོ་བརྒྱད། །ལྔ་ལ་ཀཱ་ལི་དང་པོ་ལྔ། །རིག་པའི་
D384.079.0191b06.01ཕོ་བྲང་མཐའ་ཅན་ལྔ། །རྟ་མགྲིན་དབྱངས་ཡིག་གཡོན་དང་གཡས། །ཨ་གཉིས་མཐར་གཞག་འདབ་དགུ་ཡིན། །གསང་བའི་བདེ་སྐྱོང་འཁོར་ལོ་ནི། །མ་ནིང་བཞི་དང་ཨ་གཉིས་དབུས། །བྱང་ཆུབ་སུམ་ཅུ་རྩ་བདུན་ཡིན། །དེ་ནས་རྩ་ཡི་མཚན་ཉིད་ཀྱང་། །
D384.079.0191b07.01