mig bcu gnyis pa zhes bya ba'i mdo/
当前为德格木刻版 278b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 278b
- 可引用原文
- 7 行
- 全文规模
- 全经 52 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 76 函 · 德格 278b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文གཡོ་ཞིང་འགུལ་བ་དང་། ལྟས་ཀྱི་གཙུག་ལག་ཇི་ལྟ་བུ་ཡིན་པ་དག་བསྟན་པར་བྱའོ། །དགུན་ཟླ་ར་བ་ཡར་གྱི་ངོ་དང་། མར་གྱི་ངོ་དང་། ཚེས་བརྒྱད་དང་། བཅུ་བཞི་དང་། བཅོ་ལྔ་ལ་ཉི་མའི་འོད་མུན་པ་འདྲ་བ་ནག་པོར་གྱུར་ན་མི་ཡ་རབས་མཛངས་ཤིང་མཁས་པ་རྣམས་ལ་བགེགས་ཆེན་པོ་འབྱུང་བར་འགྱུར་རོ། །རྒྱུ་སྐར་ཨ་ཤྭི་ནཱིའི་ཉི་མ་ལ་ཉི་མ་ལས་དུ་བ་འདྲ་བ་བྱུང་སྟེ། འཁོར་ཞིང་འཐུལ་ན་ལོ་བཅུ་གཉིས་ཀྱི་བར་དུ་ཆར་མི་འབབ་པར་འགྱུར་རོ། །རྒྱུ་སྐར་བྷ་ར་ཎཱིའི་ཉི་མ་ལ་ཉི་མ་གསེར་གྱི་མདོག་འདྲ་བར་གྱུར་ན་ཉེ་སྐོར་གྱི་རྒྱལ་ཁམས་ཀྱི་ཡུལ་འཇིག་པ་དང་། དབུས་སུ་མུ་
གེ་ཆེན་པོ་འབྱུང་ངོ་། །དགུན་ཟླ་ཐ་{ཆུངས་ཀྱི་,ཆུང་གི་}ངོ་རྒྱུ་སྐར་ཀཱརྟི་ཀཱའི་ཉི་མ་ལ་ཉི་མ་ལྷག་པར་གསལ་བར་གྱུར་ན་མཐའི་ཡུལ་ཁམས་འཇིག་ཅིང་དབུས་སུ་ཆར་མི་འོང་ངོ་། །དཔྱིད་ཟླ་ར་བའི་ངོ་རྒྱུ་སྐར་ཨཱ་གྲཱའི་ཉི་མ་ལ་ཉི་མ་འཁྱིམས་པ་དང་། ཉི་མ་གཉིས་སུ་སྣང་ན་མི་ནད་འབྱུང་། རྒྱལ་པོ་སྡེ་གཉིས་ལ་གནོད་པའི་བགེགས་འབྱུང་། དཔྱིད་ཟླ་འབྲིང་པོའི་ངོ་རྒྱུ་སྐར་པུ་ཥྱའི་ཉི་མ་ལ་ཉི་མ་མུན་པ་འདྲ་བར་འགྱུར་ཞིང་ཉི་མ་ནུབ་ཀར་ཁ་དོག་སྐྱ་བོར་གྱུར་ན་རྒྱལ་པོ་ཆེན་པོ་ལ་བགེགས་འབྱུང་། དཔྱིད་ཟླ་ཐ་{ཆུངས་ཀྱི་,ཆུང་གི་}ངོ་རྒྱུ་སྐར་བྷ་ར་ཎཱིའི་དུས་ལ་ཉི་ཟླ་གཟས་ཟིན་ན་བློན་པོས་རྒྱལ་པོ་བསད་
པར་འོང་ངོ་། །དབྱར་ཟླ་ར་བའི་ངོ་རྒྱུ་སྐར་པཱུ་ར་བ་བྷ་དྲ་པཱ་དཱའི་དུས་ལ་ཉི་མ་དམར་པོར་གྱུར་ན། རྒྱལ་པོ་དང་། བློན་པོ་དང་། དེའི་ཡུལ་འཁོར་དུ་གནོད་པའི་བགེགས་ཆེན་པོ་འབྱུང་། དབྱར་ཟླ་འབྲིང་པོའི་ངོ་རྒྱུ་སྐར་བཱུརྦཱ་ཤཱ་ཌྷཱའི་དུས་ལ་ཟླ་བ་ཉ་ལ་གཟས་ཟིན་ན་ཡུལ་འཁོར་འཁྲུག་པ་དང་། མི་ནད་དང་མུ་གེ་འབྱུང་། དབྱར་ཟླ་ཐ་{ཆུངས་ཀྱི་,ཆུང་གི་}ངོ་རྒྱུ་སྐར་མཱུ་ལཾའི་དུས་ལ་ཉི་ཟླ་གས་ཤིང་སེར་ག་བྱུང་བར་སྣང་ན་ཡུལ་དེར་གནོད་པ་ཆེན་པོ་འབྱུང་། སྟོན་ཟླ་ར་བའི་ངོ་རྒྱུ་སྐར་ཨ་ཤྭི་ནཱིའི་དུས་ལ་ཉི་ཟླ་དུས་གཅིག་ཏུ་ཤར་ན་ཡུལ་འཁོར་དེར་ཁྲག་འཁྲུག་ཆེན་པོས་ཁྲག་འབབ་པར་འོང་ངོ་། །སྟོན་ཟླ་འབྲིང་
པོའི་ངོ་རྒྱུ་སྐར་ཀཱརྟི་ཀཱའི་དུས་ཟླ་བ་ཉ་ལ་ཟླ་བ་མེའི་ཁ་དོག་འདྲ་བར་གྱུར་ན་ཡུལ་འཁོར་དེར་དགྲའི་དམག་གིས་ཡུལ་འཇིག་པར་འགྱུར། དགུན་ཟླ་ར་བའི་ངོ་རྒྱུ་སྐར་བྷ་ར་ཎཱིའི་ཉི་མ་ལ་རླུང་དམར་ནག་པོ་བྱུང་ལ་ཉི་མ་མི་གསལ་བར་གྱུར་ན། དགྲའི་ཚོགས་ཀྱིས་ཡུལ་འཇིག་པར་འགྱུར་རོ། །དགུན་ཟླ་ཐ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D359
- 德格版页
- 278b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0359 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。