完整藏文原文 · 德格版页 当前仅加载第 76 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
ཞབས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་གྱི་དོན་དུ་ཐུགས་བརྩེ་བར་དགོངས་ཏེ། མིག་བཅུ་གཉིས་ཀྱི་ལྟས་ཀྱི་གཙུག་ལག་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རབ་ཏུ་བྱུང་བས་ནི་ཕྱི་རོལ་པ་
D359.076.0278a01.01འཇིག་རྟེན་གྱི་གཙུག་ལག་འདི་ལྟ་བུ་དག་བཤད་པའི་ཆ་མ་ཡིན་ནོ། །དེ་ནས་ཡང་རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ལ་བསྐྱར་ཏེ་གསོལ་པ། བཅོམ་ལྡན་འདས་བདག་ལ་ཐུགས་བརྩེ་བར་དགོངས་ཏེ་ཐེ་ཚོམ་འདི་དགྲོལ་དུ་གསོལ། དེ་ནས་བཅོམ་ལྡན་འདས་ཀྱིས་
D359.076.0278a02.01བཤད་པར་གནང་ནས་སྔོན་གྱི་གླེང་གཞི་བཀའ་སྩལ་པ། རྒྱལ་པོ་ཆེན་པོ་སྔོན་འདས་པའི་དུས་ན་གངས་ཀྱི་རི་དྲུང་ན་དྲང་སྲོང་བྷ་ག་བ་ཞེས་བྱ་བ་ཞིག་གནས་པ་དེ་དུས་གཞན་ཞིག་ན་སྟག་མོ་གཞོན་ནུ་ཞིག་འཁྱམ་པ་མཐོང་བ་དང་འདོད་ཆགས་སྐྱེས་ཏེ། དྲང་སྲོང་གིས་འཁྲིག་པའི་ཆོས་
D359.076.0278a03.01སྤྱད་པ་ལས་ལོ་དུས་སུ་བུ་བཅུ་གཉིས་བྱུང་བར་གྱུར་ཏོ། །བུ་བཙས་ནས་ལོ་བདུན་ལོན་པ་དང་ཕ་མ་གཉིས་ཤི་ནས་ཕྲུ་གུ་རྣམས་ཀྱིས་ལོ་བཅུ་གཉིས་ཀྱི་བར་དུ་ཚངས་པའི་དངོས་གྲུབ་བསྒྲུབས་ནས། བསམ་པ་དང་རེ་བ་བསྐང་བར་གསོལ་བ་དང་། དེ་ནས་ཚངས་པས་སྙིང་རྗེས་
D359.076.0278a04.01བལྟས་ཏེ། བརྒྱ་བྱིན་ལྷའི་དབང་པོ་དང་། རྒྱལ་པོ་ཆེན་པོ་བཞི་འཁོར་དང་བཅས་པར་འཛམ་བུའི་གླིང་དུ་ལྷགས་ཏེ། དེ་ནས་ཚངས་པས་བྱིས་པ་དེ་རྣམས་ལ་སྨྲས་པ། བུ་ཁྱེད་རྣམས་ཅི་འདོད། དེ་ནས་བྱིས་པ་རྣམས་ཀྱིས་ཚངས་པ་ལ་སྨྲས་པ། ལྷ་བདག་ཅག་རྣམས་ནི་བྱིས་
D359.076.0278a05.01པའི་རང་བཞིན་ཤིན་ཏུ་བློ་དམན་པ་ལགས་ཏེ། ལེགས་ཉེས་མ་འཚལ་ལགས་ན། ཉི་ཟླ་དང་། གཟའ་དང་། རྒྱུ་སྐར་གྱི་ལྟས་དང་། དཀྱིལ་འཁོར་དང་། གཙུག་ལག་ཇི་ལྟ་བུ་ལགས་པ་བཤད་དུ་གསོལ། དེ་ནས་བརྒྱ་བྱིན་ལྷའི་དབང་པོས་ཚངས་པ་ལ་འདི་སྐད་ཅེས་སྨྲས་སོ། །
D359.076.0278a06.01ལྷའི་སྟོན་པ་ཁྱོད་ཀྱིས་བྱིས་པ་འདི་རྣམས་ལ་དངོས་གྲུབ་སྩལ་བའི་རིགས་སོ། །དེ་ནས་ཚངས་པས་བྱིས་པ་རྣམས་ལ་སྨྲས་པ། བྱིས་པ་ཉོན་ཅིག །རྒྱུ་སྐར་ཉི་ཤུ་རྩ་བརྒྱད་དང་། སྐར་མ་ཐམས་ཅད་ཀྱི་དཀྱིལ་འཁོར་དང་། ལྟས་དང་། ཉི་ཟླ་དང་། གཟའ་དང་། གནམ་ལྕགས་འབབ་པ་དང་། ས་
D359.076.0278a07.01