完整藏文原文 · 德格版页 当前仅加载第 76 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་འབྱུང་ངོ་ཞེས་བསྒོ་ནས་རྒྱལ་སྲིད་ཀྱང་བུ་ལ་བྱིན་ནོ། །དེ་ནས་ལོ་བཅུ་གཉིས་ཀྱི་བར་དུ་རྒྱལ་པོ་གསུམ་གྱི་དམག་དང་འཐབས་པ་ལས་དམག་དཔོན་ཡང་རིལ་གྱིས་གཏུབས། རྒྱལ་པོ་གསུམ་ཡང་བཟུང་ནས་མེད་པར་བྱས་སོ། །དེ་ཚུན་ཅད་འཛམ་བུའི་གླིང་གི་རྒྱལ་པོ་ཆེན་པོ་
D356.076.0218b01.01བྱས་པར་གྱུར་ཏོ། །དེ་ནས་རྒྱལ་པོས་བློན་པོ་རྣམས་ལ་སྨྲས་པ། ང་འཛམ་བུའི་གླིང་གི་རྒྱལ་པོ་ཆེན་པོ་བྱེད་པ་ནི་དགའ་ན། གུད་ན་མི་དགའ་བ་ཞིག་ཀྱང་ཡོད་ཅེས་སྨྲས་པ་དང་། བློན་པོ་རྣམས་ཀྱིས་སྨྲས་པ། ཅི་མི་དགྱེས་ཞེས་ཞུས་པ་དང་། སེམས་ཅན་མང་པོ་འདི་སྙེད་ཅིག་
D356.076.0218b02.01བསད་པ་སྡིག་ཆེ་བས་མི་དགའ་ན། སྡིག་འདི་ཇི་ལྟ་བུ་ཞིག་ཏུ་བྱས་ན་སུས་འབྱང་བར་འགྱུར་ཞེས་སྨྲས་པ་དང་། བློན་པོ་རྣམས་ཀྱིས་གསོལ་པ། ཡུལ་པ་ཊ་ལི་པུ་ཏྲ་སྟེ་དམར་བུ་ཅན་ཞེས་བྱ་བ་ན་ཆོས་ཀྱི་མཁན་པོ་སྡེ་སྣོད་གསུམ་ལ་མཁས་པ། བྲམ་ཟེ་ཨ་ག་ནི་ད་ཏི་པུ་ཏྲ་སྟེ་མེས་བྱིན་
D356.076.0218b03.01གྱི་བུ་ཞེས་བྱའོ། །མིང་ནི་ཤི་ཥྱ་ཀ་སྟེ། སློབ་མ་ཅན་ཞེས་བགྱི་བ་ཞིག་དགོན་པའི་གནས་ན་གནས་པ་དེ་སྤྱན་དྲངས་ནས་མཆོད་བཀུར་བགྱིས་ན་སྡིག་པ་འབྱང་རྔོ་ཐོགས་སོ་ཞེས་གསོལ་པ་དང་། རྒྱལ་པོ་ཡང་དགྱེས་ནས་དགེ་སློང་ཤི་ཥྱ་ཀ་ཡང་འགུགས་པ་བཏང་ནས་རྒྱལ་པོའི་དྲུང་དུ་
D356.076.0218b04.01འོངས་སོ། །དེ་ནས་མཁན་པོ་ཤི་ཥྱ་ཀ་ལ་རྒྱལ་པོས་ཕྱག་བྱས་ཏེ། མཁན་པོ་བདག་གིས་སྡིག་བྱས་པ་རྣམས་ཅིས་འབྱང་བར་འགྱུར་ཞེས་གསོལ་པ་དང་། མཁན་པོས་སྨྲས་པ། རྒྱལ་པོ་ཆེན་པོ་དཀོན་མཆོག་གསུམ་ལ་ལོ་བཅུ་གཉིས་ཀྱི་བར་དུ་མཆོད་ཅིང་སྐྱབས་སུ་སོང་ན་སྡིག་
D356.076.0218b05.01རྣམས་འབྱང་བར་འགྱུར་རོ་ཞེས་སྨྲས་པ་དང་། དེ་ནས་རྒྱལ་པོ་དུ་སྤྲ་ས་ཧསྟས་ཕོ་ཉ་མང་པོ་ཕྱོགས་བཅུར་བཏང་སྟེ། འཛམ་བུའི་གླིང་ན་དགེ་སློང་འདུག་གོ་ཅོག་བཀུག་སྟེ། འཛམ་བུའི་གླིང་གི་དགེ་སློང་རིལ་འོངས་ཏེ། ཆུ་བོ་གང་གཱའི་ཕ་རོལ་ཡུལ་ཀོའུ་ཤཱམ་བཱིའི་རྒྱལ་པོ་དུ་སྤྲ་
D356.076.0218b06.01ས་ཧ་སྟའི་གནས་ག་ལ་བ་དེར་བསྡུས་པས་འཛམ་བུའི་གླིང་གི་ཡུལ་ཁམས་གཞན་ན་ཆོས་སྤྱོད་པ་དང་། དགེ་སློང་དག་མེད་པར་འགྱུར་རོ། །དགེ་སློང་བསྡུས་པ་དེའི་ཚེ་ན་ལམ་དུ་དགེ་སློང་གྱག་ཅིང་ཆུད་ཟོས་པ་ཡང་མང་སྟེ། རྒྱལ་པོའི་ཕོ་བྲང་དུ་ནི་འབུམ་ཙམ་ཞིག་ཕྱིན་པར་འགྱུར་
D356.076.0218b07.01