完整藏文原文 · 德格版页 当前仅加载第 76 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
མང་དུ་འགྱུར་རོ། །རྒྱལ་པོ་དང་། བློན་པོ་དང་། སེམས་ཅན་ཕལ་རྣམས་ཀྱང་དམ་པའི་ཆོས་ལ་དད་ཅིང་སྤྱོད་པ་ཡང་ཕྱིར་ཞིང་ཉུང་བར་འགྱུར་རོ། །དེ་ནས་ལོ་ལྔ་བརྒྱའི་བར་དུ་དམ་པའི་ཆོས་སྟོན་ཅིང་སེམས་ཅན་འདྲེན་པ་དང་། ཐར་བར་བྱེད་པའི་སློབ་དཔོན་
D356.076.0217a01.01མང་དུ་འབྱུང་ངོ་། །ཉན་ཐོས་དགྲ་བཅོམ་པ་ནི་ཉུང་བར་འགྱུར་རོ། །རྒྱལ་པོ་དང་། བློན་པོ་དང་། སེམས་ཅན་ཕལ་རྣམས་ཀྱང་ཉན་པ་ཙམ་དུ་ཟད་དེ། ཉམས་སུ་ལེན་ཅིང་སྤྱོད་པའམ། བརྩོན་འགྲུས་ནི་མི་བྱེད་དེ། དད་པ་འབྲི་བར་འགྱུར་རོ། །དམ་པའི་ཆོས་ཀྱི་སྲུངས་མ་
D356.076.0217a02.01རྣམས་ཀྱང་མི་དགའ་བར་འགྱུར་ཏེ། དམ་པའི་ཆོས་ལ་མ་དད་པའི་སེམས་ཅན་རྣམས་ནི་སྔོན་བས་མཐུ་སྟོབས་སྐྱེ་བར་འགྱུར་རོ། །འཛམ་བུའི་གླིང་གི་མིའི་རྒྱལ་པོ་རྣམས་ཀྱང་ཕན་ཚུན་གཅིག་ལ་གཅིག་དམག་འདྲེན་ཅིང་འཁྲུག་པར་འགྱུར་རོ། །བདུད་ཀྱི་རིས་ཀྱང་འཕེལ་བར་འགྱུར་
D356.076.0217a03.01རོ། །དེ་ནས་ཡང་ལོ་ལྔ་བརྒྱའི་ཚེ་ལོ་སུམ་བརྒྱར་ནི་དམ་པའི་ཆོས་ལ་གནས་པའི་ལྷ་ཀླུ་ལ་སོགས་པ་སེམས་ཅན་སྲུངས་མ་རྣམས་མི་གནས་ཤིང་དམ་པའི་ཆོས་གང་དུ་དར་བར་འགྲོ་བར་འགྱུར། སེམས་ཅན་ཆོས་ལ་མ་དད་པར་འགྱུར། སེམས་ཅན་ཆོས་སྤྱོད་པ་རྣམས་ཀྱང་ཆོས་
D356.076.0217a04.01ཀྱི་གཞུང་བཞིན་མི་སྤྱོད། བརྩོན་འགྲུས་{ཆུངས་,ཆུང་}པས་གྲུབ་པ་ཉུང་བར་འགྱུར། ཁ་དོག་བཞི་དང་བཞི་ལས་གྱུར་པ་ཡང་འབྲི། དྲི་དང་། རོ་ལ་སོགས་པ་ཡང་ཆུང་བར་འགྱུར་རོ། །མི་ནད་དང་། ཕྱུགས་ནད་དང་། མུ་གེ་ཡང་འབྱུང་བར་འགྱུར་རོ། །ལོ་ཉིས་བརྒྱར་ནི་དགེ་
D356.076.0217a05.01སློང་ཡང་ཆོས་བཞིན་མི་སྤྱོད། འཇིག་རྟེན་གྱི་ཁེ་དང་གྲགས་པ་ཚོལ། སྙིང་རྗེ་ཆུང་ཞིང་ཁྲིམས་ལ་མི་གནས། དམ་པའི་ཆོས་ཚུལ་བཞིན་སྤྱོད་པ་རྣམས་ལ་ནི་{གླན་ཀ་,ཀླན་ཀ་}ཚོལ་ཞིང་སྐུར་པ་འདེབས། ལོངས་སྤྱོད་དང་ཡོ་བྱད་འཕྲོག། འཇིག་རྟེན་གྱི་རྒྱལ་པོའི་གསང་ལ་རྟེན་ཅིང་རྒྱལ་
D356.076.0217a06.01སྲིད་འཛིན། རྒྱལ་པོའི་ཕྲིན་པའི་ཕོ་ཉར་ངོ་འཕྲལ་ཚོལ་ཞིང་འགྲོ། རྒྱལ་པོ་དང་། འབངས་སྲིད་འཁྲུག་པའི་དབྱེན་བྱེད། ཉོ་ཚོང་དང་ཁེ་སྤོགས་བྱེད་ཐབས་ཚོལ། དམ་པའི་ཆོས་སྤྱོད་པ་ཡང་སྙིང་ནས་ཉམས་སུ་བླངས་ཏེ་མི་སྤྱོད་ཀྱི། ཕལ་ཆེར་ཁ་གསག་དང་། འཕྲལ་གྱི་ཚུལ་
D356.076.0217a07.01