完整藏文原文 · 德格版页 当前仅加载第 76 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོའི་སྙིང་པོ་དང་། སྤུག་རྣམས་ཏེ། རིན་པོ་ཆེ་སྣ་བདུན་པོ་འདི་དག་གི་ཆར་བབ་བོ། །རྒྱལ་པོ་གསེར་མདོག་གི་མཐུས། འཛམ་བུའི་གླིང་གི་མི་ཐམས་ཅད་ཀྱི་དབུལ་བ་ཡང་དག་པར་བཅད་པར་གྱུར་ཏོ། །དགེ་སློང་དག་དེའི་ཚེ་དེའི་དུས་ན། རྒྱལ་པོར་གྱུར་པ་དེ་གཞན་ཞིག་
D350.076.0055b01.01ཡིན་སྙམ་དུ་ཁྱེད་ཀྱིས་སོམ་ཉི་དང་ཡིད་གཉིས་སུ་མི་བྱའོ། །དགེ་སློང་དག་དེའི་ཚེ་དེའི་དུས་ན། རྒྱལ་པོ་གསེར་མདོག་ཅེས་བྱ་བ་བྱུང་བ་དེ་ནི། ང་ཉིད་ཡིན་པར་བལྟ་བར་བྱའོ། །དགེ་སློང་དག་རྣམ་གྲངས་དེས་ཀྱང་འདི་ལྟར་རིག་པར་བྱ་སྟེ། ཇི་ལྟར་ངས་སྦྱིན་པའི་འབྲས་བུ་དང་སྦྱིན་པ་ལ་
D350.076.0055b02.01འགེད་པའི་རྣམ་པར་སྨིན་པ་ཤེས་པ་ལྟར། སེམས་ཅན་རྣམས་ཀྱིས་ཀྱང་སྦྱིན་པའི་འབྲས་བུ་དང་སྦྱིན་པ་ལ་འགེད་པའི་རྣམ་པར་སྨིན་པ་ཤེས་པར་གྱིས་ཤིག །གང་ཁམ་ཕྱི་མའི་ཁམ་ཕྱི་མ་གཅིག་པོ་དེ་ཡང་གཞན་དག་ལ་མ་བྱིན་མ་བགོས་པར་བདག་གི་བར་མི་བྱའོ། །སེར་སྣའི་
D350.076.0055b03.01སེམས་ཀྱི་དྲི་མ་སྐྱེས་པ་ཀུན་ནས་དཀྲིས་ཏེ་འདུག་པར་མི་བྱའོ། །ཇི་ལྟར་ངས་ཤེས་པ་དེ་བཞིན་དུ། འདི་ལྟར་སེམས་ཅན་དག་གི་སྦྱིན་པ་དང་སྦྱིན་པ་ལ་འགེད་པའི་རྣམ་པར་སྨིན་པ་མི་ཤེས་ཏེ། དེ་ལྟ་བས་ན་སེམས་ཅན་དག་གང་ཁམ་ཕྱི་མ་ཕྱི་མའི་ཁམ་གཅིག་པོ་དེ་ཡང་གཞན་དག་ལ་མ་བྱིན་
D350.076.0055b04.01མ་བགོས་པར་བདག་ཉིད་ཀྱིས་བཟའ་བར་མི་བྱའོ། །སེར་སྣའི་སེམས་ཀྱི་དྲི་མ་སྐྱེས་པས་ཀུན་ནས་དཀྲིས་ཏེ་འདུག་པར་མི་བྱའོ། །སྔོན་གྱི་དགེ་དང་མི་དགེ་བྱས་པ་ཆུད་མི་ཟ། །མཁས་པ་དག་ལ་བརྟེན་པ་ཆུད་ནི་མི་ཟ་སྟེ། །འཕགས་པའི་སྐྱེ་བོས་ལེགས་པར་བཤད་པ་ཆུད་
D350.076.0055b05.01མི་ཟ། །བྱས་པ་གཟོ་ལ་བྱས་པ་རྣམས་ཀྱང་ཆུད་མི་ཟ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་དེ་དག་དང་དགེ་སློང་དེ་དག་དང་ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་
D350.076.0055b06.01པ་ལ་མངོན་པར་བསྟོད་དོ། །གསེར་མདོག་གི་སྔོན་གྱི་སྦྱོར་བ་ཞེས་བྱ་བ་རྫོགས་སོ།།
D350.076.0055b07.01