完整藏文原文 · 德格版页 当前仅加载第 76 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
ཟླ་བ་དགུ་རུམ་དེ་ཉིད་དུ་གནས་ལ། དེ་ཉིད་ཀྱི་ནུ་མ་ལ་འཐུངས་ནས། དེ་ཉིད་དུ་དེ་ལྟར་བྱེད། འདི་འདྲ་བའི་སེམས་ཅན་ཆོས་མ་ཡིན་པའི་འདོད་ཆགས་ཀྱིས་ཞེན་པ། ལོག་པར་ལྟ་བ་འདོད་པ་མི་བཟད་པས་ཟིལ་གྱིས་ནོན་པ། ཕར་མི་འཛིན་པ།
D350.076.0053a01.01མར་མི་འཛིན་པ། དགེ་སྦྱོང་དུ་མི་འཛིན་པ། བྲམ་ཟེར་མི་འཛིན་པ། རིགས་ཀྱི་རྒན་རབས་ལ་བཀུར་སྟི་མི་བྱེད་པ་རྣམས་ཀྱིས་བདག་ཆོག་སྟེ། འདི་འདྲ་བའི་སེམས་ཅན་རྣམས་ཀྱི་དོན་དུ། བྱང་ཆུབ་ཀྱི་སྤྱོད་པ་སྤྱད་པར་སུ་ཞིག་སྤྲོ། བདག་ནི་ངེས་པར་བདག་གཅིག་
D350.076.0053a02.01པུའི་དོན་བསྒྲུབ་པོ་སྙམ་མོ། །དེ་ནས་བྱང་ཆུབ་སེམས་དཔའ་དེ་གཞན་དུ་ཤིང་ལྗོན་པའི་དྲུང་ག་ན་བ་དེར་སོང་སྟེ་ཕྱིན་ནས། ཤིང་ལྗོན་པའི་དྲུང་དེར་སྐྱིལ་མོ་ཀྲུང་བཅས་ནས་ལུས་བསྲང་སྟེ། དགའ་བ་དང་བདེ་བ་དང་དྲན་པ་མངོན་དུ་བཞག་ནས་འདུག་གོ། །དེ་ནས་བྱང་ཆུབ་
D350.076.0053a03.01སེམས་དཔའ་དེ་ཉེ་བར་ལེན་པའི་ཕུང་པོ་ལྔ་རྣམས་ལ། སྐྱེ་བ་དང་འཇིག་པར་རྗེས་སུ་ལྟ་ཞིང་གནས་ཏེ། འདི་ནི་གཟུགས་ཏེ། གཟུགས་འདི་ནི་སྐྱེ་བའོ། །གཟུགས་འདི་ནི་འཇིག་པའོ། །འདི་ནི་ཚོར་བ། འདི་ནི་འདུ་ཤེས། འདི་ནི་འདུ་བྱེད། འདི་ནི་རྣམ་པར་ཤེས་པ་སྟེ།
D350.076.0053a04.01རྣམ་པར་ཤེས་པ་འདི་ནི་སྐྱེ་བའོ། །རྣམ་པར་ཤེས་པ་འདི་ནི་འཇིག་པའོ་ཞེས་དེ་ཉེ་བར་ལེན་པའི་ཕུང་པོ་ལྔ་པོ་འདི་རྣམས་ལ་སྐྱེ་བ་དང་འཇིག་པར་རྗེས་སུ་ལྟ་ཞིང་གནས་སོ། །གང་ཅུང་ཟད་སྐྱེ་བའི་ཆོས་དེ་ཐམས་ཅད་ནི། ཡུན་མི་རིང་བ་ཉིད་དུ་འགག་པའི་ཆོས་ཡིན་ནོ་ཞེས་བྱ་བར་
D350.076.0053a05.01རིག་ནས། དེ་ཉིད་དུ་རང་བྱང་ཆུབ་རྗེས་སུ་ཐོབ་བོ། །དེ་ནས་བཅོམ་ལྡན་འདས་རང་སངས་རྒྱས་དེའི་རྐྱེན་ཇི་ལྟ་བ་བཞིན་གྱིས། ཆོས་ཐོབ་པ་མཐོང་ནས། དེའི་ཚེ་ཚིགས་སུ་བཅད་པ་འདི་དག་སྨྲས་པ། ཡང་དག་བསྙེན་ནས་ཆགས་གྱུར་ལ། །ཆགས་ལས་སྡུག་བསྔལ་
D350.076.0053a06.01འདི་བྱུང་སྟེ། །ཆགས་ལ་སྡུག་བསྔལ་འདི་འཇུག་པས། །དེ་ཕྱིར་མཁས་པས་ཆགས་སུན་ཕྱུང་། །བསེ་རུ་ལྟ་བུར་གཅིག་པུ་སྤྱད། །དེ་ནས་བཅོམ་ལྡན་འདས་རང་སངས་རྒྱས་དེ་འདི་སྙམ་དུ་གྱུར་ཏེ། བདག་གིས་སེམས་ཅན་རྣམས་ཀྱི་ཕྱིར་དཀའ་བ་མང་ཞིག་སྤྱད་པས་ན་སུལ་
D350.076.0053a07.01