完整藏文原文 · 德格版页 当前仅加载第 74 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བྱུང་བའི་ཡོན་ཏན་བསྔགས་པའི་ལེའུ་སྟེ་{བཅྭ་,བཅོ་}ལྔ་པའོ།། །།བམ་པོ་ལྔ་པ། ཚུལ་ཁྲིམས་བསྲུང་བ་དག་ནི་ལུས་དང་། སྲོག་སྟོར་ཡང་བླའི། ནམ་དུ་ཡང་ཚུལ་ཁྲིམས་ཉམས་པར་མི་བྱེད་དོ། །དེ་ཅིའི་ཕྱིར་ཞེ་ན། ཚུལ་ཁྲིམས་ནི་བྱང་ཆུབ་ཏུ་
D341.074.0182b01.01འཇུག་པའི་རྩ་བ་ཟག་པ་མེད་པའི་མཆོག །མྱ་ངན་ལས་འདས་པར་བདེ་བར་འགྲོ་བའི་ལམ་མོ། །ཚུལ་ཁྲིམས་དག་པར་བསྲུངས་པའི་བསོད་ནམས་ནི་ཚད་མེད་དཔག་ཏུ་མེད་དོ། །དཔེར་ན་རྒྱ་མཚོ་ཆེན་པོ་ནི་ཚད་མེད་མཐའ་མེད་དོ། །ཚུལ་ཁྲིམས་བསྲུངས་པའི་བསོད་ནམས་ཀྱང་།
D341.074.0182b02.01ཚད་མེད་མཐའ་མེད་དོ། །དཔེར་ན་རྒྱ་མཚོ་ནི་ལྷ་མ་ཡིན་དང་། རུས་སྦལ་དང་། ཆུ་སྲིན་དང་། ཆུའི་རིས་སུ་གཏོགས་པའི་སེམས་ཅན་ཆེན་པོའི་གནས་སུ་གྱུར་པ་ལྟར། ཚུལ་ཁྲིམས་ཀྱང་དེ་དང་འདྲ་སྟེ། ཐེག་པ་གསུམ་ལ་གནས་པའི་སྐྱེ་བོ་ཆེན་པོ་མང་དུ་གནས་སོ། །དཔེར་
D341.074.0182b03.01ན་རྒྱ་མཚོ་ཆེན་པོའི་ནང་ན། གསེར་དང་། དངུལ་དང་། བཻ་དཱུརྱ་ལ་སོགས་པ་རིན་པོ་ཆེ་མང་པོ་ཡོད་པ་བཞིན་དུ། ཚུལ་ཁྲིམས་ཀྱི་རྒྱ་མཚོ་ཡང་དེ་དང་འདྲ་སྟེ། མི་རྟག་པའི་གཞི་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། བསམ་གཏན་དང་།
D341.074.0182b04.01ཏིང་ངེ་འཛིན་ལ་སོགས་པའི་རིན་པོ་ཆེ་མང་པོ་ཡོད་དོ། །དཔེར་ན་རྒྱ་མཚོ་ཆེན་པོའི་གཏིང་ཡང་རྡོ་རྗེ་ཡིན་ལ། ཐ་མ་ཡང་རྡོ་རྗེའི་རིས་བསྐོར་ཏེ། ཆུ་བོ་བཞི་འབབ་ཀྱང་། མི་འགྲིབ་མི་ལྡུད་པ་ལྟར། ཚུལ་ཁྲིམས་ཀྱི་རྒྱ་མཚོ་ཡང་དེ་དང་འདྲ་སྟེ། འདུལ་བ་རྡོ་རྗེ་ལྟ་བུས་
D341.074.0182b05.01ནི་གཏིང་བྱས། ཆོས་མངོན་པའི་རིས་ནི་མཐའ་བསྐོར། མདོ་སྡེ་བཞི་ཆུ་བོ་ལྟ་བུར་འབབ་ཀྱང་། འཕེལ་བ་ཡང་མེད། འགྲིབ་པ་ཡང་མེད་དོ། །རྒྱ་མཚོ་ཅིའི་ཕྱིར་མི་ལྡུད་ཅེ་ན། མཚམས་མེད་པའི་སེམས་ཅན་དམྱལ་བ་པའི་མེས་རྒྱ་མཚོ་བསྐམས་པས་ན། དེའི་
D341.074.0182b06.01ཕྱིར་རྒྱ་མཚོའི་ཆུ་མི་ལྡུད་དོ། །ཆུ་བོ་རྟག་ཏུ་འབབ་པས་མི་འགྲིབ་བོ། །ཚུལ་ཁྲིམས་ཀྱི་རྒྱ་མཚོ་ཡང་། བག་ཡོད་པས་མི་སྐྱེ་སྟེ། ཡོན་ཏན་དང་ལྡན་པས་མི་འགྲིབ་བོ། །དེ་བས་ན་གང་ཚུལ་ཁྲིམས་སྲུང་བ་དེའི་ཡོན་ཏན་ནི་རབ་ཏུ་མང་བར་རིག་པར་བྱའོ། །བཅོམ་
D341.074.0182b07.01