完整藏文原文 · 德格版页 当前仅加载第 74 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་ཀྱི་བྱ་བ་བྱས་སོ། །ལྷུང་བཟེད་བླངས་ཏེ། ལྷའི་མེ་ཏོག་ལ་ཆོས་མང་པོ་རྒྱས་པར་བསྟན་ནས། ལྷའི་མེ་ཏོག་གི་ཁྱིམ་གང་གི་མི་ཀུན་གྱིས་རྒྱུན་དུ་ཞུགས་པའི་འབྲས་བུ་ཐོབ་པར་གྱུར་ཏོ། །དེ་ནས་ལྷའི་མེ་ཏོག་གིས་ཕ་མ་ལ་རབ་ཏུ་འབྱུང་ཞིང་སངས་རྒྱས་ཀྱི་ཉེ་གནས་སུ་མཆི་
D341.074.0152b01.01བར་གསོལ་པ་དང་། ཕ་མས་ཀྱང་དེ་བཞིན་དུ་གནང་ནས། ཁྱེའུ་དེས་སངས་རྒྱས་གང་ན་བ་དེར་སོང་སྟེ་ཕྱིན་པ་དང་། སངས་རྒྱས་ཀྱི་ཞབས་ལ་མགོ་བོས་ཕྱག་འཚལ་ནས། སངས་རྒྱས་ཀྱི་བསྟན་པ་ལ་རབ་ཏུ་འབྱུང་བར་གསོལ་ཏོ། །བཅོམ་ལྡན་འདས་ཀྱིས་ཀྱང་དགེ་སློང་
D341.074.0152b02.01ལེགས་པར་འོངས་སོ་ཞེས་བཀའ་སྩལ་ནས། སྐྲ་དང་ཁ་སྤུ་རང་བྱི་སྟེ། ངུར་སྨྲིག་གྱོན་པར་གྱུར་ནས། སངས་རྒྱས་ཀྱི་བཀའ་བཞིན་དུ་ནན་ཏན་དུ་བྱས་ནས་དགྲ་བཅོམ་པར་གྱུར་ཏོ། །དེ་ནས་ཀུན་དགའ་བོས་དེ་ལྟར་གྱུར་པ་མཐོང་ནས། སངས་རྒྱས་གང་ན་བ་དེར་སོང་སྟེ།
D341.074.0152b03.01ཕྱིན་ནས་པུས་མོ་ས་ལ་བཙུགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སློང་ལྷའི་མེ་ཏོག་འདིས་སྔོན་བསོད་ནམས་ཅི་ཞིག་བགྱིས་ན། ལྷའི་མེ་ཏོག་རང་འབབ་ཅིང་། རིན་པོ་ཆེའི་གདན་དང་ཞལ་ཟས་སྣ་ཚོགས་ཡིད་བཞིན་དུ་སྤྲུལ་པ། བཅོམ་ལྡན་
D341.074.0152b04.01འདས་ཀྱིས་བསྟན་དུ་གསོལ། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། ཐོས་པར་འདོད་ན་ལེགས་པར་ཉོན་ཅིག །སྔོན་འདས་པའི་དུས་ན་སངས་རྒྱས་གསེར་ཐུབ་ཅེས་བྱ་བ་འཇིག་རྟེན་དུ་གཤེགས་ཏེ། སེམས་ཅན་གྱི་དོན་རྒྱས་པར་མཛད་དོ། །དེའི་ཚེ་ན་
D341.074.0152b05.01དགེ་འདུན་མང་པོ་གྲོང་རྒྱུ་ཞིང་གཤེགས་པ་ལས། ཁྱིམ་བདག་རིགས་ཆེ་ཞིང་མཐོ་བདག་གིས་མཆོད་པ་བྱས་སོ། །དེའི་ཚེ་ན་མི་དབུལ་པོ་ཞིག་ལ་ལོངས་སྤྱོད་ཅི་ཡང་མི་བདོག་པས། དགེ་འདུན་དེ་ལ་རབ་ཏུ་དགའ་བའི་སེམས་སྐྱེས་སོ། །བདག་གིས་ནི་ཅི་ནས་ཀྱང་མཆོད་
D341.074.0152b06.01དུ་མེད་དོ་སྙམ་ནས། སྤང་དང་ནེའུ་གསིང་ལས་མེ་ཏོག་རྣམ་པ་སྣ་ཚོགས་བཏུས་ཏེ། དགེ་འདུན་ལ་གཏོར་ནས་བསམ་པ་དག་པས་ཕྱག་དར་བྱས་ཏེ་སོང་ངོ་། །བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། དེའི་ཚེ་དེའི་དུས་ན་མི་དབུལ་པོ་མེ་ཏོག་གིས་འཐོར་བ་དེ་ནི་དགེ་
D341.074.0152b07.01