完整藏文原文 · 德格版页 当前仅加载第 74 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྷ་མ་ཡིན་རྣམས་དང་། ཀླུ་རྣམས་དང་། ནམ་མཁའ་ལྡིང་རྣམས་དང་། དྲི་ཟ་རྣམས་དང་། ལུས་ཐ་དད་པ་གཞན་དག་ཀྱང་རུང་སྟེ། དེ་དག་གི་སྦྱོར་བ་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་ལྷ་རྣམས་དང་། མི་རྣམས་དང་། ལྷ་མ་ཡིན་རྣམས་
D340.074.0075b01.01དང་། ཀླུ་རྣམས་དང་། ནམ་མཁའ་ལྡིང་རྣམས་དང་། དྲི་ཟ་རྣམས་དང་། ལུས་ཐ་དད་པ་གཞན་དག་ཀྱང་རུང་སྟེ། དེ་དག་གི་སྦྱོར་བ་ནི་ཕྲག་དོག་དང་སེར་སྣ་ཡིན་ཏེ། དེ་དག་འདི་སྙམ་དུ་ཀྱེ་མ་བདག་ཁོ་ན་མེད་པ་དང་། འགྲན་ཟླ་མེད་པ་དང་། གནོད་པ་མེད་པ་དང་། འཐབ་
D340.074.0075b02.01མོ་མེད་པ་དང་། མཚང་འདྲུ་བ་མེད་པ་དང་འགྱེད་པ་མེད་པ་དང་། རྩོད་པ་མེད་པས་གནས་པར་བྱའོ་སྙམ་དུ་མི་སེམས་མོད་ཀྱི། འོན་ཀྱང་དེ་དག་ནི་ཁོན་དང་བཅས་པ་དང་། འགྲན་ཟླ་དང་བཅས་པ་དང་། གནོད་པ་དང་བཅས་པ་དང་། འཐབ་མོ་དང་བཅས་པ་དང་། མཚང་འདྲུ་བ་དང་བཅས་
D340.074.0075b03.01པ་དང་། འགྱེད་པ་དང་བཅས་པ་དང་། རྩོད་པ་དང་བཅས་པ་ལ་གནས་སོ། །བརྒྱ་བྱིན་གྱིས་གསོལ་པ། བཙུན་པ་དེ་ནི་དེ་ལགས་སོ། །དེ་ནི་དེ་ལགས་ཏེ། ལྷ་རྣམས་དང་། མི་རྣམས་དང་། ལྷ་མ་ཡིན་རྣམས་དང་། ཀླུ་རྣམས་དང་། ནམ་མཁའ་ལྡིང་རྣམས་དང་། དྲི་ཟ་རྣམས་
D340.074.0075b04.01དང་། ལུས་ཐ་དད་པ་གཞན་དག་ཀྱང་རུང་སྟེ། དེ་དག་གི་སྦྱོར་བ་ནི་ཕྲག་དོག་དང་སེར་སྣ་ལགས་ཏེ། དེ་དག་ནི་འདི་སྙམ་དུ་ཀྱེ་མ་བདག་ཁོ་ན་མེད་པ་དང་། འགྲན་ཟླ་མེད་པ་དང་གནོད་པ་མེད་པ་དང་། འཐབ་མོ་མེད་པ་དང་། མཚང་འདྲུ་བ་མེད་པ་དང་། འགྱེད་པ་མེད་པ་དང་། རྩོད་
D340.074.0075b05.01པ་མེད་པར་གནས་པར་བྱའོ། །སྙམ་དུ་མི་སེམས་མོད་ཀྱི། འོན་ཀྱང་དེ་དག་ནི་ཁོན་དང་བཅས་པ་དང་། འགྲན་ཟླ་དང་བཅས་པ་དང་། གནོད་པ་དང་བཅས་པ་དང་། འཐབ་མོ་དང་བཅས་པ་དང་། མཚང་འདྲུ་བ་དང་བཅས་པ་དང་། འགྱེད་པ་དང་བཅས་པ་དང་། རྩོད་པ་དང་བཅས་པས་
D340.074.0075b06.01གནས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པའི་དོན་འདི་བདག་གིས་རྟོགས་ནས། སོམ་ཉི་ལས་བརྒལ་ཏེ། ཐེ་ཙོམ་དང་བྲལ་ལགས་སོ། །དེ་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ལས་ཞུ་བ་ལུང་བསྟན་པ་ཐོས་ནས། བཅོམ་ལྡན་འདས་ཀྱིས་བཀའ་སྩལ་
D340.074.0075b07.01