完整藏文原文 · 德格版页 当前仅加载第 74 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
འགགས་པས་རེག་པ་འགག །རེག་པ་འགགས་པས་ཚོར་བ་འགག །ཚོར་བ་འགགས་པས་སྲེད་པ་འགག །སྲེད་པ་འགགས་པས་ལེན་པ་འགག །ལེན་པ་འགགས་པས་སྲིད་པ་འགག །སྲིད་པ་འགགས་པས་སྐྱེ་བ་འགག །སྐྱེ་བ་འགགས་པས་རྒ་ཤི་དང་།
D340.074.0010b01.01མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འགག་པར་འགྱུར་རོ། །དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན། གཅེར་བུ་པ་འོད་
D340.074.0010b02.01སྲུང་དང་རུས་གཅིག་པ། ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་། དྲི་མ་དང་བྲལ་བ་སྐྱེས་སོ། །དེ་ནས་གཅེར་བུ་པ་འོད་སྲུང་དང་རུས་གཅིག་པས་ཆོས་མཐོང་། ཆོས་རྙེད་ཆོས་རྟོགས། ཆོས་ཀྱི་གཏིང་སླེབས། སོམ་ཉི་ལས་བརྒལ་ཐེ་ཙོམ་ལས་བརྒལ་ཏེ། གཞན་
D340.074.0010b03.01གྱི་དྲིང་མི་འཇོག་ཅིང་གཞན་གྱིས་བཀྲི་བ་མེད་ལ། སྟོན་པས་བསྟན་པའི་ཆོས་རྣམས་ལ། མི་འཇིགས་པ་ཐོབ་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་མངོན་པར་འཕགས་
D340.074.0010b04.01ལགས་སོ། །མངོན་པར་ཞུགས་པ་ལགས་སོ། བཙུན་པ་བདག་བཅོམ་ལྡན་འདས་ལ་སྐྱབས་སུ་མཆིས་པ་དང་། ཆོས་ལ་སྐྱབས་སུ་མཆིས་པ་དང་། དགེ་འདུན་ལ་སྐྱབས་སུ་མཆིས་པ་ལགས་ཏེ། བདག་དགེ་བསྙེན་ལགས་པར་གཟུང་དུ་གསོལ། བདག་
D340.074.0010b05.01མངོན་པར་དད་པར་གྱུར་ཏེ། དེང་སླན་ཅད་སྙིང་ཐག་པ་ནས་སྐྱབས་སུ་མཆིས་པ་ལགས་སོ་ཞེས་གསོལ་ནས། དེ་ལྟར་གཅེར་བུ་པ་འོད་སྲུང་དང་རུས་གཅིག་པ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་ཅིང་། རྗེས་སུ་ཡི་རངས་ནས། བཅོམ་ལྡན་
D340.074.0010b06.01འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་ཐད་ནས་སོང་ངོ་། །དེ་ནས་གཅེར་བུ་པ་འོད་སྲུང་དང་རུས་གཅིག་པ། བཅོམ་ལྡན་འདས་ཀྱི་ཐད་ནས་སོང་ནས། རིང་པོར་མ་ལོན་པར་བ་དྲུས་མ་ཞིག་གིས་བརྡུངས་ཏེ་བསད་ནས། དེ་འཆི་ཀར་དབང་
D340.074.0010b07.01