las rnam par 'byed pa/
当前为德格木刻版 289b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 289b
- 可引用原文
- 7 行
- 全文规模
- 全经 305 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 72 函 · 德格 289b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文པ་དང་། སྔར་སྨོས་པའི་ཁྱིམ་བདག་ཡང་དང་ཡང་ཕྱུགས་སུ་སྐྱེས་པ་བཞིན་ནོ། །མཉན་དུ་ཡོད་པ་ན་ཁྱིམ་བདག་དབུལ་པོ་གཅིག་ཚེ་འཕོས་པ་ནས། དེའི་ཁྱིམ་སྒོ་ན་གླང་སྒལ་པ་ཅན་ཞིག་ཡོད་དོ། །ཁྱིམ་བདག་དེ་སེམས་ཁྱིམ་ལ་ཆགས་པས་ཚེ་འཕོས་ནས་གླང་དེའི་སྒལ་པའི་སྲིན་བུར་སྐྱེས་ཏེ། སྐྱེས་མ་ཐག་ཏུ་བྱ་རོག་གིས་ཟོས་པ་དང་། ཡང་དེ་ཉིད་དུ་སྲིན་བུར་སྐྱེས་སོ། །དེ་ལྟར་དེ་ཉིད་དུ་ཉིན་གཅིག་ལ་ལན་བདུན་ཚེ་འཕོས་ཤིང་སྐྱེས་པ་ལྟ་བུ་དང་། འཕགས་པ་མཽད་གལ་གྱི་བུ་ཆེན་པོ་ཡུལ་མ་ག་དྷཱར་བསོད་སྙོམས་
ལ་སོང་སོང་བ་ལས་ཁྱིམ་ཞིག་གི་སྒོའི་ནང་དུ་ཕྱིན་པ་དང་། ཁྱིམ་དེ་ན་ཁྱིམ་བདག་བུད་མེད་དང་བཅས་པ་ཞིག་པང་ན་བུ་ཐོགས་ཏེ། ཉ་ཤའི་བྱན་དང་བཅས་པའི་ཁ་ཟས་ཟ་ཞིང་མདུན་ན་ཁྱི་ནག་མོ་ཞིག་འདུག་པ་དེ་ལ་ཉའི་རུས་པ་འདོར་རོ། །དེ་ནས་ཁྱིམ་བདག་དེས་མཽད་གལ་གྱི་བུ་ཆེན་པོ་མཐོང་ནས། འཕགས་པ་འདི་ན་སློང་བ་ལ་སྦྱིན་པ་སུ་ཡང་མ་མཆིས་ཀྱིས་སླར་བཞུད་ཅིག་ཅེས་སྨྲས་ཏེ་སླར་ལོག་པ་དང་། ཁྱིམ་དེའི་སྒོ་ན་ཡུལ་གཞན་ནས་འོངས་པའི་སྐྱེས་བུ་མཁས་པ་ཞིག་སྔ་ན་འདུག་འདུག་པ་དེས། དེས་དེ་མཐོང་ནས་ངོ་
མཚར་དུ་གྱུར་ཏེ། ཀྱེ་མ་བཙུན་པ་འདི་ནི་རྫུ་འཕྲུལ་ཅན་གྱི་མཆོག་སྟེ། ཀླུའི་རྒྱལ་པོ་དགའ་བོ་དང་ཉེར་དགའ་བོ་ནི་བཏུལ། ལྷའི་ཕོ་བྲང་རྣམ་པར་རྒྱལ་བ་ཡང་ཕྱག་གཡོན་པའི་མཐེ་བོས་བསྒུལ་ཏེ་བརྒྱ་བྱིན་ཡང་ངོ་མཚར་དུ་གྱུར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱང་མིག་བཙུམས་པ་ཙམ་གྱིས་བསྐོར་བ་ལགས་ན། བསོད་སྙོམས་མ་གསོལ་བར་སླར་བཏང་བ་ནི་ངོ་མཚར་ཆེའོ་ཞེས་བྱས་པ་དང་། དེ་ནས་གནས་བརྟན་གྱིས་དེ་དག་སྐྱོ་བར་བྱ་བའི་ཕྱིར་སྨྲས་པ། ཁྱེའུ་ངོ་མཚར་མི་ཆེའོ། །མི་དེས་
སྨྲས་པ་འོ་ན་ངོ་མཚར་ཆེན་པོ་ཅི་མཆིས། དེས་སྨྲས་པ་འདི་ན་ཁྱིམ་བདག་ཉ་ཤའི་བྱན་དང་བཅས་པའི་ཁ་ཟས་ཟ་བ་དེ། ཉ་དེ་ནི་ཁྱིམ་བདག་དེའི་ཕ་ཡིན་ཏེ། འདི་ནི་ཁྱིམ་གྱི་རྒྱབ་ན་རྫིང་ཉ་མང་པོ་ཞིག་ཡོད་པ་ནས་ཉ་རྣམས་བཅུས་ཤིང་བཅུས་ཤིང་ཟོས་ཏེ། མི་དེ་ཚེ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D338
- 德格版页
- 289b
- 显示
- 忠实保留藏文原典·未添加机器译文
研究边界
书目关系边界：BDRC WA0RT3300 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。