完整藏文原文 · 德格版页 当前仅加载第 72 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། རྣམ་པར་ཤེས་པ་མཐའ་ཡས་སོ་སྙམ་ནས་རྣམ་ཤེས་མཐའ་ཡས་སྐྱེ་མཆེད་རྫོགས་པར་བྱས་ཏེ་གནས་པ་དང་། རྣམ་པ་ཐམས་ཅད་དུ་རྣམ་ཤེས་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། ཅི་ཡང་མེད་དོ་སྙམ་ནས་ཅི་ཡང་མེད་པའི་སྐྱེ་
D338.072.0282a01.01མཆེད་རྫོགས་པར་བྱས་ཏེ་གནས་པ་དང་། རྣམ་པ་ཐམས་ཅད་དུ་ཅི་ཡང་མེད་པའི་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་རྫོགས་པར་བྱས་ཏེ་གནས་པ་སྟེ། ལས་དེ་ལྟ་བུ་ནི་གཟུགས་མེད་པའི་ཁམས་ལ་སྤྱོད་པའི་ལྷར་སྐྱེ་
D338.072.0282a02.01བར་འགྱུར་བའོ། །དེ་ལ་བྱས་ལ་མ་བསགས་པའི་ལས་ཡོད་དེ་དེ་གང་ཞེ་ན། བྱས་ནས་ངོ་ཚ་བར་འཛིན་པ་དང་འགྱོད་པ་དང་སྨོད་པ་དང་འཆགས་པ་དང་མཐོལ་བ་དང་། སྤོང་བ་དང་ཕྱིན་ཅད་མི་བྱེད་པར་སྡོམ་པ་སྟེ། ལས་དེ་ལྟ་བུ་ནི་བྱས་པ་མ་བསགས་པའོ། །དེ་ལ་
D338.072.0282a03.01བསགས་ལ་མ་བྱས་པའི་ལས་ཡོད་དེ་དེ་གང་ཞེ་ན། ལས་གང་ལུས་ཀྱིས་ཡོངས་སུ་རྫོགས་པར་བྱས་པ་དེ། །སེམས་ཀྱིས་ཡོངས་སུ་རྫོགས་པར་བྱས་ཤིང་ཚིག་ཏུ་ཡང་ལས་འདི་བྱའོ་ཞེས་སྨྲས་ལ་དེ་མ་བྱས་པ་སྟེ། ལས་དེ་ལྟ་བུ་ནི་བསགས་ལ་མ་བྱས་པའོ། །དེ་ལ་བྱས་
D338.072.0282a04.01ཀྱང་བྱས་ལ་བསགས་ཀྱང་བསགས་པའི་ལས་ཡོད་དེ་དེ་གང་ཞེ་ན། ལས་གང་བྱས་ནས་མི་འཛེམ་པ་དང་མི་ལྡོག་པ་དང་མི་འགྱོད་པ་དང་མི་སྨོད་པ་དང་མི་འཆགས་པ་དང་མི་མཐོལ་བ་དང་མི་འདོར་བ་དང་། མི་སྤོང་བ་དང་ཕྱིན་ཅད་མི་སྡོམ་པར་བྱེད་པ་སྟེ། ལས་དེ་ལྟ་བུ་ནི་
D338.072.0282a05.01བྱས་ཀྱང་བྱས་ལ་བསགས་ཀྱང་བསགས་སོ། །དེ་ལ་བྱས་ཀྱང་མ་བྱས་ལ་བསགས་ཀྱང་མ་བསགས་པའི་ལས་ཡོད་དེ་དེ་གང་ཞེ་ན། ལས་གང་ཆེད་དུ་མ་བསགས་པར་བྱས་པ། རྨི་ལམ་ན་བྱས་པའམ་བྱེད་དུ་བཅུག་པ་ལྟ་བུ་སྟེ། ལས་དེ་ལྟ་བུ་ནི་བྱས་ཀྱང་མ་བྱས་ལ་བསགས་
D338.072.0282a06.01ཀྱང་མ་བསགས་པའོ། །ལས་གང་དང་ལྡན་ན་གང་ཟག་སེམས་ཅན་དམྱལ་བར་སྐྱེས་ནས་སེམས་ཅན་དམྱལ་བའི་ཚེ་ཡོངས་སུ་རྫོགས་པར་ཟད་པར་བྱས་ནས་ཚེ་འཕོ་བར་འགྱུར་བའི་ལས་ཡོད་དེ་དེ་གང་ཞེ་ན། འདི་ནི་ལ་ལ་ཞིག་གིས་སེམས་ཅན་དམྱལ་བའི་ལས་བྱས་ཤིང་བསགས་
D338.072.0282a07.01