完整藏文原文 · 德格版页 当前仅加载第 68 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་ཡང་། །ཕྱག་བྱས་མངོན་ཤེས་ཅི་ཞིག་ཡོད། །སངས་རྒྱས་བཀུར་སྟི་བྱེད་འདོད་དང་། །རྫོགས་པའི་བྱང་ཆུབ་འདོད་པ་ཉིད། །དེས་ནི་སངས་རྒྱས་རྣམས་ཀྱི་མཚན། །རྒྱལ་བས་བཤད་པ་འདི་མཉན་བྱ། །སངས་རྒྱས་ཡེ་ཤེས་བསྐྱེད་པ་ལ། །ནམ་ཡང་
D274.068.0035b01.01སོམ་ཉི་མི་ཟ་སྟེ། །དགེ་བའི་རྩ་བ་དེ་ཡིས་ནི། །ཡེ་ཤེས་བསམ་ཡས་འདི་འཐོབ་བོ། །གང་ཞིག་རྟག་ཏུ་སངས་རྒྱས་ལ། །མཆོད་པ་བསམ་ཡས་བྱེད་འདོད་པ། །དེ་ཡིས་སངས་རྒྱས་མཚན་ཐོས་ནས། །གཞན་དག་ལ་ནི་རབ་བསྟན་བྱ། །གང་ཞིག་སེམས་ཅན་བྱེ་བ་
D274.068.0035b02.01དག །སྲིད་པ་སྤངས་པར་དགྲོལ་འདོད་པ། །དེ་ཡིས་སངས་རྒྱས་མཚན་ཐོས་ན། །མི་ཉིད་དུ་ནི་དེ་མི་སྐྱེ། །གང་ཞིག་ཞིང་ནི་བྱེ་བ་དག །རྐང་པའི་མཐེ་བོས་བསྒུལ་འདོད་པ། །དེ་ཡིས་སངས་རྒྱས་མཚན་ཐོས་ནས། །སྐྱེ་བོ་མང་ལ་དེ་བསྟན་བྱ། །གང་ཞིག་སངས་རྒྱས་རྣམས་
D274.068.0035b03.01ཀྱི་འདི་འཛིན་དེ། །རྒྱལ་བ་འདྲེན་པ་མང་པོ་མཆོད་པས་ན། །དེས་ནི་སྐྱེ་བ་གཅིག་གིས་མ་ཡིན་ལ། །བཅུ་ཡིས་མ་ཡིན་ཉི་ཤུས་མ་ཡིན་ནོ། །འཇིག་རྟེན་འདི་ནི་གང་གཱའི་བྱེ་སྙེད་ཀྱི། །རིན་ཆེན་གསེར་གྱི་མདོག་གིས་བཀང་འབུལ་བས། །གང་ཞིག་སངས་རྒྱས་མཆོག་གི་
D274.068.0035b04.01མཚན་ཐོས་ན། །སྦྱིན་ཕུང་དེ་ཡིས་བརྒྱ་ཡི་ཆར་མི་ཕོད། །གང་ཞིག་སངས་རྒྱས་མཚན་འདི་ཐོས་ནས་འཛིན། །དེ་དག་མིར་གྱུར་མཆོག་ནི་ལེགས་པར་རྙེད། །དེ་མིའི་འཇིག་རྟེན་དབྱངས་ཀྱི་ཡན་ལག་ལྡན། །རབ་ཏུ་འབྱུང་བ་ལེགས་རྙེད་ཟས་ལེགས་སྤྱད། །བཅོམ་ལྡན་འདས་ཀྱིས་དེ་
D274.068.0035b05.01སྐད་ཅེས་བཀའ་སྩལ་པ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། གནས་བརྟན་འོད་སྲུང་ཆེན་པོ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རངས་ནས་མངོན་པར་
D274.068.0035b06.01བསྟོད་དོ། །ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས་འཕགས་པ་སངས་རྒྱས་ཀྱི་དབུ་རྒྱན་ཞེས་བྱ་བ་ཐེག་པ་ཆེན་པོའི་མདོའི་ཆོས་ཀྱི་རྣམ་གྲངས་ཆེན་པོ་རྫོགས་སོ།། །།རྒྱ་གར་གྱི་མཁན་པོ་ཤཱཀྱ་སིང་ཧ་དང་། ལོཙྪ་བ་བན་དེ་དེ་བེན་དྲ་རཀྵི་ཏས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
D274.068.0035b07.01