完整藏文原文 · 德格版页 当前仅加载第 68 函德格 34b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐུ་སྣང་ཆེ་ཞེས་བྱ་བ་ད་ལྟར་བཞུགས་ཤིང་འཚོ་ལ་གཞེས་སོ། །འོད་སྲུང་ཆེན་པོ་རིགས་ཀྱི་བུའམ་རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་སུ་
D274.068.0034b01.01དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐུ་སྣང་ཆེ་དེའི་མཚན་འཛིན་པར་བྱེད་པ་དེ་དག་ནི་སྲིད་པར་སྐྱེས་པ་ན་ཚེ་རབས་དྲན་པར་འགྱུར་རོ། །བྱང་ཆུབ་སེམས་དཔའི་ཏིང་ངེ་འཛིན་ཉི་མའི་དཀྱིལ་འཁོར་སྣང་བ་དམ་པའི་
D274.068.0034b02.01དཔལ་ཞེས་བྱ་བ་ཡང་ཐོབ་པར་འགྱུར་ཏེ། དེ་ལ་གནས་ནས་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་ཀྱི་སངས་རྒྱས་ཀྱི་ཞིང་རྣམས་དང་། སངས་རྒྱས་བཅོམ་ལྡན་འདས་དེ་རྣམས་ཡང་མཐོང་བར་འགྱུར་རོ། །འོད་སྲུང་ཆེན་པོ་དེ་ལྟར་ན་མི་ཕམ་པ་དང་འདྲ་བའི་བྱང་ཆུབ་
D274.068.0034b03.01སེམས་དཔའ་རྣམས་ཀྱི་ཡོན་ཏན་གང་དག་ཡིན་པའི་ཡོན་ཏན་གྱི་ཕན་ཡོན་དེ་དག་ལ་འབྱུང་བར་འགྱུར་རོ། །འོད་སྲུང་ཆེན་པོ་བུད་མེད་གང་ཞིག་དེ་བཞིན་གཤེགས་པ་དེའི་མཚན་འཛིན་པར་བྱེད་པ་ཡང་དེའི་བུད་མེད་ཀྱི་དངོས་པོ་ཐ་མ་ཡང་དེ་ཡིན་ཏེ། དེ་ནས་ཤི་འཕོས་
D274.068.0034b04.01ནས་སྐྱེས་པའི་དངོས་པོ་འཐོབ་པར་འགྱུར་རོ། །དེ་ལྟར་ན་དེ་བཞིན་གཤེགས་པ་མཐུ་འོད་ཆེན་པོ་དེའི་མཚན་འཛིན་པ་ནི་དོན་ཆེན་པོ་བྱེད་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ། །བུད་མེད་ཀྱིས་ཀྱང་དྲང་སྲོང་
D274.068.0034b05.01ཆེན་པོ་དེ་ཡི་མཚན་ཐོས་ན། །བུད་མེད་དངོས་པོ་དེ་སྒྱུར་སྐྱེས་བུ་མཁས་པའི་དངོས་པོར་འགྱུར། །ལུས་ཅན་ཀུན་ལ་ཕན་ཕྱིར་བྱང་ཆུབ་དམ་པར་འཚང་རྒྱ་ཞིང་། །ལྷ་དང་བཅས་པའི་འཇིག་རྟེན་དག་གི་རྟེན་དང་དཔུང་གཉེན་འགྱུར། །འོད་སྲུང་ཆེན་པོ་རིགས་ཀྱི་བུའམ་
D274.068.0034b06.01རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་སུ་དག་མཚན་འདི་འཛིན་པར་བྱེད་པ་དེ་དག་ནི་སྲིད་པར་སྐྱེས་པ་ན་ཚེ་རབས་དྲན་པར་འགྱུར་རོ། །བསྐལ་པ་གྲངས་མེད་པར་འཁོར་བ་ལས་ཕྱིར་ཕྱོགས་པར་འགྱུར་རོ། །དེ་དག་ལ་བསོད་ནམས་ཀྱི་ཕུང་པོ་དཔག་ཏུ་
D274.068.0034b07.01