完整藏文原文 · 德格版页 当前仅加载第 66 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཡོངས་སུ་སྨིན་པར་བྱེད་པའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བྱམས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་འདི་ཅིའི་སླད་དུ་ཡན་ལག་གི་དམ་པ་མགོ་བོ་ལ་ཡིད་བཞིན་གྱི་ནོར་བུ་རིན་པོ་ཆེ་འཆང་
D260.066.0272a01.01ཞིང་དེ་ཤིན་ཏུ་ལྷམ་མེ། ལྷང་ངེར་གདའ་ལ། བྱང་ཆུབ་སེམས་དཔའ་གཞན་དག་ལ་དེ་ལྟར་མ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་འདི་ནི་སྙིང་རྗེ་ཆེན་པོ་དང་ལྡན་པ།
D260.066.0272a02.01སེམས་ཅན་ལ་ཕན་པའི་ཕྱིར་ཞུགས་པ། སྡུག་བསྔལ་ཆེན་པོ་ལས་ཐར་བར་བྱེད་པ་སྟེ། སེམས་ཅན་གང་དག་ལྟུང་བའི་རྩ་བ་བྱུང་བ། ངན་སོང་དུ་འགྲོ་བ། དགེ་བའི་རྩ་བ་ཐམས་ཅད་སྤྲུག་པར་བྱེད་པ། འཇིག་པར་བྱེད་པའི་སེམས་ཅན་དེ་དག་ལ་རིགས་ཀྱི་བུ་
D260.066.0272a03.01འདི་ནི་སྨན་དུ་གྱུར་པའོ། །མ་རིག་པའི་མུན་པ་མུན་ནག་དང་། ལྟ་བ་ངན་པའི་སྡུག་བསྔལ་བར་གྱུར་པ་རྣམས་ལ་ནི་འདི་ཉི་མ་དང་མཚུངས་པའོ། །ལྟུང་བའི་རྩ་བ་འཆགས་སུ་འཇུག་པའོ། །དེ་དག་གི་སྙིང་ལ་ཐེ་ཚོམ་ཡོད་པ་དང་འབྲལ་བར་བྱེད་པའོ། །གང་
D260.066.0272a04.01དག་གི་སྙིང་གི་སྣོད་ཆག་པར་གྱུར་པ། ལྟུང་བར་གྱུར་པ་ཕས་ཕམ་པའི་སེམས་ཅན་དགེ་བའི་ཆོས་ཐམས་ཅད་ཞིག་པར་གྱུར་པ། ངན་སོང་དུ་འགྲོ་བ། མགོན་མེད་པ། རྟེན་མེད་པ། མཁས་པ་ཐམས་ཅད་ཀྱིས་སྤངས་པ་རྣམས་ལ་ནི་རིགས་ཀྱི་བུ་འདི་ཁར་བ་དང་
D260.066.0272a05.01མཚུངས་པའོ། །ལམ་སྟོན་པའོ། །སྡིག་པ་ཐམས་ཅད་དང་། དྲི་མི་ཞིམ་པ་ཐམས་ཅད་སྟོན་པར་བྱེད་པ་འཁྲུ་བར་བྱེད་པའོ། །འགྲོ་བ་ངན་པའི་ལམ་ལས་ཟློག་པར་བྱེད་པའོ། །ཤིང་རྟ་དང་མཚུངས་པའོ། །མཐོ་རིས་དང་ཐར་པ་ལ་འཇོག་པར་བྱེད་པའོ། །
D260.066.0272a06.01རིགས་ཀྱི་བུ་འདི་ནི་སེམས་ཅན་གང་དག་སེམས་ཤིན་ཏུ་འདོད་པར་འཇུག་པ་དང་། གང་དག་ཤིན་ཏུ་ཁྲོ་བ་དང་། གནོད་སེམས་དང་། གནོང་བ་འཆབ་པ་དང་། སེར་སྣས་སེམས་འཁྲུགས་པར་གྱུར་པ་དང་། གང་དག་ཤིན་ཏུ་གཏི་མུག་གིས་མུན་པར་སོང་བ་དང་།
D260.066.0272a07.01