完整藏文原文 · 德格版页 当前仅加载第 66 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཀྱི་ཆར་ཡང་བབ་པར་གྱུར་ཏོ། །ལྷའི་གོས་དང་། ཆོས་གོས་དང་། གསེར་གྱི་སྐུད་པ་དང་། མུ་ཏིག་གི་སེ་མོ་དོ་དང་། མེ་ཏོག་པད་མ་དང་། ཨུད་པ་ལ་དང་། ཀུ་མུ་ད་དང་། པད་མ་དཀར་པོ་དང་། ཨུ་ར་ག་ས་ལ་དང་། ཙན་དན་སྦྲུལ་གྱི་སྙིང་
D260.066.0268a01.01པོ་དང་། ཤིང་ཏ་མ་ལའི་འདབ་མ་དང་། ཙན་དན་ས་མཆོག་པའི་བྱེ་མས་ལམ་དེར་བཀྲམ་པར་མངོན་པར་སྤྲུལ་ཏོ། །ལམ་དེའི་གཡས་གཡོན་གཉི་གར་རྣམ་པར་རྒྱལ་བྱེད་ཀྱི་ཁང་པ་དང་འདྲ་བ། རིན་པོ་ཆེ་སྣ་བདུན་གྱི་ཁང་{བཟངས་ཀྱང་,བཟང་ཡང་}མངོན་པར་སྤྲུལ་ཏེ། ཁང་པ་དེ་ན་
D260.066.0268a02.01འདོད་པའི་དབང་ཕྱུག་གི་ཆུང་མ་དམ་པ་དང་། སླས་དང་འདྲ་བ་དང་། ཡན་ལག་ལྔ་དང་ལྡན་པའི་སིལ་སྙན་སྒྲོགས་ཤིང་རྩེ་དགའ་ཞིང་དགའ་དགུར་སྤྱོད་པ་དེ་འདྲ་བ་དག་དེར་སྤྲུལ་ཏོ། །བཅོམ་ལྡན་འདས་ཀྱི་དབུའི་སྟེང་གི་ནམ་མཁའ་ལ་ལྷའི་ནོར་བུ་རིན་པོ་ཆེ་ལས་བྱས་
D260.066.0268a03.01པའི་ཚངས་པ་ཆེན་པོའི་གདུགས་ལྟ་བུའི་དཔག་ཚད་བརྒྱ་ཙམ་ལ་རིན་པོ་ཆེའི་དྲ་བའི་སྐུད་པ་དང་། མུ་ཏིག་གི་རྒྱན་ཕྲེང་གིས་ལེགས་པར་བརྒྱན་པ་མངོན་པར་སྤྲུལ་ཏེ། རྒྱན་དེ་དག་ལས་ཀྱང་ལྷ་ལས་འདས་པའི་སིལ་སྙན་ཡན་ལག་ལྔ་དང་ལྡན་པའི་གླུའི་དབྱངས་ཀྱི་སྒྲ་
D260.066.0268a04.01འབྱུང་ངོ་། །རྩྭ་དང་། ཤིང་དང་། འདབ་མ་དང་། མེ་ཏོག་དང་། འབྲས་བུ་ལ་སོགས་པ་གང་ཅི་ཡང་རུང་སྟེ་ས་ལ་རྟེན་པ་དེ་དག་ཐམས་ཅད་ལས་ཀྱང་ལྷ་ལས་འདས་པའི་ཡན་ལག་ལྔ་དང་ལྡན་པའི་སིལ་སྙན་ལས་བསྟོད་པའི་སྒྲ་འབྱུང་བར་གྲག་སྟེ། སྒྲ་དེ་གང་གི་
D260.066.0268a05.01རྣར་ཐོས་པའི་སེམས་ཅན་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །དེ་ནས་འཁོར་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་བཀོད་པ་ཆེན་པོ་དེ་མཐོང་སྟེ། ཤིན་ཏུ་ངོ་མཚར་དང་
D260.066.0268a06.01རྨད་དུ་བྱུང་བའི་ཆོས་ཐོབ་ནས་དེ་དག་འདི་སྙམ་དུ་སེམས་ཏེ། བཅོམ་ལྡན་འདས་ཀྱི་སྤྱན་སྔར་སྐྱེས་བུ་དམ་པ་དེའི་སྟན་ཇི་ལྟ་བུར་བཤམ་སྙམ་མོ། །དེ་ནས་དེའི་ཚེ་བཅོམ་ལྡན་འདས་ཀྱི་སྤྱན་སྔར་རིན་པོ་ཆེ་ལས་བྱས་པའི་མེ་ཏོག་པད་མ་སྡོང་བུ་ནི་དངུལ། ལོ་མ་ནི་གསེར།
D260.066.0268a07.01