完整藏文原文 · 德格版页 当前仅加载第 66 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡང་བྱང་བར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་ལས་ཀྱི་སྒྲིབ་པས་བསྒྲིབས་པར་མི་འགྱུར་ཞིང་ཆོས་ཀྱི་རྣམ་གྲངས་འདི་ལ་
D258.066.0259a01.01བརྩོན་པར་བགྱིད་པ་དེ་དག་སངས་རྒྱས་བཅོམ་ལྡན་འདས་ཇི་སྙེད་ཅིག་ལས་མང་དུ་ཐོས་པས་ཆོས་བསྟན་པའི་སླད་དུ་ངེས་པར་འབྱུང་བར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་གང་དག་སངས་
D258.066.0259a02.01རྒྱས་བརྒྱའི་ཆོས་བསྟན་པ་ཀུན་ཏུ་གཟུང་བའི་ཕྱིར་ངེས་པར་འབྱུང་བ་དེ་དག་ཀྱང་ཡོད་དོ། །ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་གང་དག་སངས་རྒྱས་ཉིས་བརྒྱ་དང་། སུམ་བརྒྱ་དང་། བཞི་བརྒྱ་དང་། ལྔ་བརྒྱ་དང་། སྟོང་དང་། ཉིས་སྟོང་དང་། སུམ་སྟོང་དང་།
D258.066.0259a03.01བཞི་སྟོང་དང་། ལྔ་སྟོང་དང་། དྲུག་སྟོང་དང་། བདུན་སྟོང་དང་། བརྒྱད་སྟོང་དང་། དགུ་སྟོང་དང་། ཁྲི་དང་། སངས་རྒྱས་འབུམ་ནས། སངས་རྒྱས་བྱེ་བ་ཁྲག་ཁྲིག་འབུམ་གྱི་བར་དག་གི་ཆོས་སྟོན་པ་ཀུན་ཏུ་གཟུང་བའི་ཕྱིར་ངེས་པར་འབྱུང་བར་འགྱུར་བ་དག་
D258.066.0259a04.01ཀྱང་ཡོད་དོ། །ཀུན་དགའ་བོ་བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་འཆང་བ་དང་། ཀློག་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་དང་། གླེགས་བམ་དུ་བྱས་ཏེ། འཆང་བ་དེས་འདི་སྙམ་དུ་བདག་གིས་དེང་ཉིད་བླ་ན་མེད་པ་
D258.066.0259a05.01ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་དུ་སེམས་བསྐྱེད་པར་བྱ་སྟེ། དེ་ནི་ཇི་ལྟར་ད་ལྟར་ང་བཞིན་དུ་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་ཕྱག་བྱ་བའི་འོས་དང་། མཆོད་པའི་འོས་ཡིན་ནོ། །དེ་ནས་དེའི་ཚེ་བཅོམ་ལྡན་འདས་ཀྱིས་
D258.066.0259a06.01ཚིགས་སུ་བཅད་པ་འདི་དག་བཀའ་སྩལ་ཏོ། །བྱང་ཆུབ་སེམས་དཔས་མདོ་སྡེ་འདི་ཐོས་ནས། །བདག་གིས་བྱང་ཆུབ་དམ་པ་ཐོབ་པར་བསམ། གང་གི་ལག་ན་མདོ་སྡེ་འདི་ཡོད་པ། །དེ་ནི་ད་ལྟར་འཇིག་རྟེན་ཕྱག་བྱའི་འོས། །དེ་ནི་འཇིག་རྟེན་མགོན་པོ་རྣམ་
D258.066.0259a07.01