完整藏文原文 · 德格版页 当前仅加载第 66 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་བྱང་ཆུབ་སེམས་དཔའ་རྣམས་ལ་ཆོས་སྟོན་ཏེ། བྱ་བ་འདི་ལ་ཡང་མོས་པར་བྱེད་དོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་དེ་དག་ལ་མངོན་པར་བརྩོན་པར་གནས་པ་དེ་དག་གང་གི་ཚེ་ཉོན་མོངས་པ་དང་། ཉེ་བའི་ཉོན་མོངས་
D258.066.0249a01.01པ་ཐམས་ཅད་ལས་ཡོངས་སུ་གྲོལ་བར་གྱུར་པ་དེའི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བའི་གྲངས་སུ་འགྲོ་སྟེ། དེ་བཞིན་གཤེགས་པའི་བྱ་བ་ཐམས་ཅད་ཀྱང་བྱེད་དོ། །དེ་ནས་དེའི་ཚེ་བཅོམ་ལྡན་འདས་ཀྱིས་
D258.066.0249a02.01ཚིགས་སུ་བཅད་པ་འདི་དག་བཀའ་སྩལ་ཏོ། །ཇི་ལྟར་པད་མ་སྨད་པར་འོས་གྱུར་པ། །དེ་ཡི་འདབ་མ་སྦུབས་གྱུར་མ་གྱེས་ལ། །དེ་བཞིན་གཤེགས་པའི་སྙིང་པོ་མ་གོས་དེ། །མི་འགའ་ལ་ལས་ལྷ་ཡི་མིག་གིས་མཐོང་། །དེ་ནི་དེ་ཡི་འདབ་མ་འབྱེད་པ་ན། །
D258.066.0249a03.01དབུས་ན་རྒྱལ་བའི་ལུས་ནི་མཐོང་གྱུར་ནས། །རྒྱལ་བ་ཉེ་བའི་ཉོན་མོངས་ཕྱིས་མི་འགྱུར། །དེ་ནི་འཇིག་རྟེན་ཀུན་ཏུ་རྒྱལ་བར་འགྱུར། །དེ་བཞིན་ངས་ཀྱང་སྲོག་ཆགས་ཐམས་ཅད་ཀྱི། །དཀྱིལ་དེར་གནས་པའི་རྒྱལ་བ་རྣམས་ཀྱི་ལུས། །ཇི་ལྟར་སྨད་འོས་པད་
D258.066.0249a04.01མའི་སྦུབས་འདྲ་བའི། །ཉོན་མོངས་སྟོང་ཕྲག་བྱེ་བས་ཁེབས་པར་མཐོང་། །ང་ཡང་དེ་དག་གིས་ནི་གསལ་བའི་ཕྱིར། །མཁས་པ་རྣམས་ལ་རྟག་ཏུ་ཆོས་སྟོན་ཏོ། །སེམས་ཅན་འདི་དག་སངས་རྒྱས་འགྱུར་བྱ་ཞེས། །རྒྱལ་བའི་ཕྱིར་ནི་ཉོན་མོངས་རྣམ་པར་
D258.066.0249a05.01སྦྱོང་། །ང་ཡི་སངས་རྒྱས་མིག་ནི་དེ་འདྲ་སྟེ། །དེ་ཡིས་རྒྱལ་བའི་ལུས་སུ་གནས་པ་ཡི། །སེམས་ཅན་འདི་དག་ཐམས་ཅད་མཐོང་གྱུར་ཏེ། །དེ་དག་རྣམ་པར་སྦྱང་ཕྱིར་ཆོས་སྨྲའོ། །རིགས་ཀྱི་བུ་དག་གཞན་ཡང་འདི་ལྟ་སྟེ། དཔེར་ན་སྦྲང་ཚང་ཟླུམ་པོ་ཤིང་གི་
D258.066.0249a06.01ཡལ་ག་ལ་འཕྱང་བ། བུང་བ་འབུམ་གྱིས་ཀུན་ཏུ་བསྲུངས་ཤིང་སྦྲང་རྩིས་ཡོངས་སུ་གང་བ་ཞིག་ཡོད་ལ། དེ་ནས་སྦྲང་རྩི་འདོད་པའི་མི་ཞིག་གིས་སྲོག་ཆགས་ཀྱི་རྣམ་པ་བུང་བ་དེ་དག་ཐབས་མཁས་པས་བསྐྲད་ན་སྦྲང་རྩི་དེས་སྦྲང་རྩིའི་བྱ་བ་བྱེད་དོ། །རིགས་ཀྱི་བུ་དག་དེ་བཞིན་
D258.066.0249a07.01