完整藏文原文 · 德格版页 当前仅加载第 63 函德格 186a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་མི་ཁྱབ། དེ་ལྟར་དེ་བཞིན་གཤེགས་པ་ནི་དེ་བཞིན་གཤེགས་པའི་ཆོས་རྣམས་ཀྱིས་མི་མཉམ་པ་དང་མཉམ་ན། འཇམ་དཔལ་དེ་ལ་སྐྱེས་བུ་བླུན་པོ་དེ་དག་འདི་སྐད་དུ་འདི་ལྟ་སྟེ། བྱང་ཆུབ་སེམས་དཔའ་རྣམས་ཀྱི་དེ་བཞིན་གཤེགས་པའི་ཕྱིར་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་
D227.063.0186a01.01པའོ་ཞེས་ཟེར་རོ། །འཇམ་དཔལ་འདི་ལྟ་སྟེ་བྱང་ཆུབ་སེམས་དཔའི་སྤྱོད་པ་ནི་དཔག་ཏུ་མེད་པའི་སྤྱོད་པའོ། །འདི་ལྟ་སྟེ་བྱང་ཆུབ་སེམས་དཔའི་སྤྱོད་པ་ནི་མཉམ་པ་མེད་པའི་སྤྱོད་པའོ། །འདི་ལྟ་སྟེ་བྱང་ཆུབ་སེམས་དཔའི་སྤྱོད་པ་ནི་ཡོངས་སུ་འཛིན་པ་མེད་པའི་སྤྱོད་པའོ། །འདི་ལྟ་སྟེ་བྱང་ཆུབ་
D227.063.0186a02.01སེམས་དཔའི་སྤྱོད་པ་ནི་མི་འདོར་བའི་སྤྱོད་པའོ། །བྱང་ཆུབ་སེམས་དཔའི་སྤྱོད་པ་ནི་དམ་བཅས་པ་ལ་བརྟན་ཞིང་ལྷག་པའི་བསམ་པ་ཡོངས་སུ་དག་པའི་སྤྱོད་པའོ། །བྱང་ཆུབ་སེམས་དཔའི་སྤྱོད་པ་ནི་གཞན་ལ་ཕན་གདགས་པས་ཡོངས་སུ་མི་སྐྱོ་བའི་སྤྱོད་པའོ། །འཇམ་དཔལ་བྱང་ཆུབ་
D227.063.0186a03.01སེམས་དཔའ་རྣམས་ཀྱི་སྤྱོད་པ་ཡོངས་སུ་དག་པ་འདི་ལྟ་བུ་ནི་ངའི་ཆོས་ཡིན་ན་དེའི་ཚེ་མཐོང་དཀའ་བར་འགྱུར་རོ། །འཇམ་དཔལ་དེ་ལྟ་བས་ན་སྐྱེས་བུ་དམ་པ་ཉི་ཤུ་པོ་ཁྱེད་ཐམས་ཅད་ཀྱིས་ཅི་ནས་ཀྱང་ངའི་བྱང་ཆུབ་བསྐལ་པ་གྲངས་མེད་པ་བྱེ་བར་ཡང་དག་པར་བསྒྲུབས་པ་ཐབས་མཁས་
D227.063.0186a04.01པས་བསྟན་པ་འདི་གཞན་གྱིས་ཤེས་པར་འགྱུར་བར་ཆོས་ཡང་དག་པར་བླང་བ་ལ་གནས་ཏེ་བག་ཡོད་པར་བྱའོ། །དམ་བཅས་པ་ལ་བརྟན་པར་བྱའོ། །ཁོང་ཁྲོ་བ་མེད་པའི་སེམས་སུ་བྱའོ། །སེམས་ཅན་དག་འདི་ལྟ་སྟེ། ཆོས་སྤོང་བའི་གཡང་ས་ཆེན་པོར་མི་ལྟུང་བར་བྱའོ། །དེ་ནས་
D227.063.0186a05.01འཇམ་དཔལ་གྱིས་གསོལ་པ། བཅོམ་ལྡན་འདས་ཆོས་སྤོང་བ་ཞེས་བགྱི་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་གང་དེ་བཞིན་གཤེགས་པས་གསུངས་པའི་བཀའ་ལ་ལ་ནི་བཟང་བར་འདུ་ཤེས། ལ་ལ་ནི་ངན་པར་འདུ་ཤེས་པ་དེ་ནི་ཆོས་སྤོང་བའོ། །གང་
D227.063.0186a06.01ཆོས་སྤོང་བ་དེས་ཆོས་སྤངས་པས་དེ་བཞིན་གཤེགས་པ་ལ་སྐུར་པ་འདེབས་པ་ཡིན། དགེ་འདུན་ལ་ངན་དུ་བརྗོད་པ་ཡིན་ནོ། །འདི་ནི་རིགས་པའོ། །འདི་ནི་མི་རིགས་པའོ་ཞེས་ཟེར་ན་ཆོས་སྤོང་བ་ཡིན་ནོ། །འདི་ནི་བྱང་ཆུབ་སེམས་དཔའ་རྣམས་ཀྱི་ཆེད་དུ་གསུངས་པའོ། །འདི་ནི་ཉན་ཐོས་རྣམས་
D227.063.0186a07.01