完整藏文原文 · 德格版页 当前仅加载第 63 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་རྣམས་འདི་སྙམ་དུ་དེ་བཞིན་གཤེགས་པ་ནི་བདག་ཅག་ཁོ་ན་ལ་ཆོས་སྟོན་ཏོ་སྙམ་མོ། །དེ་བཞིན་དུ་སྦྱར་ཏེ། གླིང་བཞི་པ་གཉིས་པ་དང་། དེ་བཞིན་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ཆོས་བསྟན་པའི་ཚེ་སེམས་ཅན་རྣམས་འདི་སྙམ་དུ་དེ་བཞིན་
D227.063.0185a01.01གཤེགས་པ་ནི་བདག་ཅག་ཁོ་ན་ལ་ཆོས་སྟོན་ཏོ། །འདི་ན་དེ་བཞིན་གཤེགས་པ་ཆོས་སྟོན་ཏོ། །འདིར་དེ་བཞིན་གཤེགས་པ་སྐྱེས་སོ། །འདིར་ཆོས་ཀྱི་འཁོར་ལོ་བསྐོར་རོ། །ཆོས་ཀྱི་འཁོར་ལོ་བསྐོར་ནས་ཆོས་སྟོན་ཏོ་སྙམ་མོ། །མི་ཕམ་པ་འདི་ལ་ང་ནི་ཐབས་འདིས་འཇིག་རྟེན་
D227.063.0185a02.01གྱི་ཁམས་མཐའ་ཡས་མུ་མེད་པ་དག་ཏུ་སྔ་དྲོའི་དུས་ཀྱི་ཚེ་ཡང་ཆོས་སྟོན་ཅིང་དེ་ལྟར་སངས་རྒྱས་ཀྱི་མཛད་པ་མཛད་དོ། །ཉི་མ་གུང་གི་དུས་ཀྱི་ཚེ་ཡང་དེ་ལྟར་སངས་རྒྱས་ཀྱི་མཛད་པ་མཛད་དོ། །ཕྱི་དྲོའི་དུས་ཀྱི་ཚེ་ཡང་དེ་ལྟར་སངས་རྒྱས་ཀྱི་མཛད་པ་མཛད་དེ། ཆོས་ཐམས་ཅད་དང་། སེམས་ཅན་
D227.063.0185a03.01ཐམས་ཅད་དང་། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པའི་སྤྱན་ཐོགས་པ་མི་མངའ་བར་གཟིགས་པ་དང་། ཤེས་རབ་དང་ཡེ་ཤེས་ཀྱི་གཟིགས་པ་འཇུག་སྟེ། དེ་ལྟར་སངས་རྒྱས་ཀྱི་ཡུལ་བསམ་གྱིས་མི་ཁྱབ་ཅིང་ཚད་མེད་ན་དེ་ལ་དེ་དག་འདི་ལྟར་ཆོས་སྤོང་བ་ལ་གནས་པས་བྱང་
D227.063.0185a04.01ཆུབ་སེམས་དཔས་འདི་ལ་ནི་བསླབ་པར་བྱའོ། །འདི་ལ་ནི་བསླབ་པར་མི་བྱའོ་ཞེས་ཟེར་ཏེ། གང་སུ་དག་ཆོས་སྤོང་བར་གནས་པ་དེ་དག་ནི་སངས་རྒྱས་ལ་སྐུར་པ་འདེབས་པར་གནས་པ་ཡིན། གང་དག་སངས་རྒྱས་ལ་སྐུར་པ་འདེབས་པར་གནས་པ་དེ་དག་ནི་འདི་ལྟ་སྟེ། ངན་སོང་གི་གཡང་སའི་ས་ལ་
D227.063.0185a05.01གནས་པ་ཡིན་ཏེ་དེ་དག་ནི་ཆོས་ཀྱིས་ཕོངས་པར་འགྱུར་བ་ལ་གནས་པ་ཡིན་ནོ། །མི་ཕམ་པ་དེ་ལྟ་བས་ན་དེ་བཞིན་གཤེགས་པའི་ཐབས་མཁས་པས་བསྟན་པའི་ཆོས་ལ་བདག་བསྲུང་བར་བྱའོ། །དེ་ནས་འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་ཤེས་རབ་ཀྱི་ཕུང་པོ་ཡང་དག་
D227.063.0185a06.01གྲུབ་དང་། བྱང་ཆུབ་སེམས་དཔའ་མཐོང་བ་དོན་ཡོད་དང་། བྱང་ཆུབ་སེམས་དཔའ་གཅིག་ཏུ་སྤོབས་པ་རྣམ་པར་ངེས་པའི་བློ་གྲོས་དང་། བྱང་ཆུབ་སེམས་དཔའ་ཤིན་ཏུ་རྣམ་པར་ངེས་པའི་སེམས་སྟོན་པའི་བློ་གྲོས་དང་། བྱང་ཆུབ་སེམས་དཔའ་ཤེས་རབ་སྤོབས་པས་སྨྲ་བ་དང་། བྱང་ཆུབ་སེམས་
D227.063.0185a07.01