完整藏文原文 · 德格版页 当前仅加载第 63 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེན་པོ་འདུ་བྱེད་ཐམས་ཅད་ནི་དེ་ལྟར་མི་རྟག་པ། དེ་ལྟར་མི་བརྟན་པ། དེ་ལྟར་ཡིད་བརྟན་དུ་མི་རུང་བ། དེ་ལྟར་འགྱུར་བའི་ཆོས་ཅན་ཏེ། ཡུན་ཐུང་བ། མི་གནས་པ། གཡོ་བ། འགུལ་བ། སྐད་ཅིག་པ། མཐར་སྡིག་པ་ཟད་པ་དང་། དེངས་པའི་སྒོ། མཐར་འགྱེས་པ།
D221.063.0083b01.01འཇིགས་པ་དང་བཅས་པ། གནོད་པ་དང་བཅས་པ། མྱ་ངན་དང་འཁྲུག་པ་མང་བ། འདྲུལ་བ། འབྲུལ་བ། འཆད་པ། འབྱེ་བ། འཐོར་བ། རྣམ་པར་འཇིག་པའི་ཆོས་ཅན་ནོ། །རྒྱལ་པོ་ཆེན་པོ་དེ་ལྟ་བས་ན་མི་རྟག་པར་བལྟ་ཞིང་ཟད་པ་དང་། དེངས་པའི་སྒོར་བལྟ་བར་བྱ་སྟེ།
D221.063.0083b02.01འདོད་ཆགས་ཀྱིས་མ་ཆགས་པ་དང་། ཞེ་སྡང་གིས་མི་སྡང་བ་དང་། གཏི་མུག་གིས་མ་རྨོངས་པ་དང་། རྒྱལ་སྲིད་ཀྱི་དབང་ཕྱུག་གི་བདེ་བ་ལ་མ་ཆགས་པ་དང་། འདོད་པའི་བདེ་བ་དང་། འདོད་པའི་ལོངས་སྤྱོད་ཀྱི་བདེ་བ་ལ་མ་ཆགས་པ་དང་། མི་རྟག་པར་ལྟ་བ་དང་། བག་ཡོད་པ་དང་།
D221.063.0083b03.01མ་ཆགས་པ་དང་། མི་བརྐམ་པ་དང་། མ་ཞེན་པ་དང་། མ་མོས་པ་དང་། སྲོག་སྙེམས་པ་མེད་པར་འཆི་བས་འཇིགས་སྐྲག་པར་བྱའོ། །ཆོས་ཁོ་ནས་རྒྱལ་སྲིད་གྱིས་ཤིག །ཆོས་མ་ཡིན་པས་ནི་མི་བྱའོ། །ཁྱོད་ཆོས་དང་འཐུན་པར་གྱིས་ཤིག །ཆོས་མ་ཡིན་པ་དང་འཐུན་པར་
D221.063.0083b04.01ནི་མི་བྱའོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་འདོད་པའི་རྙེད་པ་དང་། རབ་ཏུ་རྙེད་པ་དང་། སོགས་པ་དང་། ཀུན་ཏུ་སོགས་པ་དང་། སྟེན་པས་འདོད་པ་དག་གིས་ངོམས་པར་ང་མི་སྨྲ་སྟེ། གང་དག་འཕགས་པའི་ཤེས་རབ་ཀྱིས་ངོམས་པར་འགྱུར་བ་དེ་དག་ནི་ངོམས་
D221.063.0083b05.01སོ། །རྒྱལ་པོ་ཆེན་པོ་འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག །སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་
D221.063.0083b06.01གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་བར་
D221.063.0083b07.01