完整藏文原文 · 德格版页 当前仅加载第 63 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱ་གར་སྐད་དུ། ཨཱརྱ་རཱ་ཛ་ཨ་བ་བཱ་ད་ཀ་ན་མ་མ་ཧ་ཡཱ་ན་སཱུ་ཏྲ། བོད་སྐད་དུ། འཕགས་པ་རྒྱལ་པོ་ལ་གདམས་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་
D221.063.0078a01.01དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེའི་ཚེ་ཡུལ་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་
D221.063.0078a02.01འདས་ལ་བལྟ་བ་དང་། ཕྱག་བྱ་བ་དང་། མཆོད་པ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་རྒྱལ་པོའི་འབྱོར་པ་ཆེན་པོ་དང་། རྒྱལ་པོའི་མཐུ་ཆེན་པོས་རོལ་མོའི་སིལ་སྙན་ལེན་པ་མང་པོ་དང་། བྲམ་ཟེ་དང་། ཁྱིམ་བདག་བརྒྱ་སྟོང་དུ་མས་ཡོངས་སུ་བསྐོར་ཅིང་
D221.063.0078a03.01མཉན་དུ་ཡོད་པ་ནས་བྱུང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དེར་སོང་ནས་དེ་བཞོན་དུ་རུང་བའི་ས་ཇི་སྲིད་པ་དེ་སྲིད་དུ་བཞོན་པ་ལ་ཞོན་ཏེ། བཞོན་པ་ལས་བབས་ནས་རྐང་གིས་ཀུན་དགའ་ར་བར་སོང་བ་དང་། ཡུལ་ཀོ་ས་ལའི་རྒྱལ་
D221.063.0078a04.01པོ་གསལ་རྒྱལ་གྱིས་ཤིང་ཞིག་གི་དྲུང་ན་བཅོམ་ལྡན་འདས་མཛེས་པ། བལྟ་ན་སྡུག་པ། དབང་པོ་ཞི་བ། ཐུགས་ཞི་བ། དུལ་བ་དང་། ཞི་གནས་མཆོག་བརྙེས་པ། དུལ་བ་དང་ཞི་བའི་མཆོག་དང་ལྡན་པ། བསྲུངས་པ། དབང་པོ་དུལ་བ། སྐྱེས་བུ་གླང་པོ། སྐྱེས་
D221.063.0078a05.01བུ་སེང་གེ །སྐྱེས་བུ་ཁྱུ་མཆོག །སྐྱེས་བུ་ཅང་མཁྱེན་པ། མཚོ་ལྟར་དང་ཞིང་གསལ་ལ་རྙོག་པ་མི་མངའ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་སྐུ་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། གསེར་གྱི་མཆོད་སྡོང་ལྟར་མངོན་པར་
D221.063.0078a06.01འཕགས་པ་དཔལ་གྱིས་འབར་ཞིང་བཞུགས་པར་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་ཆེས་ཡིད་དགའ་ཞིང་སེམས་མངོན་པར་དད་ནས་དེས་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། ཡུལ་ལ་དབང་བའི་མཐུ་ཐོབ་པའི་རྒྱལ་པོའི་མཚན་མ་ལྔ་གང་དག་ཡིན་པ་
D221.063.0078a07.01