完整藏文原文 · 德格版页 当前仅加载第 61 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བགྱིད་དེ། བཙུན་པ་རབ་འབྱོར་དེ་བཞིན་གཤེགས་པས་དོན་གྱི་དབང་དེ་གཟིགས་ནས་བསོད་སྙོམས་ལ་རྒྱུ་བ་མཛད་དོ། །བཙུན་པ་རབ་འབྱོར་གཞན་ཡང་དེ་བཞིན་གཤེགས་པའི་ལྷུང་བཟེད་ཀྱི་ནང་དུ་དགེ་སློང་ཐམས་ཅད་ཀྱི་
D190.061.0210b01.01ཟས་བླུགས་ཀྱང་དེས་ལྷུང་བཟེད་དེ་མ་གང་བ་འམ། གང་བར་ཡང་མི་འགྱུར་ཏེ། དེར་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་མང་པོ་དག་གིས་དེ་བཞིན་གཤེགས་པའི་ལྷུང་བཟེད་ཀྱི་ཆོ་འཕྲུལ་དེ་ལྟ་
D190.061.0210b02.01བུ་མཐོང་སྟེ་ངོ་མཚར་དུ་གྱུར་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བགྱིད་དེ། དེ་བཞིན་གཤེགས་པས་དོན་གྱི་དབང་དེ་གཟིགས་ནས་བསོད་སྙོམས་ལ་རྒྱུ་བ་མཛད་དོ། །བཙུན་པ་རབ་འབྱོར་གཞན་ཡང་དེ་བཞིན་གཤེགས་པའི་སྐུ་ནི་གཅིག་ཏུ་
D190.061.0210b03.01མཁྲེགས་ཤིང་ཁོང་སྟོང་མ་ལགས་ལ་རྡོ་རྗེ་ལྟར་མཁྲེགས་པ་སྟེ། དེ་བཞིན་གཤེགས་པའི་སྐུ་ལ་ཕོ་བ་འམ། ལོང་ཀ་ཡང་མི་མངའ། ཕྱིས་ཡང་མི་མངའ། གཅིན་ཡང་མི་མངའ་མོད་ཀྱི། འོན་ཀྱང་བསོད་སྙོམས་ལ་རྒྱུ་བ་དང་། བཤོས་གསོལ་བ་དེ་ལྟར་ཡང་གདའ་ལ་ཁོང་དུ་
D190.061.0210b04.01མིད་པ་ཡང་མི་མངའ་སྟེ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་མང་པོ་དག་གིས་དེ་མཐོང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་
D190.061.0210b05.01པར་བགྱིད་དེ། བཙུན་པ་རབ་འབྱོར་དེ་བཞིན་གཤེགས་པས་དོན་གྱི་དབང་དེ་གཟིགས་ནས་བསོད་སྙོམས་ལ་རྒྱུ་བ་མཛད་དེ། བཙུན་པ་རབ་འབྱོར་གཞན་ཡང་དེ་བཞིན་གཤེགས་པ་གྲོང་དང་། གྲོང་ཁྱེར་དུ་གཤེགས་ན་སེམས་ཅན་མང་པོ་དག་གིས་བསོད་སྙོམས་མང་པོ་འམ།
D190.061.0210b06.01ཉུང་ངུའམ། བཟང་པོ་འམ། ངན་པ་ཡང་རུང་སྟེ། དབུལ་བར་བགྱིད་ལ། སེམས་ཅན་དེ་དག་གིས་ཀྱང་དེ་བཞིན་གཤེགས་པ་ལ་བསྐྱེད་པའི་ཡོན་ཏན་རྣམས་མཐར་ཐུག་པར་བགྱིད་མི་ནུས་ཏེ། ལྷ་དང་མི་རྣམས་ཀྱི་ཕུན་སུམ་ཚོགས་པ་མང་པོ་དག་ཀྱང་ཉམས་སུ་མྱོང་བར་འགྱུར་
D190.061.0210b07.01