完整藏文原文 · 德格版页 当前仅加载第 61 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཡེ་ཤེས་ཀྱི་ཚིག་{བླ་དགས་,བླ་དྭགས་}སོ། །བཙུན་པ་རབ་འབྱོར་དཔེར་ན་ལས་སུ་འགྲོ་བའི་ལྷའི་བུ་རྣམས་དང་། ཟླ་བ་དང་། ཉི་མའི་གཞལ་མེད་ཁང་རྣམས་ནི་སེམས་ཅན་རྣམས་ལ་སྣང་བར་བགྱི་བའི་སླད་དུ་ཆགས་པ་མ་མཆིས་པ་དང་། སྒྲིབ་པ་མ་མཆིས་པ་དང་།
D190.061.0207a01.01རྒྱུན་མི་འཆད་པར་ནམ་མཁའ་ལ་ཤུགས་ཀྱིས་མཆི་བ་དེ་བཞིན་དུ། བཙུན་པ་རབ་འབྱོར་ཐེག་པ་ཆེན་པོ་ལ་ཡང་དག་པར་ཞུགས་པའི་སྐྱེས་བུ་དམ་པ་རྣམས་ནི་སེམས་ཅན་ཐམས་ཅད་ལ་ཆོས་ཀྱི་སྣང་བ་བགྱི་བའི་སླད་དུ་ཆགས་པ་མ་མཆིས་པ་དང་། སྒྲིབ་པ་མ་མཆིས་པ་དང་། རྒྱུན་མི་
D190.061.0207a02.01འཆད་པར་ཕ་རོལ་ཏུ་ཕྱིན་པ་དྲུག་པོ་དག་གི་ཤུགས་ཀྱིས་མཆིའོ། །བཙུན་པ་རབ་འབྱོར་དཔེར་ན་གླིང་བཞི་ནི་འཁོར་ལོས་སྒྱུར་བའི་རྒྱལ་པོའི་ལགས་ཏེ། དེ་གང་དང་གང་དུ་མཆི་བ་དེ་དང་དེར་གླིང་བཞི་པའི་མི་རྣམས་ཀྱིས་བསྟེན་པའི་འོས་སུ་འགྱུར་བ་ལགས་ལ། འཁོར་ལོས་སྒྱུར་བའི་
D190.061.0207a03.01རྒྱལ་པོ་ཡང་སེམས་ཅན་དེ་དག་ལ་བསམ་པ་མི་མཉམ་པའི་རྣམ་པ་མ་མཆིས་ཏེ་བྱམས་པར་བགྱིད་པ་དེ་བཞིན་དུ། བཙུན་པ་རབ་འབྱོར་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ནི་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་
D190.061.0207a04.01དང་། རྒྱལ་པོའི་ཕོ་བྲང་ཐམས་ཅད་དུ་གང་དང་གང་དུ་མཆི་བ་དེ་དང་དེར་སེམས་ཅན་ཐམས་ཅད་ཀྱིས་བསྟེན་པའི་འོས་སུ་གྱུར་པ་ལགས་ལ། སེམས་ཅན་ཐམས་ཅད་ལ་སེམས་སྙོམས་ཤིང་ཐ་དད་དུ་སྤྱོད་པ་མ་མཆིས་སོ། །བྱང་ཆུབ་སེམས་དཔའ་རྣམས་ནི་བསྡུ་བ་རྣམས་བཞིས་སྡུད་པ་
D190.061.0207a05.01ན་སེམས་ཅན་རྣམས་ལ་བྱམས་པ་ཐ་དད་པ་མ་མཆིས་ཏེ་དེས་ན་ཐེག་པ་ཆེན་པོ་ཞེས་བགྱིའོ། །བཙུན་པ་རབ་འབྱོར་ཐེག་པ་ཆེན་པོ་ཞེས་བགྱི་བ་ནི་ཐེག་པ་དེ་ཆེ་བ་ལགས་ལ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་
D190.061.0207a06.01དང་། ལྟོ་འཕྱེ་ཆེན་པོ་རྣམས་དང་། མི་དང་མི་མ་ཡིན་པ་རྣམས་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་རྣམས་དང་། མཁས་པ་རྣམས་དང་། སྐྱེས་བུ་དམ་པ་རྣམས་དང་། ཤེས་པ་རྣམས་དང་། ཡང་དག་པར་སོང་བ་རྣམས་དང་། ཡང་དག་པར་ཞུགས་པ་རྣམས་
D190.061.0207a07.01