完整藏文原文 · 德格版页 当前仅加载第 61 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་སུམ་ཅུ་རྩ་གཉིས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིན་པར་བདག་གིས་ཐོས་ན། དེ་བཞིན་གཤེགས་པ་འདི་ལ་ནི་མཚན་སུམ་ཅུ་ཞིག་སྣང་སྟེ། མཚན་གཉིས་ནི་མི་སྣང་བས་མཚན་སུམ་ཅུ་རྩ་གཉིས་དང་ལྡན་པ་མ་ཡིན་ནོ་སྙམ་
D188.061.0198b01.01མོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ཀྱིས་བྲམ་ཟེའི་ཁྱེའུ་སྤྲིན་གྱི་སེམས་ཀྱི་ཀུན་ཏུ་རྟོག་པ་ཐུགས་སུ་ཆུད་ནས། རྫུ་འཕྲུལ་ཇི་ལྟ་བུ་མངོན་པར་འདུ་མཛད་པ་མངོན་པར་འདུ་མཛད་པས་སྐྱེས་བུ་ཆེན་པོའི་
D188.061.0198b02.01མཚན་སུམ་ཅུ་རྩ་གཉིས་པོ་དེ་དག་སྣང་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་འདུ་མཛད་དེ། བྲམ་ཟེའི་ཁྱེའུ་སྤྲིན་གྱིས་དེ་མཐོང་ནས་ཡང་བྲམ་ཟེའི་ཁྱེའུ་སྤྲིན་དགའ་ཞིང་མགུ་ལ་ཡི་རངས་ཏེ། རབ་ཏུ་དགའ་བ་དང་། ཡིད་བདེ་བ་སྐྱེས་ནས་པགས་པ་དེ་བཏིང་བ་
D188.061.0198b03.01དང་། དེ་ནས་རྒྱལ་པོའི་ཕོ་བྲང་པད་མ་ཅན་གྱི་རྒྱལ་པོའི་ཕོ་བྲང་འཁོར་བའི་མི་དེ་དག་གིས་པགས་པ་དེ་བླངས་ནས། ཕན་ཚུན་དུ་བོར་ཏེ་བྲམ་ཟེའི་ཁྱེའུ་སྤྲིན་ལ་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ་མ་སྨྱོས་སམ། གང་དུ་རྒྱལ་པོའི་ན་བཟའ་གདིང་བ་དེར་ཁྱོད་ཀྱིས་པགས་པ་བཙོག་
D188.061.0198b04.01པ་འདི་གདིང་བར་བྱེད། དེ་ནས་བྲམ་ཟེའི་ཁྱེའུ་སྤྲིན་གྱིས་པགས་པ་བླངས་ནས། ལམ་ལས་བཟུར་ཏེ། ལམ་གོལ་བར་འདུག་ནས་བདེན་པའི་ཚིག་འདི་བྱས་སོ། །བདེན་པ་དང་བདེན་ཚིག་གང་གིས་འདི་ལྟར་དེ་བཞིན་གཤེགས་པ་ཐམས་ཅད་མཁྱེན་པ་ཐམས་ཅད་གཟིགས་པ།
D188.061.0198b05.01འཇིག་རྟེན་ལ་ཐུགས་བརྩེ་བ་ཡིན་ན། ཤུལ་ལས་བཟུར་ཏེ་བདག་གི་རལ་པ་ལ་ཞབས་འཇོག་པར་གྱུར་ཅིག །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ཞལ་ཕྱིར་གཟིགས་ནས་དགེ་སློང་རྣམས་ལ་བཀའ་སྩལ་པ། དགེ་
D188.061.0198b06.01སློང་དག་གང་དུ་ངའི་ཞབས་གཉིས་འཇོག་པ་དེར་ཁྱོད་ཀྱིས་གཞག་པར་མི་བྱའོ། །དེ་ཅིའི་ཕྱིར་ཞེ་ན། དེ་ནི་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱས་པའི་རལ་པ་ཡིན་པའི་ཕྱིར་རོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D188.061.0198b07.01