完整藏文原文 · 德格版页 当前仅加载第 61 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་བགེགས་ནི་མ་བྱེད་ཅིག །བཟང་མོ་བདག་གི་གཞི་བྱས་ནས། །སློང་བ་རྣམས་ཀྱི་བགེགས་སུ་འགྱུར། །གཞན་ལྟ་ཞོག་གི་བྲམ་ཟེའི་ཁྱེའུ། །གལ་ཏེ་སློང་ལ་བདག་བྱིན་ན། །བདག་ནི་ཁྱོད་ཀྱི་བགེགས་མི་བྱེད། །བདག་སྨོན་འདིར་གྱུར་གཞན་དུ་མིན། །དེ་
D188.061.0198a01.01གཉིས་སྨོན་ལམ་བཏབ་ནས་ནི། །བྲམ་ཟེའི་ཁྱེ་འུས་ཨུད་པལ་བླངས། །དེ་དག་ཨུད་པལ་ཐོགས་ནས་ཀྱང་། །རྒྱལ་བའི་ཞབས་ལ་ཕྱག་འཚལ་ནས། །གལ་ཏེ་བདག་ལུས་སྐམས་གྱུར་ཅིང་། །བདག་གི་རུས་པ་དཀར་གྱུར་ཀྱང་། །བྱང་ཆུབ་ལུང་མ་བསྟན་བར་དུ། །བདག་ནི་དེ་རིང་
D188.061.0198a02.01མི་ལྡང་ངོ་། །བདག་སྨོན་དེར་གྱུར་གཞན་དུ་མིན། །དེ་ནས་བུ་མོ་བཟང་ལེན་ལྡན་གྱིས་ཨུད་པལ་ལྔ་བླངས་ཏེ་བྲམ་ཟེའི་ཁྱེའུ་སྤྲིན་ལ་བྱིན་ནས་བྲམ་ཟེའི་ཁྱེའུ་ཨུད་པལ་འདི་དག་ལོང་ལ་རང་གི་མིང་གིས་སྐྲུན་ཅིག །བྲམ་ཟེའི་ཁྱེའུ་ཨུད་པལ་འདི་གཉིས་ཀྱང་ཁོ་མོའི་མིང་གིས་སྐྲུན་ཅིག །
D188.061.0198a03.01དེ་ནས་བྲམ་ཟེའི་ཁྱེའུ་སྤྲིན་ཨུད་པ་ལ་དེ་དག་ཁྱེར་ནས། གྲོང་ཁྱེར་གྱི་ཕྱི་རོལ་ཏུ་བྱུང་བ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་མཛེས་པ་དང་བར་བྱ་བ། དབང་པོ་དུལ་བ། ཐུགས་དུལ་བ། མཆོག་ཏུ་དུལ་བ། དང་ཞིང་ཞི་བའི་ཕ་
D188.061.0198a04.01རོལ་ཏུ་ཕྱིན་པ། དུལ་བ་དང་ཞི་བའི་དམ་པའི་ཕ་རོལ་ཏུ་ཕྱིན་པ། གླང་པོ་ཆེན་པོ་དབང་པོ་བསྲུང་ཞིང་ཐུལ་བ། མཚོ་ལྟར་དང་ཞིང་རྣམ་པར་དང་ལ་རྙོག་པ་མེད་པའི་གསེར་གྱི་མཆོད་སྡོང་ལྟར་མངོན་པར་འཕགས་པ། དཔལ་གྱིས་བརྗིད་པ། གཟི་བརྗིད་ཀྱིས་འབར་བ་མཐོང་ངོ་། །སེམས་
D188.061.0198a05.01ཅན་བྱེ་བ་བརྒྱ་སྟོང་ཕྲག་དུ་མ་དང་། ཁྱེའུ་དང་། བུ་མོ་བརྒྱ་ཕྲག་དུ་མ་དང་། ལྷ་དང་། ལྷ་མ་ཡིན་དང་། ཀླུ་དང་། གནོད་སྦྱིན་དང་། དྲི་ཟ་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་མང་པོ་དང་། རྒྱལ་པོ་མ་སྐྱེས་དགྲ་ཡང་བཙུན་མོའི་འཁོར་དང་ལྷན་ཅིག་ཏུ་མེ་
D188.061.0198a06.01ཏོག་དང་། མེ་ཏོག་ཕྲེང་དང་། སྤོས་དང་བྱུག་པ་ཐོགས་ཏེ། བཅོམ་ལྡན་འདས་ལ་མཆོད་པའི་ཕྱིར་འོང་བ་ཡང་མཐོང་ནས། ཡང་འདི་སྙམ་དུ་སེམས་པར་གྱུར་ཏོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ནི་སྐྱེས་བུ་ཆེན་པོའི་
D188.061.0198a07.01