完整藏文原文 · 德格版页 当前仅加载第 58 函德格 192a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་མཆོག་བརྙེས་ཁྱོད་ལ་བདག་ཕྱག་འཚལ། །ཇི་ལྟར་བར་སྣང་ནམ་མཁའ་རྣམ་པར་དག །གཟུགས་མེད་གཟུང་དུ་མ་མཆིས་འདུས་མ་བགྱིས། །དེ་བཞིན་ཆོས་རྣམས་དྲི་མེད་རྣམ་པར་དག །འཇིག་རྟེན་རྣམ་པར་འདྲེན་པས་རབ་ཏུ་བསྟན། །
D153.058.0192a01.01ཡོད་དང་མེད་པར་ལྟ་བ་སྤངས་ནས་ཀྱང་། །རྣམ་དག་ཆོས་རྣམས་བདེ་བར་གཤེགས་པས་གསུངས། །རྐྱེན་དང་བཅས་ཤིང་རྒྱུ་དང་བཅས་པ་སྟེ། །སེམས་ཅན་མ་མཆིས་གང་ཟག་སྲོག་མ་མཆིས། །གཟོད་ནས་རྣམ་དག་ནམ་མཁའི་ངོ་བོ་ཉིད། །སྒྱུ་མ་སྨིག་
D153.058.0192a02.01རྒྱུ་ཆུ་ཟླ་འདྲ་བ་སྟེ། །ཤིན་ཏུ་དག་པ་ནམ་མཁའི་ངོ་བོ་ཉིད། །གནས་པ་མ་མཆིས་གློག་དང་འདྲ་བའི་ཚུལ། །སྔོན་གྱི་མཐའ་སྟོང་ཕྱི་མའི་མཐའ་ཡང་སྟོང་། །སྐྱེ་དང་འཇིག་དང་གནས་པའི་ངོ་བོ་སྟོང་། །འདིར་ནི་འདི་དག་དངོས་མེད་དངོས་མེད་མིན། །འདི་
D153.058.0192a03.01དག་ཐམས་ཅད་རང་བཞིན་མ་མཆིས་སྟོང་། །ཆོས་དབྱིངས་རང་བཞིན་ངོ་བོ་གང་ལགས་དེ། །སེམས་ཅན་ཁམས་ཀྱི་རང་བཞིན་ངོ་བོ་ལགས། །སེམས་ཅན་ཁམས་ཀྱི་རང་བཞིན་ངོ་བོ་གང་། །སངས་རྒྱས་ཆོས་ཀྱི་རང་བཞིན་ངོ་བོ་དེ། །སངས་རྒྱས་ཆོས་ཀྱི་
D153.058.0192a04.01རང་བཞིན་ངོ་བོ་གང་། །དེ་ནི་ཆོས་ཀུན་རང་བཞིན་ངོ་བོ་ཉིད། །ཆོས་ཀུན་རང་བཞིན་ངོ་བོ་གང་ལགས་པ། །སངས་རྒྱས་ཞིང་གི་ངོ་བོ་རང་བཞིན་ཏེ། །སངས་རྒྱས་ཞིང་གི་རང་བཞིན་ངོ་བོ་གང་། །སངས་རྒྱས་བྱང་ཆུབ་རང་བཞིན་ངོ་བོ་དེ། །སངས་རྒྱས་བྱང་ཆུབ་རང་
D153.058.0192a05.01བཞིན་ངོ་བོ་གང་། །དེ་ནི་ཆོས་དབྱིངས་རང་བཞིན་ངོ་བོ་ཉིད། །ཆོས་རྣམས་ཀུན་ལ་རྣམ་པར་དག་པ་འདི། །གང་ཚེ་བྱང་ཆུབ་སེམས་དཔས་དེ་ལྟར་མཐོང་། །དེ་ནས་རྒྱལ་རྣམས་ཡེ་ཤེས་དམ་པ་ཡིས། །བྱང་ཆུབ་མཆོག་ཏུ་དེ་ནི་ལུང་སྟོན་མཛད། །ཆོས་རྣམས་
D153.058.0192a06.01བརྡ་དང་མིང་དང་ཐ་སྙད་ཙམ། །མཉམ་པ་ལགས་ཏེ་མི་བདེན་མིང་དུ་བཏགས། །དེ་དག་སྔོན་ཆད་སུས་ཀྱང་མ་ཐོབ་སྟེ། །དེ་དག་གིས་ནི་མིང་རྣམས་ཀུན་ཏུ་བརྗོད། །མིང་མ་མཆིས་པར་མིང་ནི་རྣམ་པར་བརྟགས། །ཆོས་རྣམས་སྟོང་སྟེ་རང་བཞིན་རྣམ་པར་
D153.058.0192a07.01