完整藏文原文 · 德格版页 当前仅加载第 58 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་པས་དེ་བཞིན་གཤེགས་པ་ཇི་ལྟར་མཆོད་པ་ཉོན་ཅིག །བསམ་པ་རྣམ་པར་དག་པ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། བཅོས་མ་མ་ཡིན་པ་དང་གཡོ་མེད་པའི་ཕྱིར་རོ། །ལྷག་པའི་བསམ་པ་ཡོངས་སུ་དག་པ་ནི་དེ་བཞིན་
D153.058.0185a01.01གཤེགས་པ་ལ་མཆོད་པ་ཡིན་ཏེ། དགེ་བའི་རྩ་བ་ཐམས་ཅད་ལ་ལྷག་པར་དམིགས་པའི་ཕྱིར་རོ། །ཞེ་འགྲས་པ་མེད་པའི་སེམས་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། སེམས་ཅན་ཐམས་ཅད་ལ་སེམས་སྙོམས་པའི་ཕྱིར་རོ། །ཚུལ་འཆོས་པ་དང་།
D153.058.0185a02.01ཁ་གསག་ཐམས་ཅད་རྣམ་པར་སྤངས་པ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། སྤྱོད་ལམ་ཡོངས་སུ་དག་པའི་ཕྱིར་རོ། །ཇི་སྐད་སྨྲས་པ་དེ་བཞིན་བྱེད་པ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། འཇིག་རྟེན་ཐམས་ཅད་ལ་མི་སླུ་བའི་ཕྱིར་རོ། །འཕགས་
D153.058.0185a03.01པའི་རིགས་ཀྱིས་ཆོག་པར་འཛིན་ཅིང་སྦྱངས་པའི་ཡོན་ཏན་ཐམས་ཅད་ཡང་དག་པར་བླངས་པ་མི་འདོར་བ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། དམ་བཅས་པ་ལ་བརྟན་པའི་ཕྱིར་རོ། །དབེན་པ་ལ་དགའ་ཞིང་བྲེ་མོའི་གཏམ་ཡོངས་སུ་སྤངས་པ་ནི་དེ་བཞིན་གཤེགས་
D153.058.0185a04.01པ་ལ་མཆོད་པ་ཡིན་ཏེ། སེམས་ཡོངས་སུ་འདུལ་བའི་ཕྱིར་རོ། །ཇི་སྐད་ཐོས་པའི་ཆོས་ལ་ཚུལ་བཞིན་དུ་སོ་སོར་རྟོག་པ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། ཡང་དག་པ་ཇི་ལྟ་བ་བཞིན་ཡོངས་སུ་ཤེས་པའི་ཕྱིར་རོ། །བདག་མེད་པ་དང་། སེམས་ཅན་
D153.058.0185a05.01མེད་པ་དང་། གསོག་མེད་པ་དང་། གསོ་བ་མེད་པ་དང་། གང་ཟག་མེད་པར་ཉེ་བར་རྟོགས་པ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། གཟོད་མ་ནས་མ་བྱུང་བའི་ཕྱིར་རོ། །སྟོང་པའི་ཆོས་ལ་འཇུག་པ་དང་། མཚན་མ་མེད་པ་ལ་ངེས་པར་རྟོགས་པ་དང་
D153.058.0185a06.01སྨོན་པ་དང་བྲལ་བ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། རྣམ་པར་ཐར་པའི་སྒོ་མངོན་སུམ་དུ་བྱེད་པའི་ཕྱིར་རོ། །རྐྱེན་འདི་པ་ཉིད་ལ་འཇུག་ཅིང་མཐར་ལྟ་བ་སེལ་བ་ནི་དེ་བཞིན་གཤེགས་པ་ལ་མཆོད་པ་ཡིན་ཏེ། རྟག་པ་དང་ཆད་པར་ལྟ་བ་ཡོངས་སུ་སྤོང་
D153.058.0185a07.01