'phags pa spobs pa'i blo gros kyis zhus pa zhes bya ba theg pa chen po'i mdo/
当前为德格木刻版 336b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 336b
- 可引用原文
- 7 行
- 全文规模
- 全经 176 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 2 函第 57 函 · 德格 336b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྟག་ཏུ་སྐྲག་པ་རྣམས། །བླ་མ་ལ་ཡང་དེ་དག་རབ་རྩུབ་བྱམས་ཅན་མིན། །དེ་དག་བདག་གི་ཆུང་མ་ལ་སོགས་གཡོག་ཚོགས་ལ། །དབྱིག་སྦྱིན་མི་བྱེད་ཤིན་ཏུ་སྙིང་བརྩེ་ཤེས་མེད་ཅིང་། །དཀར་པོ་དག་ལས་ལོག་པ་དེ་དག་འདི་ནས་ཤི་འཕོས་ནས། །ཡུན་རིང་མཆོག་ཏུ་ལུས་འབར་སྡུག་བསྔལ་{ཡི་དགས་,ཡི་དྭགས་}འགྱུར། །དེ་དག་ལོ་བརྒྱ་རྣམས་སུ་རྨི་ལམ་རྨིས་པར་ཡང་། །གོས་དང་ཟས་དང་བཏུང་བའང་ནམ་ཡང་རྨི་མི་འགྱུར། །ཁབ་འདྲའི་ཁ་དང་རི་ཆེན་ལྟ་བུའི་ལྟོ་ཅན་རྣམས། །ཉམ་ཐག་ཤར་དང་ནུབ་ཀྱི་རྒྱ་མཚོར་རྒྱུག་པར་བྱེད། །ཁ་ནས་མེ་འབར་ལུས་ངན་ཕྱོགས་དང་ལྷོ་
ཕྱོགས་གཞན། །སྐམས་པར་མཐོང་ནས་རིན་ཆེན་མེ་ནང་ལྷུང་བར་འགྱུར། །གཤིན་རྗེའི་ཕོ་ཉ་དཔུང་མགོ་ལས་གྲུབ་རབ་སྟུག་ཅིང་། །སྲ་ལྡན་རྣམས་ཀྱིས་མནན་ནས་ཟངས་ཞུན་བཟོད་དཀའ་རབ། །མི་འདྲ་རོ་བྲོ་མེད་པ་དེ་དག་རྣམས་ལ་ལྡུད། །རྨོངས་རྣམས་ཡན་ལག་བརྒྱད་ལྡན་ཆུ་བཞིན་འཐུང་བར་བྱེད། །ནང་གྲོལ་ལུས་ཀྱི་ཁོག་པ་བསྲེགས་པ་བསལ་བའི་རླུང་གིས་སུ། །སྐྱེས་པའི་བདག་ཉིད་རྣམས་ལ་སྟོབས་ཆེན་ཡང་ལྡུད་བྱེད། །དེ་ནས་ཤི་འཕོས་མི་ཡི་འཇིག་རྟེན་འདིར་སྐྱེས་རྣམས། །རིགས་དང་ལོངས་སྤྱོད་ལུས་གཡོག་རྣམས་ཀྱིས་དམན་པར་འགྱུར། །
དེ་ནས་བཅོམ་ལྡན་འདས་ཀྱིས་ཡང་སྤོབས་པའི་བློ་གྲོས་ལ་བཀའ་སྩལ་པ། །སྤོབས་པའི་བློ་གྲོས་སེམས་ཅན་ལས་ལྔ་དང་ལྡན་པ་རྣམས་ནི་རིགས་མཐོན་པོ་རྣམས་སུ་འགྱུར་ཏེ། ལྔ་གང་ཞེ་ན། འདི་ལྟ་སྟེ། ཟང་ཟིང་དང་། ཆོས་ཀྱི་སྦྱིན་པ་དག་གིས་འཇིག་རྟེན་ཐམས་ཅད་ལ་གནོད་སེམས་མེད་པར་གྱུར་པ་དང་། དཀོན་མཆོག་གསུམ་དང་། ཕ་མ་ལ་གུས་པ་དང་། ལྷན་ཅིག་སྐྱེས་པའི་བཟོད་པ་དང་། དེས་པ་དང་། ཤིན་ཏུ་གྱ་ནོམ་པ་དང་། སངས་རྒྱས་ཀྱི་གསུང་རྣམ་པ་སྣ་ཚོགས་ཀློག་པ་དང་། ཁ་ཏོན་བྱ་བ་ལ་བརྩོན་པ་སྟེ། སྤོབས་
པའི་བློ་གྲོས་སེམས་ཅན་ལས་ལྔ་པོ་དེ་དག་དང་ལྡན་པ་རྣམས་ནི། རིགས་མཐོན་པོ་རྣམས་སུ་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །བསམ་བྱས་གང་དག་བསོད་ནམས་ཚོགས་པ་སྐལ་བཟང་སྦྱིན་པའི་ཆོ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D151
- 德格版页
- 336b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0151 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。