'phags pa spobs pa'i blo gros kyis zhus pa zhes bya ba theg pa chen po'i mdo/
当前为德格木刻版 332a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 332a
- 可引用原文
- 7 行
- 全文规模
- 全经 176 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 2 函第 57 函 · 德格 332a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བ་དང་ལྷན་ཅིག་ཏུ་མཉན་དུ་ཡོད་པའི་གྲོང་ཁྱེར་ནས་བྱུང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དང་། བཅོམ་ལྡན་འདས་ག་ལ་དེ་ལོགས་སུ་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་གཡོག་འཁོར་དང་བཅས་ཏེ་ཕྱོགས་གཅིག་ཏུ་འདུག་གོ། །དེ་ནས་སངས་རྒྱས་ཀྱི་མཐུས་ཚོང་དཔོན་སྤོབས་པའི་བློ་གྲོས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་
ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ནི་བླ་མའི་མཆོག །ཁམས་གསུམ་པའི་དམ་པ། བྱང་ཆུབ་ཀྱི་བསོད་ནམས་ཀྱི་ལྷག་པའི་གཞི། སེམས་ཅན་ཐམས་ཅད་ངེས་པར་སྒྲོལ་བར་མཛད་པ། ཀུན་དུ་ཁྱབ་པའི་ཐབས་ལ་མཁས་པའི་ཕྱོགས་ཐུག་པ་མ་མཆིས་པ་ངེས་པར་ཐོབ་པར་མཛད་པ་ལགས་ན། བཅོམ་ལྡན་འདས་མ་མཆིས་པའི་དུས་སྙིགས་མའི་རྙོག་པ་ལྔ་དང་ལྡན་པ་ལ་དུག་གསུམ་འབར་ཞིང་རབ་ཏུ་འབར་ལ། གཅིག་ལ་གཅིག་གདུང་བར་བགྱིད་པའི་སེམས་ཅན་རྣམས་ཀྱི་ནང་ན་གང་
ཉེས་པར་བསམ་པ་སེམས་པའི་དུས་ན་གཙོ་བོ་མ་མཆིས་ཤིང་དེ་གང་གི་ཡང་མ་ལགས་པ་དང་། རྒྱལ་པོ་དང་། བློན་པོ་ཆེན་པོ་རྣམས་ཡུལ་ལ་སྲེད་པས་ཟིལ་གྱིས་ནོན་ཏེ་ཕན་ཚུན་མི་འཐུན་ཞིང་གཅིག་ལ་གཅིག་གཡུལ་འགྱེད་པ་དང་། དེ་དག་གཅིག་ལ་གཅིག་གཡུལ་འགྱེད་པ་ན་གཞན་དག་གི་དམག་གི་དཔུང་གི་ཚོགས་དང་། དེ་ལས་གཞན་པ་ཡུལ་གྱི་མི་ལུས་ཆབ་འཚལ་བ་རྣམས་ཀྱི་མིང་ཡང་མི་གདའ་བ་དང་། སངས་རྒྱས་ཀྱི་བསོད་ནམས་ཀྱི་མཐུས་སངས་རྒྱས་ཀྱི་སློབ་མ་གང་ཟག་བཞི་པོ་མང་པོ་དེ་དག་ཀྱང་བསྟན་པ་འདི་ལ་འཇུག་ཅིང་རབ་ཏུ་བྱུང་བའི་ཚུལ་འཐོབ་པ་དང་།
དེ་དག་ཀྱང་ཕྱི་རོལ་གྱི་གོས་ངུར་སྨྲིག་ཙམ་དང་། ཁོང་པའི་ནང་གི་འདུན་པ་དང་། ཞེ་སྡང་དང་། ཤིན་ཏུ་མ་གུས་ཤིང་ཕན་ཚུན་མི་འཐུན་ལ་གཅིག་ལ་གཅིག་སྐུར་པ་འདེབས་པར་བགྱིད་པ་དང་། སྐྱོན་སྒྲོགས་པར་བགྱིད་པ་དང་། ཡོན་ཏན་ངེས་པར་སྦེད་པར་བགྱིད་པ་དང་། ང་རྒྱལ་དང་།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D151
- 德格版页
- 332a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0151 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。