完整藏文原文 · 德格版页 当前仅加载第 56 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲེ་སྔགས་འདོན་པར་བྱེད་ཅིང་མཆི་མ་དག་ཕྱིས་ནས་ཤིང་བཅད་དེ་འགྱེལ་བ་བཞིན་དུ་ས་ལ་སྒྱེལ་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ལེགས་པར་སེམས་པས་ཚེ་དང་ལྡན་པ་ཀུན་དགའ་བོ་ལ་ཚིགས་སུ་བཅད་དེ་སྨྲས་པ། འདུས་བྱས་རྟག་པར་
D136.056.0168a01.01འགྱུར་བ་ཡི། །གནས་འདི་རྙེད་པར་མི་འགྱུར་ཏེ། །འདུས་བྱས་ཐམས་ཅད་མི་རྟག་པས། །མྱ་ངན་མ་བྱེད་ཀུན་དགའ་ཁྱོད། །བརྟགས་པས་འདུས་བྱས་འབྱུང་འགྱུར་ཞིང་། །རྟོག་པ་དེ་ཡང་མི་རྙེད་དེ། །དེ་ལྟར་ཆོས་སྟོང་ཀུན་དགའ་ཁྱོད། །ཅི་ཡི་ཕྱིར་ན་མྱ་ངན་བྱེད། །བརྟགས་
D136.056.0168a02.01པས་ཤེས་པ་སྟོང་པ་སྟེ། །ཤེས་པ་རྣམས་ཀྱིས་སངས་རྒྱས་སྟོང་། །དེ་ལ་སངས་རྒྱས་མི་དམིགས་ན། །ཅི་ཕྱིར་ཀུན་དགའ་མྱ་ངན་བྱེད། །དངོས་རྣམས་ནམ་མཁའ་འདྲ་བ་དང་། །སྨིག་རྒྱུ་ལ་ནི་ཆུ་བཞིན་པས། །བརྟག་མེད་རྣམ་པས་མི་བརྟག་ཅིང་། །མཁས་པ་རྣམ་པར་མ་རྟོག་
D136.056.0168a03.01ཤིག །ཇི་ལྟར་སྒྱུ་མའི་མཁན་པོ་ཡིས། །རྟ་དང་གླང་པོ་བཞོན་པ་དང་། །སྐྱེ་དགུའི་ཚོགས་དང་ལྗོན་ཤིང་ཚལ། །མེ་ཏོག་འབྲས་བུ་དགའ་སྤྲུལ་ལྟར། །དེ་བཞིན་འདུས་བྱས་ཐམས་ཅད་ཀྱང་། །སྒྱུ་མ་བཞིན་དུ་སྙིང་པོ་མེད། །སངས་རྒྱས་རྣམས་དང་ཉན་ཐོས་ཀྱང་། །གཞན་
D136.056.0168a04.01མིན་དེ་བཞིན་ཁོ་ན་ཡིན། །དེ་ནས་ཚེ་དང་ལྡན་པ་ཀུན་དགའ་བོས་རིགས་ཀྱི་བུ་དོན་ལེགས་པར་སེམས་པ་ལ་ཕྱིར་ཚིགས་སུ་བཅད་དེ་སྨྲས་པ། ཇི་སྐད་སྨྲས་པ་དེ་བཞིན་ཏེ། །ཆོས་རྣམས་ཐམས་ཅད་མཚན་ཉིད་མེད། །དེ་འདྲའི་ཆོས་མཆོག་བདག་གིས་ནི། །མཉན་པའི་ཐ་མ་དེ་རིང་ཡིན། །
D136.056.0168a05.01ཇི་ལྟར་མཉན་ཡོད་འཇུག་བྱ་ཞིང་། །ཀུན་དགའ་རྫོགས་སངས་ག་ལ་བཞུགས། །སྤྱན་ལྡན་གང་ནས་བྱོན་འགྱུར་ཞེས། །དྲིས་ན་ཇི་སྐད་བརྗོད་པར་བྱ། །དྲི་གཙང་ཁང་པ་མི་མཆོག་གིས། །སྟོང་པར་བཞུགས་ནས་ཇི་ལྟར་བལྟ། །ཁྲི་གདན་སྟོང་པ་མཐོང་འགྱུར་ན། །ཇི་ལྟར་གནས་
D136.056.0168a06.01འགྱུར་བརྟུལ་ཞུགས་བཟང་། །དེ་ནས་རིགས་ཀྱི་བུ་རབ་ཏུ་ཞི་བར་གནས་ཀྱིས་ཚེ་དང་ལྡན་པ་ཀུན་དགའ་བོ་ལ་ཚིགས་སུ་བཅད་དེ་སྨྲས་པ། ལོ་གྲངས་བྱེ་བར་དུས་ཀྱང་ནི། །དོན་འདི་རྙེད་པར་ཤིན་ཏུ་དཀའ། །ཆོས་དབྱིངས་ཤིན་ཏུ་བལྟ་དཀའ་བ། །སོ་སོར་རྟོག་ཤིག་ཀུན་དགའ་བོ། །ཇི་
D136.056.0168a07.01