完整藏文原文 · 德格版页 当前仅加载第 56 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འདི་ལས་དེ་ལྟ་བུའི་དྲི་འབྱུང་ངོ་། །ཀུན་དགའ་བོ་ཁྱོད་ཀྱིས་སྒྲ་བཞི་པོ་འདི་ལྟ་སྟེ། སྟོང་པ་ཉིད་ཅེས་བྱ་བ་དང་། དངོས་པོ་མེད་པ་ཞེས་བྱ་བ་དང་། ཉེ་བར་ཞི་བ་ཞེས་བྱ་བ་དང་། སངས་རྒྱས་ཞེས་བྱ་བ་འབྱུང་བ་འདི་དག་ཐོས་སམ། གསོལ་པ། བཅོམ་ལྡན་འདས་
D136.056.0161a01.01དེ་དེ་ལྟ་ལགས་སོ། །བཀའ་སྩལ་པ། ཀུན་དགའ་བོ་ས་འདི་དག་ནི་ཁྱེའུ་འདིའི་སྤུའི་ཁུང་བུ་དག་ནས་འབྱུང་སྟེ། ཀུན་དགའ་བོ་ས་འདི་དག་ཐོས་པས་སྲོག་ཆགས་ཁྲག་ཁྲིག་ཕྲག་དྲུག་ཅུ་རྩ་བརྒྱད་ཀྱི་དོན་བྱས་སོ། །སྟོང་གི་འཇིག་རྟེན་གྱི་ཁམས་ཀྱི་སེམས་ཅན་མང་པོ་རྣམས་ནི་ལེན་པ་
D136.056.0161a02.01མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །ཀུན་དགའ་བོ་སངས་རྒྱས་ཀྱི་སྒྲ་གཅིག་པུ་ཐོས་པའི་བྱང་ཆུབ་སེམས་དཔའ་བྱེ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཉིད་ལ་ངེས་པར་ཞུགས་སོ། །གང་དག་སངས་རྒྱས་ཀྱི་ཞིང་འདིའི་ལྷ་དང་མིར་བཅས་པའི་
D136.056.0161a03.01སྐྱེ་དགུ་དག་ལས་ལྷ་དང་། མི་ཁྲག་ཁྲིག་འབུམ་ཕྲག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ལས་ཕྱིར་མི་ལྡོག་པ་ཉིད་ལ་གནས་པར་གྱུར་ཏོ། །ཀུན་དགའ་བོ་རིགས་ཀྱི་བུ་འདི་ནི་དེ་བཞིན་གཤེགས་པ་ང་ཡོངས་སུ་མྱ་ངན་ལས་འདའ་བ་བལྟ་བའི་ཕྱིར་ནུབ་ཕྱོགས་ལོགས་ན་དེ་བཞིན་
D136.056.0161a04.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགའ་བའི་དབང་ཕྱུག་ཅེས་བྱ་བའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་དགའ་སྤུ་ཞེས་བྱ་བ་ནས་སངས་རྒྱས་ཀྱི་ཞིང་འདིར་འོངས་པ་ཡིན་ཏེ། ཀུན་དགའ་བོ་རིགས་ཀྱི་བུ་འདི་སངས་རྒྱས་ཀྱི་ཞིང་འདིར་འོངས་མ་ཐག་ཏུ་འདིས་སེམས་
D136.056.0161a05.01ཅན་ཚད་མེད་པ་རྣམས་ཀྱི་དོན་བྱས་ཏེ། སངས་རྒྱས་ཀྱི་མཛད་པ་བྱས་ཤིང་འདིས་ཆོས་ཀྱི་འཁོར་ལོ་ཡང་རྗེས་སུ་བསྐོར་ཏོ། །ཀུན་དགའ་བོ་བསྐལ་པ་གྲངས་མེད་པ་ཚུན་ཆད་ནས་རིགས་ཀྱི་བུ་འདིའི་སྤུའི་ཁུང་བུ་དག་ནས་སྒྲ་བཞི་པོ་འདི་ལྟ་སྟེ། སྟོང་པ་ཉིད་ཀྱི་སྒྲ་དང་། དངོས་པོ་མེད་པའི་སྒྲ་
D136.056.0161a06.01དང་། ཉེ་བར་ཞི་བའི་སྒྲ་དང་། སངས་རྒྱས་ཀྱི་སྒྲ་འདི་དག་འབྱུང་སྟེ། སྒྲ་རེ་རེས་ཀྱང་སེམས་ཅན་ཚད་མེད་པ་རྣམས་ཀྱི་དོན་བྱས་སོ། །ཀུན་དགའ་བོས་གསོལ་པ། བཅོམ་ལྡན་འདས་རིགས་ཀྱི་བུ་འདིས་དགེ་བའི་རྩ་བ་ཅི་ཞིག་བསགས་ལགས་ན་དེས་ད་ལྟར་འདིའི་སྤུའི་ཁུང་བུ་དག་ནས་འདི་
D136.056.0161a07.01