完整藏文原文 · 德格版页 当前仅加载第 56 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
གཞོམ་པར་བྱའོ། །བྱང་ཆུབ་སེམས་དཔས་ནི་ང་རྒྱལ་བཅག་པས་ཁྱི་དང་འདྲ་བར་བྱའོ། །བྱང་ཆུབ་སེམས་དཔས་ནི་སྔོན་དམ་བཅས་པ་ཉམས་སུ་ལོན་པར་བྱེད་པས་སླུ་བ་མེད་པར་བྱའོ། །བྱང་ཆུབ་སེམས་དཔས་ནི་སེམས་ཅན་ཐམས་ཅད་ལ་སེམས་སྙོམས་པར་བྱའོ། །
D134.056.0112b01.01བྱང་ཆུབ་སེམས་དཔས་ནི་འབྱུང་པོ་ཐམས་ཅད་ལ་བྱམས་པའི་སེམས་སུ་བྱའོ། །བྱང་ཆུབ་སེམས་དཔས་ནི་སེམས་ཅན་ཐམས་ཅད་ཀྱི་དོན་ལ་མངོན་པར་བརྩོན་པས་སྙིང་རྗེ་ཆེན་པོ་དང་ལྡན་པར་བྱའོ། །བྱང་ཆུབ་སེམས་དཔས་ནི་སངས་རྒྱས་ཀྱི་ཆོས་དང་དགེ་བའི་རྩ་བ་ཐམས་ཅད་
D134.056.0112b02.01ཡོངས་སུ་བཙལ་བ་ལ་མངོན་པར་བརྩོན་པས་སེམས་དགའ་བར་བྱའོ། །བྱང་ཆུབ་སེམས་དཔས་ནི་འདོད་པའི་ཡོན་ཏན་གྱི་དགའ་བ་དང་རྩེ་བ་ཐམས་ཅད་ལ་མི་ལྟ་བས་བཏང་སྙོམས་སུ་ལྡན་པར་བྱའོ། །བྱང་ཆུབ་སེམས་དཔས་ནི་རང་གི་ལུས་དང་སྲོག་ཡོངས་སུ་གཏོང་བས་སེར་
D134.056.0112b03.01སྣ་མེད་པར་བྱའོ། །བྱང་ཆུབ་སེམས་དཔས་ནི་ཡོངས་སུ་གཟུང་བའི་དངོས་པོ་རྣམས་ལ་བདག་གིར་འཛིན་པ་མེད་པར་བྱའོ། །བྱང་ཆུབ་སེམས་དཔས་ནི་ཡོངས་སུ་རྟོག་པ་དང་ལྟ་བར་གྱུར་པ་ཐམས་ཅད་དོར་བའི་སེམས་སུ་བྱའོ། །བྱང་ཆུབ་སེམས་དཔས་ནི་ནོར་བདུན་
D134.056.0112b04.01གྱི་ནོར་ཆེན་པོས་ཕྱུག་པར་བྱའོ། །བྱང་ཆུབ་སེམས་དཔས་ནི་སྒྲུབ་པ་ལ་གནས་པས་བརྟན་པ་དང་ལྡན་པར་བྱའོ། །བྱང་ཆུབ་སེམས་དཔས་ནི་སངས་རྒྱས་ཀྱི་ཡོན་ཏན་མཐའ་ཡས་པ་ཚོལ་བས་ཆོག་མི་ཤེས་པར་བྱའོ། །བྱང་ཆུབ་སེམས་དཔས་ནི་ཕ་རོལ་ཏུ་ཕྱིན་པ་རྣམས་
D134.056.0112b05.01ཀྱིས་ཡོངས་སུ་རྫོགས་པར་བྱའོ། །བྱང་ཆུབ་སེམས་དཔས་ནི་བདུད་བཞི་ལས་རྣམ་པར་རྒྱལ་བས་དཔའ་བར་བྱའོ། །བྱང་ཆུབ་སེམས་དཔས་ནི་སེམས་ཅན་ཐམས་ཅད་ཀྱི་ཉོན་མོངས་པའི་ནད་ཞི་བར་བྱ་བ་ལ་མཁས་པས་སྨན་པའི་རྒྱལ་པོར་བྱའོ། །བྱང་ཆུབ་སེམས་དཔས་ནི་
D134.056.0112b06.01བྱང་ཆུབ་ཀྱི་སེམས་དང་མ་བྲལ་བས་ཡོན་གནས་སུ་བྱའོ། །བྱང་ཆུབ་སེམས་དཔས་ནི་སེམས་ཅན་ཐམས་ཅད་ལ་ལྟ་བས་བསོད་ནམས་ཀྱི་ཞིང་དུ་བྱའོ། །བྱང་ཆུབ་སེམས་དཔས་ནི་འཇིག་རྟེན་གྱི་ཆོས་ཐམས་ཅད་ཀྱི་འདམ་གྱིས་མི་གོས་པས་པད་མ་ལྟ་བུར་བྱའོ། །བྱང་ཆུབ་
D134.056.0112b07.01