完整藏文原文 · 德格版页 当前仅加载第 56 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
ཏིང་ངེ་འཛིན་འདི་འཐོབ་པར་བྱེད་པའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚན་པོ་ཆེ་ཆེན་པོ་དྲི་མ་མེད་པའི་གཟི་བརྗིད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བསོད་ནམས་ཀྱི་ཚོགས་ཡང་དག་པར་བསྡུ་བར་འཚལ་བའི་བྱང་ཆུབ་
D134.056.0083a01.01སེམས་དཔའ་སེམས་དཔའ་ཆེན་པོས་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་འདི་མཉན་པར་བགྱིའོ། །བསོད་ནམས་སོགས་པར་འཚལ་བའི་བྱང་ཆུབ་སེམས་དཔའ་སེམས་དཔའ་ཆེན་པོས་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་འདི་མཉན་པར་བགྱིའོ། །
D134.056.0083a02.01བསོད་ནམས་བསམ་གྱིས་མི་ཁྱབ་པ་འཐོབ་པར་འཚལ་བའི་བྱང་ཆུབ་སེམས་དཔའ་སེམས་དཔའ་ཆེན་པོས་བསོད་ནམས་ཐམས་ཅད་བསྡུས་པའི་ཏིང་ངེ་འཛིན་འདི་མཉན་པར་བགྱི། མོས་པར་བགྱིའོ། །བསོད་ནམས་མི་ཟད་པ་འཐོབ་པར་འཚལ་བའི་བྱང་ཆུབ་སེམས་དཔའ་སེམས་
D134.056.0083a03.01དཔའ་ཆེན་པོས་ཏིང་ངེ་འཛིན་འདི་ལ་བརྩོན་པར་བགྱིའོ། །བསོད་ནམས་རྒྱ་མཚོ་འཐོབ་པར་འཚལ་བའི་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་གཟུང་བར་བགྱི། བཅང་བར་བགྱི། བཀླག་པར་བགྱི། བཤད་པར་བགྱིའོ། །བསོད་ནམས་བརྒྱའི་མཚན་
D134.056.0083a04.01ཡོངས་སུ་གཟུང་བར་འཚལ་བའི་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་འདི་སྒོམ་པའི་རྣལ་འབྱོར་ལ་བརྩོན་པར་བགྱིའོ། །དེ་ནས་ཡང་བཅོམ་ལྡན་འདས་ལ་ཚན་པོ་ཆེ་ཆེན་པོ་དྲི་མ་མེད་པའི་གཟི་བརྗིད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་
D134.056.0083a05.01སེམས་དཔའ་སེམས་དཔའ་ཆེན་པོ་མངོན་པར་བརྩོན་པས་འདི་ལྟ་སྟེ། བསོད་ནམས་མི་ཟད་པ་དང་། བསོད་ནམས་རྒྱ་མཚོ་དང་། བསོད་ནམས་བསམ་གྱིས་མི་ཁྱབ་པ་དང་། བསོད་ནམས་{སྩོགས་,སོགས་}པ་དང་། བསོད་ནམས་བརྒྱའི་མཚན་གྱི་ཆོས་འདི་དག་ཇི་ལྟར་ཡོངས་
D134.056.0083a06.01སུ་རྫོགས་པར་བགྱིད་པ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚན་པོ་ཆེ་ཆེན་པོ་དྲི་མ་མེད་པའི་གཟི་བརྗིད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་གསུམ་པོ་འདི་དག་ནི་བསོད་ནམས་ཉེ་བར་རྟོན་པ་དང་། བསོད་ནམས་ཀྱི་ཚོགས་དང་། བསོད་
D134.056.0083a07.01