完整藏文原文 · 德格版页 当前仅加载第 51 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམ་པར་བྱ་བ་མ་ཡིན་པར་མོས་སམ། སྨྲས་པ། མོས་སོ། །སྨྲས་པ། ཇི་ལྟར་མོས། སྨྲས་པ། འཇམ་དཔལ་ངོ་བོ་ཉིད་ཀྱིས་ངོ་བོ་ཉིད་ཡོངས་སུ་མི་ཤེས་པ་དང་། རང་བཞིན་གྱིས་རང་བཞིན་སྤོང་བ་དང་། མངོན་སུམ་དུ་མི་བྱེད་པ་དང་། སྒོམ་པར་མི་བྱེད་པ་དང་། སྐྱེད་པར་མི་བྱེད་པ་དང་། འགག་
D118.051.0297b01.01པར་མི་བྱེད་པ་དང་། ལེན་པར་མི་བྱེད་པ་དང་། འདོར་བར་མི་བྱེད་པ་དང་། མཐའ་དེ་ནི་མི་གནས་པ་ཉིད་དེ། དེ་ལྟར་མོས་སོ། །སྨྲས་པ། བཙུན་པ་ཤཱ་རིའི་བུ་ཁྱོད་ཆོས་ཀྱི་དབྱིངས་ནི་ཕུང་པོར་མི་འདུག་པའི་དབྱིངས་ཡིན་པ་དང་། ཆོས་གང་ཡང་སྐྱེ་བའམ། འགག་པ་མེད་པ་དང་། ཆོས་གང་ཡང་ཕུང་པོར་འདུག་པ་
D118.051.0297b02.01མེད་པར་མོས་སམ། སྨྲས་པ། མོས་སོ། །སྨྲས་པ། ཇི་ལྟར་མོས། སྨྲས་པ། འཇམ་དཔལ་ཆོས་གང་ཡང་སྐྱེ་བའམ། འགག་པའམ། ཕུང་པོར་འདུག་པ་དེ་མི་དམིགས་ཏེ་དེ་ལྟར་མོས་སོ། །སྨྲས་པ། བཙུན་པ་ཤཱ་རིའི་བུ་ཁྱོད་ཤེས་རབ་གང་ཡིན་པ་དེ་ཆོས་ཀྱི་དབྱིངས་ཡིན་ལ། ཆོས་ཀྱི་དབྱིངས་གང་ཡིན་པ་དེ་
D118.051.0297b03.01ཤེས་རབ་ཡིན་ཏེ། ཆོས་ཀྱི་དབྱིངས་ཞེས་བྱ་བའི་མིང་ཡང་ཐོབ་པ་དང་། དེའི་ཕྱིར་ཡང་དགྲ་བཅོམ་པ་ཞེས་བྱ་བར་མོས་སམ། སྨྲས་པ། མོས་སོ། །སྨྲས་པ། ཇི་ལྟར་མོས། སྨྲས་པ། འཇམ་དཔལ་རྟོགས་པར་འགྱུར་བའི་ཤེས་རབ་ཀྱིས་དགྲ་བཅོམ་པ་ཉིད་དུ་འགྱུར་བ་དེ་བཞིན་དུ་ཆོས་ཀྱི་དབྱིངས་ཡོངས་སུ་
D118.051.0297b04.01ཤེས་པར་ཟད་ཀྱི་ཆོས་ཀྱི་དབྱིངས་ཡོངས་སུ་ཤེས་པ་ནི་འདོད་ཆགས་ཀྱི་བདག་ཉིད་དམ། ཞེ་སྡང་གི་བདག་ཉིད་དམ། གཏི་མུག་གི་བདག་ཉིད་ཀྱང་མ་ཡིན་ལ། ཆོས་ཀྱི་དབྱིངས་ལས་ཀྱང་དགྲ་བཅོམ་པ་གུད་ན་མེད་དེ་དེ་ལྟར་མོས་སོ། །སྨྲས་པ། བཙུན་པ་ཤཱ་རིའི་བུ་ཁྱོད་ཆོས་ཐམས་ཅད་སངས་རྒྱས་ཀྱི་ཁྱུ་
D118.051.0297b05.01མཆོག་དང་མཉམ་པར་མོས་སམ། སྨྲས་པ། མོས་སོ། །སྨྲས་པ། ཇི་ལྟར་མོས། སྨྲས་པ། འཇམ་དཔལ་འདི་ལྟར་བཅོམ་ལྡན་འདས་ཀྱིས་ནི་ཆོས་ཐམས་ཅད་རང་བཞིན་གྱིས་དབེན་པར་མངོན་པར་རྫོགས་པར་སངས་རྒྱས་ཏེ། དེ་ལྟར་མོས་སོ། །སྨྲས་པ། བཙུན་པ་ཤཱ་རིའི་བུ་ཁྱོད་ཀྱི་ཡུལ་ཇི་ཙམ་པ་དེ་ཙམ་དུ་
D118.051.0297b06.01ཁྱོད་ཀྱིས་ལན་བཏབ་པ་ལེགས་སོ་ལེགས་སོ། །དེ་ཙམ་ཞིག་ཁྱོད་ལ་དྲིས་ཀྱིས་ད་ནི་རང་གི་གནས་སུ་སོང་ཤིག །ཤཱ་རིའི་བུས་སྨྲས་པ། འཇམ་དཔལ་འདི་ལྟར་འདི་ཉིད་ནི་བདག་གི་ཇི་སྲིད་འཚོའི་བར་གྱི་གནས་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་རིགས་
D118.051.0297b07.01