完整藏文原文 · 德格版页 当前仅加载第 51 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཨཱརྱ་རཏྣ་ཀོ་ཊི་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་རིན་པོ་ཆེའི་མཐའ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་
D118.051.0290b01.01པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་དགེ་སློང་ལྔ་བརྒྱ་ཐམ་པའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེ་ནས་འཇམ་དཔལ་གཞོན་ནུར་གྱུར་པ་མཚན་མོ་སྲོད་ལ་བཅོམ་ལྡན་འདས་ཀྱི་བཞུགས་
D118.051.0290b02.01ཁང་ག་ལ་བ་དེར་སོང་སྟེ་ཕྱིན་ནས་བཞུགས་ཁང་གི་སྒོ་དྲུང་ན་འགྲེང་སྟེ་བཅོམ་ལྡན་འདས་ལ་སྡོད་དོ། །དེའི་ཚེ་བཅོམ་ལྡན་འདས་རིན་པོ་ཆེའི་མཐའ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་བཅོམ་ལྡན་འདས་དྲན་པ་དང་མཁྱེན་བཞིན་དུ་ཏིང་ངེ་
D118.051.0290b03.01འཛིན་དེ་ལས་བཞེངས་ནས་འཇམ་དཔལ་གཞོན་ནུར་གྱུར་པ་སྒོ་ན་འདུག་པ་གཟིགས་སོ། །གཟིགས་ནས་ཀྱང་འཇམ་དཔལ་ཁྱོད་ནང་དུ་ཤོག་ཅེས་དེ་སྐད་ཅེས་བཀའ་སྩལ་ཏོ། །བཅོམ་ལྡན་འདས་ལེགས་སོ་ལེགས་སོ་ཞེས་གསོལ་ཏེ། འཇམ་དཔལ་གཞོན་
D118.051.0290b04.01ནུར་གྱུར་པས་བཅོམ་ལྡན་འདས་ཀྱི་ལྟར་མཉན་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འགྲེང་ངོ་། །འཇམ་དཔལ་གཞོན་ནུར་གྱུར་པ་ཕྱོགས་གཅིག་ཏུ་འགྲེང་བ་དང་།
D118.051.0290b05.01བཅོམ་ལྡན་འདས་ཀྱིས་སྟན་ལ་འདུག་ཅེས་གནང་བ་མཛད་དོ། །བཅོམ་ལྡན་འདས་ཀྱིས་གནང་བས་དེ་ནས་འཇམ་དཔལ་གཞོན་ནུར་གྱུར་པ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་
D118.051.0290b06.01འདུག་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ད་གདོད་ཏིང་ངེ་འཛིན་གང་གིས་བཞུགས་བཞུགས་པ་ལས་བཞེངས་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་
D118.051.0290b07.01