完整藏文原文 · 德格版页 当前仅加载第 51 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དང་ཁྱོར་པོར་སྐྱེའོ། །གཞན་གྱི་བཞིན་ལ་ལྟ་ཞིང་སློང་མོ་བྱེད་པར་འགྱུར་རོ། །དེ་ནས་ཤི་འཕོས་ནས་ཀྱང་ནད་བུ་ཅན་དུ་འགྱུར་རོ། །ལུས་ལས་རྣག་དང་ཁྲག་འཛག་པར་འགྱུར་རོ། །ཆུ་བ་རྣམས་འཁུམས་པར་འགྱུར་རོ། །གང་གི་ཚེ་ན་ལངས་པ་དེ་ན་ཤ་
D116.051.0247a01.01རྣམས་ས་ལ་ལྷགས་ཤིང་རུས་པ་རྣམས་སྣང་བར་འགྱུར་ཏེ། དེ་ལྟར་དེ་དག་ལོ་མང་པོར། ལོ་བརྒྱ་སྟོང་མང་པོར་ལུས་ཀྱི་སྡུག་བསྔལ་མྱོང་བར་འགྱུར་རོ། །གང་དགེ་འདུན་གྱི་ས་ལ་མི་འོས་པར་སྤྱོད་པ་དེ་དག་ནི་བསྐལ་པ་བཅུ་གཉིས་སུ་འོ་དོད་འབོད་པའི་སེམས་ཅན་དམྱལ་བ་ཆེན་པོར་
D116.051.0247a02.01སྐྱེ་སྟེ། ལྕགས་ཀྱི་ཐུ་ལུམ་བསྲེགས་པ་ཁར་བཅུག་ནས་མཆུ་དང་སོ་དག་ཀྱང་ལྷགས། རྐན་ཡང་གས་མགུལ་པ་ཡང་ཚིག །སྙིང་དང་རྒྱུ་མ་དག་ཀྱང་ཐམས་ཅད་དུ་ཐམས་ཅད་ཚིག་ནས་རུས་པའི་ལྷག་མ་ལུས་པར་འགྱུར་ཏེ། དགེ་སློང་དག་དེའི་ཚེ་ལས་ཀྱི་རླུང་ལངས་ནས་ཤི་ནས་ཀྱང་སླར་
D116.051.0247a03.01འཚོའོ། །དེ་ནས་སླར་ཡང་གཤིན་རྗེ་སྐྱོང་བའི་སྐྱེས་བུས་བཟུང་ངོ་། །དེ་ནས་དེ་དག་གི་ལས་བདག་གིས་བྱ་བའི་ལས་ཀྱི་དབང་གིས་ལྕེ་ཆེན་པོ་འབྱུང་བར་འགྱུར་ཞིང་ལྕེ་དེའི་སྟེང་དུ་གཤོལ་བརྒྱ་སྟོང་གིས་རྨོ་བར་འགྱུར་ཏེ། དེ་ལྟར་ལོ་བརྒྱ་ཕྲག་སྟོང་དུ་སེམས་ཅན་དམྱལ་བའི་སྡུག་
D116.051.0247a04.01བསྔལ་མྱོང་བར་འགྱུར་རོ། །དེ་ནས་ཤི་འཕོས་ནས་མེའི་རྫ་མའི་སེམས་ཅན་དམྱལ་བ་ཆེན་པོར་སྐྱེས་ཏེ། དེ་ནས་གཤིན་རྗེ་སྐྱོང་བའི་སྐྱེས་བུ་དག་གིས་བཟུང་ནས་ལྕེ་དེ་ཉིད་ལ་ཁབ་བརྒྱ་སྟོང་གིས་འབིགས་པར་བྱེད་དོ། །དེ་ནས་ཀྱང་ལས་ཀྱི་དབང་གིས་སོས་ནས་མེའི་འོབས་སུ་འདོར་
D116.051.0247a05.01རོ། །མེའི་འོབས་དེ་ནས་ཀྱང་ཕྱུང་ནས་ཆུ་བོ་བེའི་ཏ་ར་ནི་ཆེན་པོར་འདོར་རོ། །དེ་ནས་འཆི་བའི་དུས་བྱས་ནས་སེམས་ཅན་དམྱལ་བ་གཞན་དག་ཏུ་སྐྱེས་ཏེ། དེ་ལྟར་འཁྱམ་པ་ལས་བསྐལ་པ་གསུམ་ཟད་ནས་ཤི་འཕོས་ཏེ་འཛམ་བུ་གླིང་དུ་དབུལ་པོ་དང་། དམུས་ལོང་གི་ནང་དུ་སྐྱེ་བར་
D116.051.0247a06.01འགྱུར་རོ། །དགའ་བོ་དེ་ལྟ་བས་ན་དགེ་འདུན་དག་གི་རྫས་ནི་བསྲུང་བར་བྱའོ། །དགེ་སློང་དག་གང་བསླབ་པ་སྡོམ་པས་ཆོས་གོས་གསུམ་བཅང་བར་བྱ་སྟེ། ཆོས་གོས་གཅིག་ནི་དགེ་འདུན་ལ་ཡིད་བརྟན་ཅིང་དགེ་འདུན་གྱིས་སྤྱད་པའི་ཕྱིར་རོ། །ཆོས་གོས་གཉིས་པ་ནི་རྒྱལ་པོའི་
D116.051.0247a07.01