完整藏文原文 · 德格版页 当前仅加载第 51 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྨན་གྱི་སྡེ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན་
D116.051.0200b01.01པོ་རྒྱ་མཚོ་མཆིང་རྣམ་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆེན་པོ་ཆོས་འཛིན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྤྱན་མཆོག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དབུགས་ཕྱིན་པའི་ལག་པ་དང་། བྱང་
D116.051.0200b02.01ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། དེ་ལྟ་བུ་དག་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་རྣམས་ཀྱང་ཚོགས་སོ། །གཞན་ཡང་དབང་ཕྱུག་དང་། མཐུ་བོ་ཆེ་ལ་སོགས་པ་ལྷའི་སྡེ་སུམ་ཅུ་རྩ་གཉིས་ཀྱི་ལྷའི་སྲས་པོ་རྣམས་ཀྱང་ཚོགས་
D116.051.0200b03.01སོ། །གཞན་ཡང་ལྷའི་སྡེ་སུམ་ཅུ་རྩ་གསུམ་གྱི་ལྷའི་བུ་རྣམས་ཚོགས་ཏེ། ལྷའི་བུ་དབང་ཕྱུག་ཆེན་པོ་དང་། ཉི་མ་དང་། ཟླ་བ་དང་། རླུང་གི་ལྷ་དང་། ཆུའི་ལྷ་ལ་སོགས་པ། ལྷའི་བུ་དེ་དག་ཚོགས་པ་དང་ལྷན་ཅིག་ཏུ། བརྒྱ་བྱིན་ལྷའི་དབང་པོ་དང་། ཚངས་
D116.051.0200b04.01པ་མི་མཇེད་ཀྱི་བདག་པོ་དག་ཀྱང་ཚོགས་སོ། །འཁོར་དེ་ན་ཀླུའི་རྒྱལ་པོ་བརྒྱ་སྟོང་དུ་མ་ཚོགས་པ་རྣམས་འདི་ལྟ་སྟེ། ཀླུའི་རྒྱལ་པོ་ཨུད་པ་ལ་དང་། ཀླུའི་རྒྱལ་པོ་ཤིང་ཨེ་ལའི་ལོ་མ་ཅན་དང་། ཀླུའི་རྒྱལ་པོ་ཉ་ཟན་དང་། ཀླུའི་རྒྱལ་པོ་བ་ལང་གི་བདག་པོ་དང་། ཀླུའི་རྒྱལ་
D116.051.0200b05.01པོ་མགོ་བརྒྱ་པ་དང་། ཀླུའི་རྒྱལ་པོ་ཧུ་ལུ་ཏ་དང་། ཀླུའི་རྒྱལ་པོ་འཇོག་པོ་དང་། ཀླུའི་རྒྱལ་པོ་གླང་མགོ་དང་། ཀླུའི་རྒྱལ་པོ་{རི་དགས་,རི་དྭགས་}མགོ་དང་། ཀླུའི་རྒྱལ་པོ་དགའ་བོ་དང་། བསྙེན་དགའ་བོ་དང་། ཀླུའི་རྒྱལ་པོ་བད་སའི་རིགས་ཀྱི་བུ་དང་། ཀླུའི་རྒྱལ་པོ་མ་དྲོས་པ་
D116.051.0200b06.01དང་། ཀླུའི་རྒྱལ་པོ་རྒྱ་མཚོ་མཆིང་རྣམ་དང་། དེ་ལྟ་བུ་དག་ལ་སོགས་པ་ཀླུའི་རྒྱལ་པོ་བརྒྱ་སྟོང་དུ་མ་དག་ཀྱང་ཚོགས་སོ། །དྲི་ཟའི་རྒྱལ་པོ་བརྒྱ་སྟོང་དུ་མ་དག་ཀྱང་ཚོགས་པ་འདི་ལྟ་སྟེ། དྲི་ཟའི་རྒྱལ་པོ་རྔའི་དབྱངས་ཀྱི་རྒྱལ་པོ་དང་། དྲི་ཟའི་རྒྱལ་པོ་ཡིད་དུ་འོང་བའི་དབྱངས་དང་།
D116.051.0200b07.01